هلا بنات عندي استفسار بخصوص الليزر لمنطقة الابط ياليت الي سوت ليزر لازالة شعر الابط تفيدنا بتجربتها؟
وين سويتي الليرز؟(في اي مركز)
وكم جلسه؟
وكل جلسه كم كلفتج؟
وحسيتي في اثار جانبيه؟مثلا رائحه او شي ثاني احمرار سواد والخ؟
ونتيجه مرضيه او لا؟
واي نوع من انواع اجهزت الليزر استخدمتي ؟
اتمنى تفيدونا بتجاربكم والي سوت بعد في اماكن ثانيه مثل الريول او الجسم تخبرنا بتجربتها مع الليزر
انا سويت ليزر لكامل جسمى في عياده كايا فرع الفجيره لها اكثر من فرع بالامارات ودول اخري وهادليل نجاحها ورضى الناس عنهم
اخترت هالعياده بعد ماسمعت عن سمعتهم الطيبه والنظافه اكيد وحسن معاملتهم
الله يشهد شفت هالشي وانصحكم بالتعامل معاهم
كامل الجسم بخمسه وعشرين الف بالنسبالى دفعت كامل اريح – وعندهم نظام التقسيط
وشهر واحد من هالسنه كان عندهم عرض باثنين وعشرين ونص راحت عليكم هههههه
نظامهم سبع جلسات وكل جلسه ثلاث مرات بالشهر
اى مكان خاطرج تسوينه يسونه حقج حتى للمنطقه الحساسه قبلها يعطونج كريم املا المخدر قبلها بساعه تستخدمينه قبل الجلسه
بعطيكم مثال الويه :
بعد ماتنظف حقج بالموس اذا مب حالقه على فكره طول فترة العلاج لازم تستخدمين الموس -تحدد المنطقه اللى تبين تسلطين عليها الليزر بقلم ابيض سهل التنظيف – تحط على المنطقه جل – بعدين تمرر عليه الليزر – بعدين تنظف الويه من الجل – وتمرر عليه ثلج – وتنشفه – وتدهنه بكريم يحتوى على كرتزون .
هذى الخطوات تستخدمها على كامل جسمج
( طبيعي بيكون فيه احمرار ويختفي بسرعه ) من اول جلسه بامانه حسيت بفرق يبتدى الشعر يطيح وتحسين بالمسامات تختفى
وعندهم ثلاث خبيرات هنديه ومصريه ومغربيه
ويخيرونج من تبين يسويلج
انت اخترت الهنديه بنوته وتدخل القلب والحلو انها مسلمه ماتحسين باى احراج معاها واسمها( syeda)
وماشالله كلهم يدخلون القلب
وجهازهم اليديد الصغير – الالم فيه بسيط (مب الكبير مثل اللى عند بعض العيادات )
الحمدالله ماشفت اى نتايج سلبيه من اللى بذكرها
وتساؤلاتنا طبعا :
حرق مانكر ممكن يسبب حرق للبشره السمرا او لعدم خبرة الموظفه – او ظهور شعر ابيض لسوء استخدامه يظهر الشعر الابيض وبيكون بعدين صعب ازالته بالليزر – او ريحه في بعض المناطق بسبب نمو الشعر داخل –
سرطان والليزر صار له اكثر من ستين سنه تتعامل معاه الناس لو له اضرار كانت تسجلت حالات وانمنع من الاستخدام
مايمنع خواتى اذكركم العوره (من السره للركبه )متى مباح تكشفين عنها اذا كنتى متضرره حساسيه وحبوب وصعب تنظفين بروحج- بهذى الحاله بتكون علاج مب تجميل . وتأكدى اكثر من المشايخ
يعطيج العافيه على الرد
لا ادا اللي بتنظف لك ما شالت الشعر بالموس اول بتشمي ريحة شعر محروق
اما هو أفضل حل بالنسبة لازاله الشعر فتوكلي على الله وروحي نتائجة هائله