F:
هلا خواتي
أنا ماعرفت وين أحط الموضوع قلت أحطه هني لكي تفيدوني
أنا ولدي يوم كان صغير كان يرضع مني عادي لحد مايتني حمى ورحت المستشفى وعطوني
مضادات وقطعت الحليب عني
هني أبتدت عندي رحلة العناء والشقاء وتعذبت وايد وياه
من أنقطع الحليب ولدي قام مايرضع مني شي ويموت من العطش والله كنت أحسه من كثر
يوعه عيونه بتطلع
جربت عليه حليب من الصيدليه مدحوه لي قلت هذا هو ولدي كانت حزتها عمره شهر ونص جي
المهم عطيته كميه بسيطه شفت الولد تعب شوي وقام يرجع 3 و 4 مرات أنا ما أدري أنه من
الحليب , رديت عطيته الرضعه الثانيه بس كامل الولد عيبه طعم الحليب وشربه كله بس عقبها
مات هلك تم يتجلود من الويع يتجلب وبطنه يعوره ويصيح يصيح وأسهال و يزوع وعينه أنترست دم
وجسمه كله تنفخ وحبب أنا أخترعت وديته
المستشفى وقلتلهم الموضوع كذا كذا كذا …. قالو ماتحمل الحليب غيريله ياه بيبي لاك , عطيته بيبي لاك مال الحساسيه شفت ولدي حبب صدره بعد ورديت وديته المستشفى قالو هذا فيه حساسيه شديده من الحليب البقري وتنوم مناك فوق 3 شهور ونا ادورله حليب يشربه الولد هلك والله مثل الميت كان
جربيتله حليب خاص مستشفيات خاص مال الحساسيه أسمه ( بروجستميل ) وبعد الولد حسس
أخر شي ماعرفت شو بسوي الله هداني عدكتور أطفال خاص وشاف ولدي وعطاني أسم حليب قالي هذا الحليب الوحيد اللي بينفع ولدج بس موب متوفر بلدوله من هولندا وفي مكان واحد من الامارات متوفر فيه بس سعره غالي
رحت وشريته والحمدالله ولدي صحصح وللحين يشربه وماخوز عنه لي فيه غير هلحليب
خواتي عزيزاتي
أنا الحليب كنت أشتريه ب 220 من مستشفى واحد خاص في دوله الامارات يبيعه ولازم تفتحون
للطفل ملف ويوصل طلبيه
أنا زايده عندي كمية من 10 او 11 قوطي متوفرين عندي
فللي تحتاجه تراسلني واعطيها اياه بنص سعره والله موب قصدي التجاره ولا جان بعته بنفس سعره واعرف انه غالي
الحليب لو الولد يشرب 90 ملي يكفي ل 4 أيام القوطي
ولو يشرب 120 ملي يكفي ل يومين ونص او 3
ولو يشرب 160 ملي يكفي يومين
هذا مندون ادخال رضعات طبيعيه بينه
وللعلم من فتره شفت موضوع حرمه محتاجتنه , أنا هذا زايد عن حاجتي لنه ولدي تحول ودخل يشرب من تبع سنه لين سنتين
والمتوفر لدي من البيبي بورن ل السنه
واللي تبا ترضع ولدها منه وخايفه من حليب السوق عن ولدها يصيبه اكزيما مثل ماصار مع ولدي
هم بعد عادي لنه حليب صويا بس عقب 6 شهور تقدر تعطيه حليب السوق والجمعيات
وأتمني تفيدوني وين أقدر أحط موضوع أنه الحليب متوفر عندي لني ماعرف وين
مشكورين واسمحولي طولت 😮
مايرجع
ولما يرجع حاجات بسيطة
وحبيبي يحس بحكه بخدوده
وغيريله الحليب اخذيله خاص مال الحساسيه جربيله بيبي لاك مال الحساسيه وأن مافاد جربيله بروجستميل او نفس الحليب لي أنا كاتبه
عنه بس المشكله موب متوفر
لنه الدكتور قالي هاي الحساسيه تخوز عقب سنتين بس لو تميتي تعطينه وهو يحسس ترا ماراح تخوز عنه الحساسيه ابد وراح تشبص فيه
لحد مايكبر
تحملي
يعطيهم العافية