بسم الله الرحمن الرحمن الرحيم
أخواتي عدنااااااااااااااااا مع المكياج المصوّر خطوة بخطوة ,, وهالمرة ,,
المكياج ناعم ومشرق ,,
يالله نبدأ ,,
هذه المنتجات المستخدمة ,, وكل منتج عليه اسمه ,,
وعلى فكرة ترى من ضمن المنتجات المستخدمة فرشاة 187 بس مو مصورة ,,
طبعاً أول خطوة واللي كل عارفها ,, هو تحضير البشرة ,, وتحضير البشرة يختلف من وحدة إلى وحدة ,, والموديل بموضوعنا حضرّت بشرتها عن طريق استخدام الستروب الكريم وهو ماك وبعدين استخدمت الكونسيلر وبعدين الستيك فاونديشن من كلينك ,,
وألحين نبدأ أولى خطوات الشادوووو ,,
ناخذ شوية أو نقطة صغيرة على قولة اللبنانية في ماك من Stilife paint وهذا سلمكم الله بيس
للشادووو يوجد منه عدة ألوان في ماك ,,, هذا يثبت الشادووو عدل مدل ,, وأنا جربته بنفسي ,,
وقبل ما كنت أعرف استخدمه ,, كنت أحط منه كمية لكن لما قلت للبنانية قالت حطي منه نقطة
صغيرة ووزعيه عدل بحيث تتشربه البشرة وبعدين حطي الشادووو وراح يثبته بقوة ,,
وفعلاً كلامها صحيح ,, وهذا البينت أو التيوب حيل حلوووو للشادو البيجمنت وجميع أنواع
الشادوووو ,,, وعلى فكرة في ماك كذا نوع بيس لكن هذا يعتبر الألإضل من وجهة نظري ومن
البياعات أو خنقول الماكييرات في ماك ,
ولاحظوا كيف وزعته الموديل عدل بحيث تشربته البشرة ,,
وبعد ما حطت البيس حطت لوس باودر تحت العين عشان الشادوو لما يتنثر سهل تشيله وما يدمر الوجه , وبعدين حطت الهايلايت
بعدين أضافت Goldenaire pigment
وبعدين ال Melon pigment
وهنيه تم دمج الألوان كلها ,, بحيث صارت بهالشكل ,,
وبعدين قامت بتحديد كامل العين بقلم بني وحاولوا تكثفون القلم وتقربونه من منطقة الرموش السفلى ,
وبعدين قامت بدمجه وتمويهه بهذا الشكل ,,
وبعدين حطت آيلاينر أسود بخط ضعيف عند منب الرموش عشان يعطيها كثافة , بهذا الشكل ,
وبعدين بعد ما حطت الآيلاينر الأسود قامت ودمجته مرة ثانية ,,
وهذا شكله بعد الدمج ,
وعن طريق فرشاة رقم 272 قامت بوضع الشادو واسمه Much على مكان اللآيلاينر لما دمجته ,, بهذا الشكل ,
ولما حطت شادو Much بجانب الفرشاة ,, بالجانب الثاني للفرشاة قامت تدمج الشادو بهذا الشكل ,
وهذا شكله بعد الدمج , شوفوا شلون حلووو ومتناسق ,
وهنيه وبواسطة الفرشاة رقم 182حطت Bronze CCB من ماك على الخدود وعلى الأنف , بهذ الشكل ,
وبواسطة فرشاة 187 حطت بلاشر أورجازم من نارس , وهذا البلاشر رووووعة وعن تجربة ,
وهنيه حطته على تفاحتي الخد ,
وبواسطة الفرشاة رقم 182 قامت الموديل تنظف بقايا البلاشر من على الوجه عشان تعطيه شكل طبيعي ,
وآخر خطوة هي الشفاة ,, حطت الموديل جلوس شفاف clear من ماك ,,
أحب أقول إن هالخطوات المصورة منقولة من أحد المواقع الأجنبية , أخذتها وعدلتها , وترجمت
الموضوع وأضفت عليه ,, ولذلك أرجو عدم نقله إلا بذكر المصدر 
,,
هذا شكل اللوك النهائي , ولاحظوا البشرة كيف مشرقة ,,
ابدعتي ما شاء الله عليك
مشكوووره يالغلا وتسلمييين
موضوع روووعه وهالشي موغريب عليج
رابط الموقع عالخاص
بس اختي شرايج مب الافضل يوم تنقلين الصور تكتبين اسم الموقع الاجنبي عالصور؟ عن يعرفون ويسوولج سالفه ولا تكتبين اسم عروس لانه صورهم والله يااختي عن عوار الراس هذيلا عندهم حقوق الطبع اهم شي ..للاحتياط يعني ..بس ما اظني يعرفون الا اذا حد قاللهم هم شعرفهم بمواقع العرب بس ابعد عن الشر وغنيله 🙁
ومشكورة على المواضيع الحلوه والشرح الاحلى ماشاءالله عليج فن
تسلمي يارب ..
لا عدمناك يالغلا ..
يسلموووو