:
:
مرااحب للجميع
عساكم طيبين وبخير انشاء الله..
احبيت اطرح هالموضوع واتمنى ان مايكون مكرر..
احيانا ممكن نمر بمواقف كثيره مع الميكب
مثلا
تكونين رحتي لصالون يحطون لك مكيب وطلع اللهم ياكافي
او انك كنتي برا البيت في عزومه مثلا ونسيتي شنطه الميكب وغيرها كثير
اتمنى يكون في تفاعل وكل وحده تقول لنا تجاربها او مواقفها لان ممكن
ننبه بعض لاشياء كثيره ونستفيد من الاخطاء ..
وانا ببدا
تخيلوا أعرف بنت بيوم زواجها ماعجبها الميكب وجلست تبكي وتنوح ومارضت
تروح الفندق وتركت الناس ولا اهتمت ..
ومره انا مريت بموقف ماتتخيلون كيف انحرجت انا الحمد الله اعرف احط ميكب حلو
حتى للزواجات يجون لي بنات احط لهم ودايم ابتكر حركات والوان اجربها على
نفسي خاصه لما اكون فاضيه وطفشانه وفي مره من المرات كنت لحالي بالبيت
وجبت عدة المكيب ولما خلصت ومبسوطه اناظر نفسي بالمرايه والا يدق جرس الباب
ياربي من الي الجاي
الا تطلع خويه امي قلت لها لحظه اجي افتح الباب وطيران على الحمام اغسله بس
مستحيل يغسله الصابون كويس لان كنت حاطه كحل سائل واشوف وجهي الا كله
حكل واجيب الكريم بسرعه وعلى ماخلصت ومسحت كل شيء الحرمه راحت بعد
ماخليتها تنتظر ثلث ساعه عند الباب
وسلامتكم راح انتظر ردودكم يالغاليات
يعطيج العافيه
انزين المفروض انها تسوي اي شي مثلا اتروح لصالون ثاني بسرعه .. يعملولها الميكاب …
…
شكرا لج
وموقف العروس ذكرني بزواج ولد خالتي … زوجته ما يعجبها العجب بالمكياج … كانت ماتبي تنزل الصاله وقاعده تبجي تقول مكياجي مو حلو .. وخواتها يحاولون معاها وامها بعد واهي مسكره باب الغرفه وتقول ماراح انزل لا تحاولون … اشويه الا الباب انفتح واهي تضحك تقول يلا بنزل … واحنا وجوهنا عليها علامة ؟ كبيره لوووووووووول … ما ندري شسالفه؟!!! … جان تقول يلا تأخرت بنزل الصاله بسرعه الحين الناس قاعدين يتكلمون يقولون شفيها العروس تأخرت؟!! … ويوم سألناها شفيج تبجين على المكياج واهو حلو مافيه شي؟!! جان تقول هذا مش المكياج اللي حطته لي الخبيره !!! غسلت وجهي وحطيت لنفسي مكياج غير ؟!!!! … وتبون الصراحه والله كان مكياجها شي حلوووووو … وعدت الليله على خير لووووووووووووول …
أنا بصراحة ما صارلي موقف معين ، بس دوم عندي مشاكل مع الميك اب خصوصا لما احطة انا اطلع جني جنية 
و خايفة يوم العرس يطلع الميك مب حلو بصراحة بتكون نفسيتي زباله
ما اظن ادخلج بيتها الحرمه ان زرتوها
شي حلو انا نعرف كيف نتصرف بسرعه بمواقف مثل هذي وخاصه لو للمكياج دور فيها
انا من فترة كان عندنا عرس وقبله بكم يوم كنت افتر بالسوق ادور روج برتقالي ولقيت الحمدلله شي يوفي بالغرض روج بلمعه خفيفه مب ماركه معروفه حتى ما اذكر اسمه بس لونه عجبني مناسب حق لون بشرتي
المهم بيوم العرس ما رضيت اروح الصالون قلت كل شي عندي وانا كنت ناويه احط بس اي شدو وروج لا كريم اساس ولا بودره ولا شي لاني بعدني ما حصلت لون كريم اساس ارتاح له
قمت لبست وخليت شعري مفتوح مب من طوله هههههههههههه كاريه يعني اكيد بيكون مفتوح
وجيت احط الروج والاي شدو الا اشوف الالوان غير على ويهي يعني اللون طلع مايل للبرونز والاي شدو ما تبين اللمعه اللي فيه
والله جاني احباط قمت غسلت ويهي ورحت العرس بدون مكياج
اللي ساعدني على ان الموقف مر بسلام بدون تعليقات ان القاعه كانت شبه مظلمه مدري ناسين يشغلون بقية الاضاءه ولا كانت حركه المهم ساعدتني ومر العرس بسلام لاني كنت بنت عم العروس وكنت امر اسلم على الي اعرفهم من الضيوف
باخر الوقت رحت اكلم رفيجتي بعزكم الله الحمام وهناك وقفت جدام المرايه ولاحظت ان ويهي بروحه منور هههههههههههههههه اضاءه طبيعية لان بشرتي بيضا زياده عن اللزوم وبشرتي شوي دهنيه
قمت فتحت جنطتي ولقيت ان الروج فيها
لمن حطيته
انفجعت الروج طلع جنان بس اللي خرب علي الاضاءه اللي بغرفتي كانت عبط
لهذا نصيحه لا تحطون مكياج باضاءه خفيفه او عاديه الا هاتو الليتات اللي بالبيت وحطوها جدامكم
خذيت عبره ما احط مكياج بغرفتي الا بعد ما اشتري الليت اللي ينحط على المكاتب الصغيرون علشان احطه جدام ويهي مره ثانيه
وتسلمين على الموضوع يا قمر
ضوء الشموع يسلموو على المرو حبيبتي
الوهم صدقتي بس تعرفي بس ليله الزواج يكون كل شي منظم وله
وقته يعني لازم تصور بهالساعه وتروح الفندق بساعه محدده ممكن مايكفي الوقت
غاليتي اشواق تسلمي الغلا على المرور الجميل
وعلى العاده انا كاني العروس كله اخر الناس اروح العرس مشكله صج