قرأت كثير لقصص نساء لما واجهتهم مشاكل مع ازواجهم وكيف تغلبوا عليها بالدهاء والحكمه وطولة البال وليس بالتهور والاندفاع .. ومن جد قصص تفتح العقل والذهن وتخليك تفكرين ان تتمالكين نفسك عند حدوث مشكله كبيره … او قصص شلون حصلت على الي تبي من زوجها وهو يضحك ويلعب 
… تعرفون احنا نساء وكيدنا عظيم
… هذا بالاضافه الى القصص الي تعرف الوحده تكسب زوجها في صفها او يسوي الي هي تبي مع ان راي أهله امه و خواته يبون شي ثاني… وقصص تكشف لنا شلون الوحده فهمت زوجها شنو يعني بهالكلمه بعد ماكانت تسبب لها هالكلمه جرح بالقلب مع ان يمكن الرجال يقصد شيء ثاني يعني تعرفون ان الرجال من المريخ والنساء من الزهره .. والكلمه الي يقولها رجال او شي يسويه هو قصده شي واحنا نفهمها شي ثاني
ولكن للأسف قصص من هالنوع جدا قليله …. فحابه احنا نتعاون وكل وحده تعطينا من خبرتها ومن مواقفها … سواء في الخطوبه او الزواج .. وحتى لو كنتي عزباء مع اخوك او ابوك
ونستفيد من بعض … وهالاشياء مهمه مو بس الليالي الرومنسيه .. معاي انتوا صح
وانا اول المتبرعات 
الموقف الاول
في ايام الخطوبه…. زوجي يطفشني .. بعض الاحيان تصير اشياء او مشكله مضايقه منها
او اكون مريضه وارسله مسج واقوله اني مضايقه او مريضه ..
مايرجع يتصل او يسأل او يرسل مسج… يرجع يرسل و يتصل بس عاد متى يمكن بعد اسبوع او 3 ايام ..واول مايتصل او يرسل مسج اهزئه انت ماتحس من زمان قلت لك مضايقه او مريضه ولا تتصل ولا تسأل… وبعض الاحيان طول الأيام رسائل تهزيء … حتى لو رد علي ارد عليه بعصبيه ان ليش ماترد بنفس الوقت … ويقولي خلاص هذا رسلت مسج الحين هذا اتصلت
وفي مره جاتني انفلونزا ورسلت له مسج وقلت له … ولا رد علي ولارسلت له رسائل تهزيء كنت مابعطيه عذر ومرت ثلاث ايام … او يمكن اكثر واتصل وصادف اني موموجوده بالغرفه ومارديت عليه.. ورجعت وانتظرته يدق ومادق مره ثانيه وفتحت جوال برسله مسج وكتبت رسالة تهزيء ليش مايرجع يسأل عني … توني برسل لا وقفت صبعي ومارسلت وقعدت ااكلم نفسي واقول : الحين انتي كل مره مايسأل الا بعد وقت واعصب واهزئه ويرجع يكرر نفس الحركه و ترجعين تحاولين تحلين المشكله بنفس الطريقه شرايك هالمره تغيرين في تصرفك تغيرين طريقة حلك يمكن تجي نتيجه.. ومسحت المسج وكتتبت ياعمري والله شفت اتصالك وعارفه انك متصل تطمن علي ياعمري خايف علي حبي ..تطمن انا صرت احسن صحيح للحين تعبانه بس الحمدلله افضل من قبل.. وفرحت باتصالك… عملت send
شوي ويرجع يتصل 
لا ويكلمني بكل حنان مو نفس كل مره هواش وصراخ >>> تفاجئت والله وفرحت ان رجع اتصل بسرعه لو سويت نفس تصرفي القديم ماكنت حصلت اتصال لانه عارف اذا اتصل بيحصل تهزيء بس الي خلاه يتصل انه تفاجأ من ردةفعلي وعلى غير العاده وبعدها صار يرجع يتصل ويرد على مسجي بسرعه
=============================
موقف " عادي … مومهم"
تعرفون ان احنا والرجال مختلفين عن بعض
يمكن الرجال يقول شي ويتفاجأ بردة فعلج :057:
مرت علي فتره صارت معاي مشكله كبيره
وفي بعض المشاكل الاخرى ….
