كنت اتمشى فالجمعية (x)
وكنت محتاره اي نوع اخذ من الذرة .. والطحين .. والرز .. وغيره وغيره
لأني ما كنت اطبخ في بيت اهلي.. فحاليا كل شي بالتجاااارب :rolleyes:
وحبيت انزل هالموضوع عشان تجاوبوني..
شو هي الماركة المفضلة عندج لكل منتج غذائي..
انا حطيت بعض المنتجات هني.. وياليت كل وحده تجاااوب 😉 وياليت تذكر لنا في اي بلد ساكنه عشان الماركات احيانا تختلف من بلد لبلد..
الباستا =
الطحين =
الرز =
الذرة =
الفول =
الشاي =
المكسرات للطبخ=
الزيتون شرايح =
المشروم =
ماي الورد =
زيت الزيتون =
ماجي =
ورق العنب =
الحليب الطازج =
قشطة الطبخ =
كريمة الطبخ =
الموزاريلا =
واللي حابه تزيد انواع معينة اكتشفت انها حلوة .. تزيييييد (y)
الاخت من السعوديه..بس اعتقد كل الاشياء صارت موجوده فما في فرق كبير اعتقد والله اعلم
شوفي حبيبتي
انا من تزوجت مانزلت السوبر ماركت وتقضيت لبيتي لانه حملت وتعبت وطلعت عن اهلي ومادري وين الدنيا
وعند اهلي عادي مانهتم اللي يجي
اكثر شي نهتم له هو الطحين
ناخذ طحين كويتي ….مررره روووعه وكمان ناخذ طحين مكتوب عليه خاص بالمعجنات ….وطحين خاااص بالحلويات عرفتي…
زيت الزيتون عشق البيت وماناخذ الا الوزير عصره اولى بكر كذا مكتوب عليه…
الشاي الربيع اكسبرس اكيااس للامانه احلى من لبتووون بكثير وتحطي نعناع شي عذااااااب
ورق العنب ناخذ جاهز….طبعا المفضل لدى العائله ورق عنب انس…مررررررره لذيذ..
الذره دائما امي تشتري اللي في ولد لابس اخضر اعتقد العملاق الاخضر مررره حلو بصراحه انا ماحبها
بس مره سيت برمضان سلطه وحطيت هالذره مو مبين طعمها انها مسلوقه مررررره عجبتني
الماجي مايدخل بيتنا وربي وربي وربي من قطعنااه ارتحنا كثير واجسامنا خفت مرررررررره مو زي اول
الرز خخخخخخخخخ حسب ارتفاع الاسعااار ههههههههه بس دائما على بسمتي او الوليمه
هذه الشغلات المهمه الباقي اللي انت كتبتيه يعتبر شي مو اساسي في البيت عادي
نورتي الموضوع..
انا اسمع وايد عن الطحين الكويتي بس ماعرف اذا يبيعونه عندنا.. بدوره هالمره ان شالله..
اما على شاي ربيع ما جربته والله .. بس شكلي بجربي المره اليايه….
والماجي تصدقين انا ماحبه وفي اكلنا العربي استبدله بالبزار والكمون والملح والفلفل الاسود
بس يوم اسوي اكلات مثل الباستا ماقدر اييب الطعم الصح بدون نص حبة ماجي.. احس مهما زدت فلفل اسود او ملح او جبن في شي ناقص….
في شي اسمه all spice ايطالي.. بشتريه وبجربه وان شالله يغنيني عن الماجي..
ومشكوووووووووورة عالمشاركة.. 
