منو الاقرب لقلب زوجك انتي لو اولادك
منوغلاه زايد في القلب انتي ولا اولادك
منو الاول ومنو الثاني انتي ولا اولادك
انا اعرف وحده من ربيعاتي انه زوجها كان يحبها بس من يوم يبت الولد كل حبه راح للولد حتى انه مره ضربها بسبب الولد والمره الثانيه كان يبى يكسر الباب والكوب على راسها بسبته حتى والله الام قامت تكره الولد بس تراجع نفسها وتقول مومنه هذا من الاب هو السبب حتى انها ممنوع تضربه او تهاوشه والاب موجود والله ياويلها من السب
عشان شذيه من يحب زوجك في الاولويه انتي او اولادك او بنتك؟
نصيحه للمقبلات على الزواج:لا تيبو عيال بسرعة عشان ما يتحول كل حب زوجك لك لولدك !
وسلامه راسكم
اتريا ردودكم
في نـاس عندهم الاطفـال شيء حلــو في حيـاتهم ونعمــة من عند المولى عزوجل
بس ما اعتقد انه وجود الاطفـال في الاسرة ممكن يشكل خلافـات .. ابدا ما اعتقد ..
الا ذا كان السبب من الزوجــة … يعني اكيد الزوجـة مقصرة في حق زوجها علشان كذا هو اهتمامه كله طاح لطفل
بس أم تكره طفلها … فعلا غريبــة
اختي بخصوص نصيحتك حلوة ومفيدة .. بس ما تعتقدي ان تضيـع سنـة من حيـاة الزوجيـن فيها مشـاكل .؟؟؟
انا مثلا بعد ما تزوجت قررت ان اجيب اولاد بعد سنـة اذا قدر الله ان شالله .. بس ما مصرة على هذه السالفـة
لان زوجي يموت في الاطفـال ويبي شيء يشغل بالنا وتفكيرنا .. ويحمسنا للحيـاة والمجهود الرائع
وبعديــن الزوجيـن اللي يحبون بعض ما اعتقد ان ممكن شيء في الدنيـا يغير بينهم حتى ولو معاهم مليون طفل
هذه راي .. ومشكــورة ..
ترا هي اللي تعبت عليه 9 شهور وولدت وتحملت الالام الولادة
يا اختى
هذه حالة فردية استثنائية لا يمكن أن نعممها على الجميع
من قال ان الأب او الزوج يكره الأم بعد انجابها
بالعكس الأطفال نعمة من الله تزيد الترابط بين الزوجين وتخلق لهم مشاغل جديدة واهتمامات لذيذة
الله اعلم بالأسباب الحقيقية التى غيرت زوج صديقتك
فعلاهذي حاله فردية استثنائية
ممكن تلاقين الام تحب عيالها اكثر عن زوجها
او الزوج يحب العيال اكثر عن امهم
الحب مب شي اجباري يعني انا ما بزعل لو عرفت ان بنتي او ولدي اعز عند زوجي مني لان الحب مب بالغصب
بس لازم احرص ان هناك تفاهم و احترام و موده ..
عشان نقدر انربي ابنائنا بشكل سليم ..
ولا ما راح تكون اسرة من الاساس
و اللي تبغي عيال لا تصبر و لا تنتظر احملي بسرعه و افرحي بذريتج .. اذا أسأتي اخيار الزوج هذه مسأله اخرى .. انا اعرف ناس قالوا ما نبا عيال الحين و يوم تمنى الله ما رزقهم ..
متى الله يرزق نقول الحمدالله لانهم نعمه ما تعوضها كنوز الدنيا ..
 |
اقتباس |  |
 |
| انا اعرف ناس قالوا ما نبا عيال الحين و يوم تمنى الله ما رزقهم .. | ||
 |
 |
سبحان الله
بالفعل تحدث كثيرا كثيرا
والمفروض ماحد يرفض نعمة الله
جارتنا كلاهما غير
تقول ان ورى حب الزوج لطفله
حبه الكبير لزوجته
وهي تحكي عن تجربه
ترى زوجها الله يرحمه كان
يعشقها بجنون لانها طيبه
المعدن حسب معرفتي بها
ويابت منه ولدين وانه كان يعشق
اولاده منها نتيجه حبه الكبير لها
وهو بنفسه اعترف بهذا
وقال لهل الريال كل ما حب حرمته
حب اي شي منها
ويالييت كل الرياييل مثله