واذاا تضايقت او حسيت محتاجه افضفض وخصوصا لما احس اني خايفه ومهموه ومحتاره … اتصل على خطيبي وارتاح له كثير
اتصل واقوله المشكله عاد هو دائما يقول : عادي … عادي وكل ماقوله شي يقول عادي .. مومهم … عادي مومهم .. شرايك تدخلين الماسنجر …وفي كل المشاكل الي حصلت لي … وطبعا اعصب عليه ليش مايهتم وعادي وانا مضايقه كلمفروض يخفف عني وانت ماتحس وانت ماتحبني ومن هالكلام وهو يستغرب من عصبيتي …
عاد انا بعد ماسكر الجوال اقعد اصيح اقول اه مايحس واناني وكذاب مايحبني وانه مايستحي على وجهه وواحد قاسي يقولي عادي ومومهم انا طبعا كنت افهمها ان هو يقول : مايهمني وعادي اذا صارت لك مشكله وانتي ماتهميني شنو يعني شنو تبين شسوي لك يحسسني اني ولا شي
ومره صارت معاي مشكله كبيره وكلمته وانا اصيح .. وخصوصا ان خفت لما يعرف يتركني وقلت في كلا الاحوال يمكن يعرف خليني اقوله بنفسي وكان بعد احتمال يتركني حتى لو قلت له : وكان كل رده عادي ومومهم ولا بعد قالي شرايك تدخلين موقع (الفلاني) نلعب بلياردو انا وجهي صار كذا:047:
هذا مايحس قلت له انت ماتحس وحده صايره مشكله معاها هالكبر وانت تقول تعالي نلعب وانت ماتحبني لو تحبني كنت تضايقت ومدري شنو طبعا عصب وقال هذا جزاي اني ابي اغير نفسيتك واسليك واخفف عنك
من بعد هالموقف فهمت كلمة" عادي " الي يقولها و " مومهم "
هو مولأنه مومهتم هو بالعكس هو مهتم كثير عشان كذا يحاول يخفف علي بكلمة عادي يعني يحاول يحسسني ان الامر موكبير واذا كبير انامايهمني ومايسوى ان تضايقين نفسج عليه
ولاتهتمين يعني يحاول يواسيني وان لما كان يبيني ادخل النت او الماسنجر كان يقصد يخفف عني ويشغل عقلي عن المشكله
وخلاص من بعدها لما يقولي عادي اابتسم وا فهم انه يحبني ويحاول يخفف علي همي
بعض الاحيان الرجال يحسس المراه ان المشكله ماتهمه او عاديه ويحاول يسخفها ويكون قصده ان يخفف عنها والمراه تفهمها انه مومهتم بمشكلتها
ها يالله ننتظر مواقفكم الحلوه …… الي فيها ذكاء وحكمه ودهاء
ومواقف … كنتي تفهمينها خطأ وبعدين فهمتي بالضبط شنو يقصدون الرجال بها
وانا احب اضيف موقف صار لي مع زوجي قبل فتره بسيطه .!!
جاني وقت تقريباً يمكن شهر أو أكثر ما طلعت من بيتي غير لبيت أهلي .. أو بيت أهله .. وهو يومياً بالاستراحه واكثر الايام يتعشى برى ..
وتضايقت من الوضع .. وحبيت اني اصارحه باللي مضايقني .. وحطيت في بالي اني كل اسبوع .. ألزم عليه انه يطلع فينا نغير جو ..!!!
على بالي بعدل الوضع .. وأخليه يتعود على كذا .. لكن للأسف مافيه فايده ..!!!
وقررت من بعدها اني اطنشه .. ما اقوله اطلع فينا ولا اطالبه بأي شي غير الأكل واللبس طبعاً ..
والحمدلله الحين صار هو من نفسه يجي يقول لي تجهزي الليله بنطلع نغير جو ..!!
ومره سألته عن سبب تغيره فجأه كذا ..!!
قال لي : انا ما احب انك تلزمين علي بالطلعه .. احب انا اجيبها على كيفي ..!!
تصدقين تفاجأت من كلامه بالمررررررره :047: .. ما توقعت انه كان يتضايق مني اذا قلت له نطلع ..!!!!
بس الحمدلله الحين استمريت على وضعي .. ما اقوله شي .. هو من نفسه يقولها .. 