الطحين = طحين كويتي فاخر ما استخدم غيره ابد
الرز = البسمتي افضل نوع
الذرة = جربي العلالي دوم استخدمه
الفول = مو من محبينه :tongue:
الشاي = ربيع نكهته احلى من ليبتون بووووايد
المكسرات للطبخ= ما عندي خبرة
الزيتون شرايح = فريش احلى من المعلبات
المشروم = فريش اضبط منه بس اذا تبين تجربين معلب ( العلالي*
ماي الورد = نسيت اسمه بس بييبه لج ووايد حلووو نستخدمه دايم
زيت الزيتون = الوزير
ماجي = ماجي العادي بس بجرب كنور
ورق العنب = حدائق كاليفورنيا
الحليب الطازج = استخدم مراعي
قشطة الطبخ = مراعي
كريمة الطبخ = ما استخدم
الموزاريلا = مو دايم استخدامي بس مبشور الكرافت يضبط 
صار لازم اجرب جاي الربيع انتو الثنتين مدحتوووووووه وانا اكيّف عالجاي.. ان شالله باخذه قريبا .. ومشكورة عالمشاركة
الباستا = قودي
الطحين = السعودي والكويتي
الرز = باب الهند , المهيدب ,
الذرة = العلالي
الفول = لا أستخدم المعلب
الشاي = ربيع و أحياناً ليبتون
المكسرات للطبخ = من المحلات المخصصة للمكسرات
الزيتون شرايح = حلواني
المشروم = العلالي
ماي الورد = الأخضر
زيت الزيتون = الوزير
زيت الطبخ = نور , عافبة
السمنة = فارم
ماجي = ماجي العادي
ورق العنب = العلالي
الحليب الطازج = السعودية , أو المراعي
قشطة الطبخ = المراعي
كريمة الطبخ = المراعي
الموزاريلا = برايد
الملح = الملح الخشن الأكياس بالوزن
وسلامتكم (f)
لباستا = الباستا ماركة إيطاليا لاننا نتعامل اكثر شي مع المنتجات الإيطالية وكل شي مستورد تقريبا…واستعمل ديفيلا في الباستا
الطحين = طحين ممتاز …مكتوب عليه طحين ممتاز وهو انتاج بلدي
الرز = بسمتي وأبو البنت
الذرة =ماعندي نوع معين
الفول =حدائق كارليفونيا
الشاي = شاي سيلان او الربيع ..احنا نشتري الشاي بالكيلو اغلب الاحيان
المكسرات للطبخ=المكسرات نشتريها بالكيلو ولازم تكون فريش..وكل نوع حسب جودته يعني لو فستق حيكون حلبي ولو لوز حيكون امريكي ولو صنوبر حيكون لبناني وهكذا
الزيتون شرايح = في ماركة اسبانية بس اللحين ما تحضرني …على فكرة احسن زيتون الأسباني ها
المشروم =ماعندي نوع معين استعملة
ماي الورد =احنا الورد نقطره في بيوت وينباع شغل بيتي لأن مال السوق اععععع وحتى العطر والزهر
زيت الزيتون والزيتون نأخذه من معاصر يعني مش ماركة معينه المهم يكون عصرة السنه نفسها ولونه وطعمه فريش
ماجي = كنور
ورق العنب =حدائق كارليفونيا
الحليب الطازج =المزرعه ..
قشطة الطبخ =نستله
كريمة الطبخ =نوع ايطالي اسمه ماستر مارتيني
الموزاريلا = ماعندي نوع معين في كل الأجبان لاني احب الأجبان موت
موضوع حلو مشكورة يا ذوق
مشكورة عالرد وصراحة شجعيتني اخذ المكسرات من محلات المكسرات لأني اشتري الكيس غااالي وفيه شوية يادوب تكفي حق مرتين وفالنهاية الجودة ضعيفه !!
اما الملح اول مره اعرف انه يبيعونه اكياس كنت اظن بس معلب في علب.. هالمرة بدوّر ومشكووووووووووورة
حسييييييت اني ابا اعيش عندكم والله كل شي طبيعي من المعصرة ولا المزرعه ماشالله! حتى ماي الورد..
شكله الاكل عندكم له ذوق ثاني .. ماشالله
اذا ييت صوب بلادكم (البعيدة عن بلاد الخليج هههههه) باخذ ويايه مؤوووونه ههههههه
تسلمين عالردود.. وانا متأكده انه الباستا والاجبان اللي عندكم ألذ عن اللي عندنا لأنها اساسا فرنسية او ايطالية وانتو تستوردونها اكثر عنا…