موضوع نقاش عن علاج حب الشباب 2024.

السلام عليكم ورحمة الله

ادش بالموضوع علطوول ..8 سنين وانا اعاني من حب الشباب فترة تروح وفترة تجي

وطول هادي السنين وانا من كريم لكريم ومن خلطة لخطلة وابداً مااااصبـــر

ومن غذاء لغذاء ..

طبعن ولامرة راحت كلها كانت تخف وتروح ومايبقى الا حبة وحبتين وترجع بشرتي تنعدم

سألت نفسي عن الاسباب …

قولت :طب انا مشكلتي لمن كنت استخدم كريم او خلطة معينة ماكنت الاحظ انو هادا يناسبني او دا مايناسبني او دا مالها نتيجة فعالة ..

كنت استخدم وبس يعني اكيد خلال ديك الفترة كانت في كريمات تجيب معايا نتيجة وكريمات ماتجيب …بس مشكلتي اني مااختبر دي الحاجات على بشرتي بس بستخدم وبغير ..فلازم مااظلم خلطات او منتجات معينة .. اكيد وقت مايكون عندي الحبوب ما حلاظ اي نتيجة على الحبوب غير لمن تروح …

وقولت : في حبوب تجي على الوجه تروح اليوم التاني في بعضها تجلس اسبوع بعضها شهر بعضها شهرين .. وهادا الي لاحظتو حالياً من غير اي كريمات ولا حاجة ..

ولو تلاحظو هي هي زي مابتعلمو علاج يقعد معاكم شهر هي نفسها لمن تسيبوها لحالها من غير كريمات حتروح يمكن في اقل من شهر .. ماتلاحظو دا الشي ؟؟

فأنـــا قررت <<

إني مااستخدم لا واقي ولا كريم ولا خلطة ابداً مااحط شي في وجهي غير الصابون الي اغسل به وجهي ومرة صباح ومرة مساء وما افرك وجهي بالصابون كتير عشان لا ينشف ..

واستنى بعد شهر لأنو فعلا دحين حبوبي خفت مابقى الا حبوب صغيرا واللهي .. يعني مابتطلع من ديك الحبوب الملتهبة .. هادا لأني ما بلعب بوجهي بالكريمات ..

ولمن تروح كلها ابدأ اختبر كل كريم ايش يناسبني وايش مايناسبني .. الي مايناسبني اعمل عليه إكس والي يناسبني استمر معاا ..

وكذلك انتبهو في الأكلات الي بتاكلوها .. مثلا عندي نوعيات من الشوكليت بطلعلي حبوب زي الجالكسي لكن الكتكات والفليك مابيعملي حساسية

الفلفل عندي بسببلي هيجااان من الحبوب .. آخر مرة رحت مطعم فلافل ولين يومكم دا طلعتلي حبووووب بس دحين خفت عن اول ..

الفصفص يطلعلي حبوب , الدهون , الجبن .. هادا بالنسبة ليا ..

الشمس وكثرة تعرضي للشمس بسببلي حبوب ..

عندي واقي شمس لونو ازرق بيطلعلي حبة ملتهبة فبطلت استخدمو .. بعدين اشوف كريم يناسبني ..

المهم انتو خليكم على ورقة من يوم مابتستخدمو كريم وتحسو ماناسبكم اعملو عليه اكس واستخدمو كريم تاني لحد ماتلاقو الي سنابكم … طبعن هادا من بعد ماتروح الحبوب ..

شوفو الحــــبة زي الجرح الملتهب حطيتو عليه كريم زاد التهابوا سبتو كدا راح لحالو ..

ماتلاحظو اجسامنا كيف صافية مو زي وجهنا لأننا مابنلعب بيه كتييير …

المهم كترت فلسلفة ..بس دي بعض نصائحي ولمن تروح الحبوب كليا ونهايئا واخيراً ..

علطوول ببشركم في دا الموضوع ..

يعني كل الي حسويه ..

No Cream ..No Sun ..No 5l6at..No chocolate..no chilis..No Chease>>
فقط اغسل وجهي اول بأول

وبكدا اكون عملت احسن خلطة في العااالم

يلا الله يستر شبكتي قربت … مابقي كتير عالحبوب

انتي قلتي ان الشمس بتعدم بشترك كيف ماراح تحطي واقي للشمس ده غلط جدآ :confused:

حبيبتي انا نفس شيء بشرتي تجي ايام رررررررروعه وايام تنعدم وجربت كثير وخسرة كثير مافي فائده فتره وترجع اناالحين قررت اني اخد حبوب الروكتان لان هي العلاج الوحيد ونهائي والله اعلم

سمووحة هوا صح كلامك بس الواقي حقي مايناسب بشرتي و اضطر اروح الصيديلية واجرب واقي تاني ازا تعرفي واقي ممتاز اجربو عليا ؟؟
لكن انا مااطلع للشمس كتير ابداً دايمن في الجامعة جوا المباني
وان اضطريت عشان صحباتي اكون برا المباني عادي بس بشرتي تسود

ويارا سمعت كتير عن حبوب الروكتان مررا ياكتر الي يمدحووو نفسي اجربو والله لكن حبوبي على وشك وتروح

حبيبتي الصمت الحزين انا اتعالجت عند دكتور ونصحني فيها بس خفت منها ورفضت واخدت علاج تاني صارت بشرتي مررره صافيه وكلهم يقولو ايش مسويه بس رجعت انعدمت وندمت اني ماسمعت كلام الدكتور واخذت الروكتان لان قالي الدكتور اي علاج راح يكون مفعولو موقت مو زي الركتان بس ماسمعت الكلام

أختي الصمت الحزين أنتي نفس بشرتي بالتمااام وصدقيني عملت اللي أنتي تقوليه تركت بشرتي ماأحط عليها شيء أحسها أنعدمت بالحيييل وطبعا جربت كل شيء ومانفع فقررت أن أحط عليها زيت مقري عليه يمكن يخف شوي وماأدري…..
حبوب الروكتان ذي حلوه مره ومفعولها حلو كمان يعني مافيه ضرر منها تنصحووني فيها والا……؟؟

الحمد لله
بشرتي ماشاء الله راحت الحبوب اللي فيها وكان السبب رحمة ربي ومن ثم الروكتان والله روووعه بس ساقط شعري لكن الحمد لله ..

تصدقوا شكلي بغير رأيي

شكلي حستخدمو ترا كتير يمدحووووه

اقتباس

المشاركة الأساسية كتبها تـــــوووتــهـ

	أختي الصمت الحزين أنتي نفس بشرتي بالتمااام وصدقيني عملت اللي أنتي تقوليه تركت بشرتي ماأحط عليها شيء أحسها أنعدمت بالحيييل وطبعا جربت كل شيء ومانفع فقررت أن أحط عليها زيت مقري عليه يمكن يخف شوي وماأدري….. حبوب الروكتان ذي حلوه مره ومفعولها حلو كمان يعني مافيه ضرر منها تنصحووني فيها والا……؟؟

:-o:-o تنعدم !!

منجد خـفت