الله يهنيكم يابنات
بضيف موقف كان دااايماا يصير ويضايقني كمان
كنت لما ابي اطلع بيت اهلي او اي بيت من اعمامي او اي مكااان لااااااااااااازم اول شي يقول لا مافي طلعه
وانا هنا يجيني مية عفريت وليش لا ابي اطلع وغصبا عنك ومو على كيفك هذولا اهلي ومايحق لك تمنعني
يعني اسويها سااالفه طويله وهي ماتستاهل لانو بعد كم ساعه يقول لي يلا اوديك >>> اهم شي ياخرني خخخخخخخخ
وبعد فتره طويييله قلت خليني اجرب شي وقلت له بروح بيت اهلي
رد علي مثل كل مره ويقول لا
طبعا انا مارديت ولا قلت شي بس قلت ان شاء الله ورح اجلس في البيت
وهو استغرب وعلى طول قال اتجهزي ههههههههههههههههههههههه
وبعدين عرفت انو مايبيني اعانده يعني اقوله ان شاء الله وبس وهو رح يوافق
تقريباا مشابه لموقف ام علي
اي والله محتاجين لمواضيع نفهم فيها الرجال وردود افعالهم
نقدر نأثر فيهم من خلالها لأن خلاص احس تثقفنا من ناحية الليالي الرومنسيه والملابس المثيره
بالنسبه لموقفك مع زوجك … تصدقين اغلب الرجال كذ ا يحبون يقولون هالشي من نفسهم
حتى لو مثلا كان ناوي يسوي هالشي وقلتي له يقول : اصلا انا كنت بسوي هالشي قبل ماتقولين
مدري ليش… يمكن يعتبرونه فرض سيطره منا عليهم ويفكرون ان نتحكم فيهم
او لان الرجال بطبعهم مايحبون الاوامر
وزوجك حسيته حاب يقولك او يحسسك اني حاس فيك واني رجال طيب وحبوب .. وعشاان ماتقولين ان انا الي اقوله ويطلعنا ولو مااقوله كان ماطلعنا
والحمدلله عرفتي له طريق 
ننتظرك
الاميره كادي………. صدقيني مافي رجال ماله مفتاح
حاولي تغيرين اسلوبك معاه .. يعني اذا كل مره تستخديمن نفس الطريقه غيريها
اقرأي كتاب .. الرجال من المريخ والنساء من الزهره…
اقرأي كتاب .. البوصله الشخصيه… عشان تتعرفين على شخصية زوجك … وتعرفين من اي جهه تجينه
حلو انك فكرتي تغيرين في اسلوب طلبك
لان بعض الاحيان نرجع نكرر نفس الحركه ونحصل على نفس الرد
ننسى ان نغير الاسلوب يمكن نحصل على استجابه مختلفه
…
حياك الله دوووم
انا في شي لاحظته على الرجال كلهم ….. ان يفيد معاهم اسلوب انك ماتحسسينه انك ميته عليه وان الحياه من دونه يعني نهايتك
يحبون المرأه الي تحسسهم ان اوكي بعيش حياتي وبستمتع فيها حتى لو مومعاك
يحبون المرأه الي يحسون انها مرغوبه من كل الرجال
صدقوني مايحبون البنت الي ماكانت مدلعه في بيت اهلها .. حتى لو انك مومدلعه حسسيه انك دلوعة عائلتك
وان ياكثررررررررررررررررررررر الخطاب حتى لو ماتقدم لك احد
لأن الرجال يشوف انك واجهه له .. واذا كنتي البنت المرغوبه والكشخه والبنت المدللــه معناه انه شخصيه موعاديه الي تزوج ببنت موعاديه مميزه والكل يتمناها…. والرجال هالشيء يحسسهم بالأمان لما يظهرون قدام الرجال الاخرين انهم اشخاص مميزين موعاديين
عشان كذا تشوفون بعض الرجال يتفاخرون بأبو زوجته او بعضهم يبحثون عن رجال رزه وله مكانته ومقامه بين مجتمعه عشان الرجال يقولون عنه::: اوووه شوف مين مناسب بنت ..ال …او عمه ابو زوجته هو فلان الفلاني
الرجل يحب كثير يحس برجولته حتى بأسخف الاشياء
مثلا :: احس اخواني يفرحون اذا مثلا عطيتهم شي عشان يفتحونه
مثلا علبة فيمتو او علبة عصير … بدل ماتستخدميت قوتك او تستخدمين الات عشان تنفتح عطي زوجك اخوك او ابوك
وخليه يفتحها بقوة يده بتشوفينهم يفرحون حسستيهم برجولتهم وطلعوا قدامك انهم رجال
حبيت اضيف : ان من جد طفلك على ماتربيه وزوجك على ماتعوديه
عودي زوجك ايام الخطوبه ان مهما اخذ لك هديه غاليه ماتستخسرين نفسك وتقولين غاليه علميه يدفع
حتى بعدين مايقولك غالي ومايقبل بدفع
حسسيه انك كنتي تلبسين غالي موتقولين انا ابوي يشتري لي بهالسعر انا ماتسوق الا بهالمكان
خليه تلميح بس … يعني اذا شفتي شي قولي والله حلو سعره موغالي حتى لو انه غالي حتى يحس انك متعوده على هالاسعار
يالله يابنات نبي مواقفكم ………… عشان نبي نألف كتاب جديد للرجال من المريخ ونساء من الزهره …
أساسيات في فهم نفسية الرجل
أساسيات في فهم نفسية الرجل :
الرجل يفكر ويشعر بطريقة مختلفة عن المراة (لا تعاملي الرجل بنفسية المرأة ).
