وانا اشوف كل البنات يمدحون التوتال فينيش مال كانيبو وانا شفت العلبه مالتي ومكتوب من الخلف كومباكت باودر
وشو الاحلى لأن لو التوتال أحلى باخذ التوتال باودر لأني مليت من الكزمباكت
الله يخليكم وضحولي ويزاكم الله الف لف الف خيييييييييييير
التوتال فينش نوعين نوع قديم ونوع يديد توهم منزلينه حق البشره الكبيره في السن
شوفي انا اقولج شنو الفرق بينهم الفرق بينهم بس مجرد مسميات 
كانيبو عندهم 3 انواع حق البودره
total finish foundation
هذي يديده من فترة نازله حق البشرة اللي فوق الـ30
total finish
هذي بودره اساس هالنوع هو المعروف واللي الاغلبيه يستخدمونها ويمدحونها
يصير بالماي تطلع روعه وبدون الماي اروع ..
transmatte compact
هذي بودره مضغوطه ماينفع بالماي .. بس حق التعديلات تطبطبين على الويه بس
لكن محد مدحها ابدا .. حتى شكل الاسفنجه يختلف عن اسفنجه التوتال فينش ..
وانشالله افدتج حبوبه
وانا عمري 15 ولاتجاعيد ولا شي الحمدلله بس احسها حلوه شو رايكم؟
 |
اقتباس |  |
 |
المشاركة الأساسية كتبها كشه محترقه |  |
 |
| انزين في حد جرب البودره الجديده ل كانيبو؟ وانا عمري 15 ولاتجاعيد ولا شي الحمدلله بس احسها حلوه شو رايكم؟ |
||
 |
 |
لي رجعة لسؤالج هذاااا ولسؤالج اللي في الخاص ولسؤالج اللي في بداية الموضوع وبالصور بعد ،،
شكرا على التوضيح يا بنات
شو تبين بالبودره
الله يحفظج خلج ع الترطيب والجلوسات
رجعت لج ،
شوفي هذا سامبلز عبارة عن أساس كانيبو الجديد + بودرة كانيبو تتال فنش الجديدة + البيس ،
هذه صورة أقرب وأتوقع نفس اللي عندج << إجابة سؤالج على الخاص ،
وهذا أساس كانيبو + بودرة توتال فنش ، طبعاً الكريم يناسب البشرات الدهنية والمائلة للدهنية والعادية ،
صورة أقرب للكريم ولاحظي شنو مكتوب liquid لأن الأساس الخاص بالبشرات الجافة مكتوب عليه
cream finish
هذه بودرة اللوس باودر راااائعة جداً جداً ،،
طبعاً كانيبو عندهم خمس أنواع بودرات :
نوعين قديم ونوعين جديد + اللوس باودر ،
هذا التوتال فنش القديم ،
وهذا التوتال الجديد ،
وهذه البودرة المضغوطة العادية القديمة :
وهذه الجديدة ،
طبعاً الفرق بين البودرة القديمة والجديدة إن الجديدة شفافة ما تعطي لون بقدر ما تثبت الأساس وتعطي
مظهر مطفي رائع ولما سألت البياعة قالت اللي ياخذون الأساس الجديدة ياخذون معاه البودرة
الشفافة لأن الكريم تغطيته رائعة وما يحتاج الـ توتال فنش لأن تغطيته كافية ،
أما التوتال فنش فـ ممكن تحطينه بروحه بدون أي كريم أساس بس حطي مرطب تحته لأنه
عبارة عن أساس + بودرة ،
وهذه اللوس باودر مفعولها مثل مفعول البودرة المضغوطة الجديدة ،
ميزتها شفافة بدون لون وتعطي مظهر مطفي بالإضافة إلى إنها تثبت الأساس ،
|
اقتباس | |
|
| انزين في حد جرب البودره الجديده ل كانيبو؟ وانا عمري 15 ولاتجاعيد ولا شي الحمدلله بس احسها حلوه شو رايكم؟ |
||
|
|
أنا جربتها حلوة وما أحس فيه فرق بينها وبين القديمة إلا بالمكونات ،
تقول البياعة إن الأساس الجديد والبودرة الجديدة فيهم مكونات علاجية تقاوم التجاعيد ،
وممكن الأعمار الصغيرة من 20 وفوق يستخدمونها إذا يبون يحافظون على بشراتهم ،
لذلك تلاقين سعرها غاااالي بالمقارنة مع القديمة ،
لكن بما إن عمرج 15 سنة فما يناسبونج ،
لذلك جربي البودرة القديمة توتال فنش بس أهم شي تختارين اللون اللي يناسبج ،،
أي سؤال أنا حاضرة ،،