من الصعب أن يستمع للمرأة وهي غير سعيدة .
عندما يصمت انشغلي بشي آخر حتى يبدأ هو في الحديث (لا تتوقعي انه يكرهك ).
عندما تتحدثين معه عن مشاعر سلبية قولي " ليس غلطتك " واستمري في الحديث.
لا تتوقعي أن يفاتحك في مشكلاتك ، خذي زمام المبادرة .
المال بالنسبة له لحاجة وحل المشكلات (قللي من المطالب المالية بقدر الأمكان) .
عدم الإلحاح في الطلب (لا تتذمري من عدم تحقيق المطالب ) .
يقدر في المرأة ما يلي : قبول عذره بصدق ، تحمله عندما يكون في حالة سليبة ولا تحاول تغييره .
على المرأة أن تستمع بحياتها بدون الاعتماد على الرجل (الرجل احد الاولويات وليس كل شيء ).
يفسر عبارات المراة التالية بشكل خاطيء :
لماذا تأخرت ؟ يفسرها "أنت غير مسئول "الحياة مملة …يفسرها "تشتكي مني "..ما تسمعني …أهملتني …لا نخرج ابد …ما تشتري لي شيء…( يفسرها بشكل سلبي ).
اطلبي الخدمة من الرجل في الوقت المناسب بدون تعسف أو استياء .
عندما يقول "لا" تقبلي بلطف وبدون استياء .
احترام تفكير ه وآراءه ( اكبر هدية تقدم للرجل ).
الثقة به وبكفاءته وإنجازاته .
التسليم بما يقول والمناقشة اللطيفة بعد ذلك .
عندما يصمت الرجل سواء قبل الحديث أ وبشكل مفاجيء ( لا تفسريه بأشياء سيئة لأنه من طبيعته).
يهتم بالأفعال أكثر من المشاعر (لهذا لا تتوقعي أن يقول عبارات الحب والمديح بشكل مستمر ).
ينظر للأمور بشكل عام وليس بالتفصيل (لهذا أعطيه نهاية القصة أولا ثم تحدثي في التفاصيل) .
ابتعدي عنه عندما يتضايق (لا يستطيع الاستماع في هذه اللحظة ، لا تعطين اقتراحات ، انشغلي بشيء آخر ..).
عندما يستمع إليك يعطي الحلول مباشرة (وهو بعكس المرأة التي تريد الاستماع فقط ).
اشكريه على استماعه لمشكلتك بعد كل مدة من الحديث .
إذا كان كلامك جارحا بوحي لأمراه أخرى أو شخص آخر أو اكتبي المشكلة بالتفصيل ثم مزقي الورقة .
عندما يرفض الرجل طلبك ، تقبلي وانتظري سوف يغضب قليلا ثم يوافق .
ان انا اذا اتكلم بموضوع … بعض الاحيان تصير المواضيع الي نتكلم فيها ماتهم ازواجنا
وانا اتكلم عن موضوع واسولف زوجي كل شوي يقول : وبعد واتكلم ويقول وبعد وبعد..وبعد … وبعد…
انا هنا اعصب احسه كانه واحد طفشان ويبي يخلص ويحسسني ان مومهتم للموضوع كانه يقولي يالله خلصي
بس بعدين عرفت فيه ان هذا طبعه ان متابع للموضوع ويسمع
او يكون مومهتم للموضوع بس لانه يحبني ولان عنده ذوق ويعتبر ان موذوق ان تحسس شخص انك مومهتم لموضوعه فدائما يقولي بعد
المهم تغيرت صرت ماتضايق من كلمة وبعد ااذا قالها صرت اعرف ان مهتم للموضوع
او يمكن مايكون مهتم للموضوع بس لان زوجي عنده ذوق ويفهم بالاتيكيت دائما يحسسني ان مهتم
والاهم من هالشي ان كان فيني طبع و هالطبع بس معاه مو مع الناس ههه
اني اذا ماكنت مهتمه بموضوع اقولها كاش بوجهه " مومهم" او مايهمني ""
اقاطعه او اقوله شدخلنا مابي اعرف غير الموضوع .. والان تعلمت منه اني اسمعه واحسسه اني مهتمه بموضوع يهمه
حلو ان ننتبه للأشياء الحلوه الي عند ازواجنا و نحاول ناخذ منهم صفه او طبع حلو ونتصف به