كيف حالكم يا بنات وخاصة الموظفات التعبانات من الدوام والبيت انا الصراحة سألت هذا السؤال قبل ما اتزوج
والصراحة ما حصلت اشياء وافكار تنفعني ذاك الزود
لكني عرفت كيف اوازن بين البيت والدوام بعد ما انحطيت في الموقف يعني بعد ما اتزوجت فموضو:shy: عي اليوم عبار:shy: ة عن جدول اتقسمين فيه شغل البيت والعمل خلوني اخبركم عني اول شي
انا مدرسة يعني الشغل من راسي لين ريولي من التحضيرات واوراق عمل وتصحييح الامتحانات والكتب والكراسات والدرجات وووووو……..الخ واسكن في فلة صغيرونة على قد حالي الطابق الاول فيه غرفتين وحمام الله يعزكم والطابق الارضي فية صالة ومطبخ وحمام كرمتو
اول شي اقسم شغلي كله بين الاعمال الاسبوعية واليومية في جدول:
يعني اليومية مثل:
-الطباخ (الريوق والغدا والعشا عطي حق كلهم ساعة يعني 3 ساعات)
_ترتيب الغرف
-غسيل مواعين (الصحون)
-تنظيف المطبخ
-غسيل الملابس (طبعا اتكون كل يومين او ثلاث في الاسبوع)
-اربع الملابس وما اكوي احطهم هالشكل في الكبت واللي احتاجهم اكويهم حزتها واحط الدخون في الكبت بين فترة وفترة
والاسبوعية مثل:
-غسيل الحمام عزكم الله
-كنس البيت
-انا عن نفسي ارش فليت في البيت كله اسبوعيا وفي كل زوايا البيت وبعدين ادخن البيت (اموت يوم اشوف حشرة) (ع قولت ريلي يوم التنظيف العالمي):dd:
-اقص الخضراوات من الطماط وبصل وخضرة السلطة وانظف الدياي اتبلهم واوزعهم ع اكياس والسمك واللحم نفس الشي بعدين عشان يوم احتاجهم يكون جاهز
-امسح كل الأركان في البيت ( المغبرة )
-اغسل المطبخ وأرتبه واشوف الاشياء الناقصة في البيت واكتبهم ع نوته صفرة (استكر) واحطه ع الثلاجة وكل ما يخلص شي اكتبه ع النوته علشان اخر الشهر أشل الورقة يوم اتسوق وما انسى شي.
-وفوق كل هذا ما انسى احافظ ع البشرة حق ابو الشباب اتكون من الشغلات الاسبوعية من اسكرابات وحمامات شعراسكرابات وحمامات شعر والصراحة بنت العذاري ما مقصرة مول من خلطاتها الذهبية انا منزلة كل الخلطات مالها واجربها اسبوعيا يزاها الله كل خير
-ونطلع كل خميس لأن الواحد الصراحة يرفه عن نفسه بعد اسبوع طويل من العمل والتعب
نرجع لروتين اليومي طبعا بعد يوم طويل في الدوام حاولي بقد ماترومين انج اتخلصين التصحيح وانتي في الحصة واتحضرين في وقت فراغج في المدرسة ونصيحتي لج اشتري لج لاب توب علشان وين ماتروحين ايكون عندج ومتى ما تفيقتي حضري.
–وفي البيت:
يوم بتيين سوي الغدا وبتكونين مطلعة الدياي او اللحم او السمك الصبح وغسلي العيش وخلاص الظهر اتكونين جاهزة للطبيخ وما يبا له اكثر من ساعة والتغدو وغسلي المواعين
بعد الغدا ارتاحو وشوفو التلفزيون انا وريلي انشوف (توم وجيري) انموت فيه
واذا تبين ترتاحين بعد ارقدي ساعتين
-العصر:
نشي وصلي واذا في شغل كمليه مثل اتدخنين الصالة بدخون ذاك الزين او اتشغلين الفواحة اتم اتفوح الصالة طول ست ساعات
-المغرب:
صلي المغرب وجهزي حق العشا واتعشو وغسلي المواعين وجهزي الملابس(ملابسج وملابس ريلج) حق باجر من كوي وتعطير الملابس
-العشا
خلاص ابدي اتحضري حق باجر من اوراق عمل او امتحان وصوري وروحي المدرسة جاهزة انا عن نفسي اروح المدرسة جاهزة واكون مصورة الاوراق وادخل ع الصف جاهزة
وهذا هو الجدول اللي انا اتبعه واحسه وايد ينفعني وان شاء الله ينفعكم واللي عندها زيادة لا تبخل علينا بفايدتها
ملاحظة: الموضوع من عرق جبيني ومحد ينقله لمنتدى ثاني من غير الاذن او ذكر المصدر ولا بدعي عليه يختل ميزان حياته
صراحه اختي كفيتي ووفيتي
بالنسبة للمراة العامله التنظيم مطلوب ولا اعتفست حياتها
بس يبالها بعد زوج متفهم لطبيعة الشغل يعني في بعض الازواج الله يهديهم ما يرضى ينتظر شوي لين يجهز الغدا ويباه جاهز اول ما ايي ولا يقوم يحمل الحرمة فوق طاقتها من طلبات واشياء ولا يحلاله يعزم ربعه الا وهي ميته تعب يعني بالختصر اختي لو عندج ريل متفهم ومقدر لطبيعة شغلج بترتاحين لو لا الله يعينج مهما حاولتي توفقين ما راح يقتنع بشي
بس نرجع نقول ان التخطيط اهم شي بالنسبة للحرمة العامله
يالله وين المشاركات والافكار الباقية كم وحدة دشت وماردوا الله يسامحهم
والله يرزقج الذريه الصالحه ويسعدج مع زوجج
يعطيك ربي الف الف الف عاااافيه على المجهود الواضح والموضووووع الرووووعه ..
الله يهني زوجك فيك يارب =>
**ماشاء الله تبارك الله**
ماشاء الله عليك عيني عليك بارده الله يعطيك الصحه والعافيه
والله يعينك ياقلبي والله الصراحه تعب انا اعرف اغلب الموظفات مايشتغلون في بيوتهم لانه معاهم شغالاااااات بس والله كذا احسن لك
ومشكوووووووووووووره ع الموضوع الجميل
ودارين
بنوتة فتفوتة
وقصة توبه
مشكوووورين وايد ع المروووور
وين المشرفات مافي تشجيع
بس للحلوين اللي ردوا علي ارفق لكم هالملفين اللي فيهم جدول اليومي والاسبوعي تقدرين تكتبين كل الاعمال اللي تنجزينهم
واي شي انجزتيه اشطبي عليه واللي ما اجزتيه اجليه ليوم ثاني
واذا ما اشتغل الرابط نزلوها من المرفقات
منظمه وقتك تماااااام
الله يوفقك في حياتك حبيبتي
افادتني بعض أفكارك يسعدك ربي 
ما فيه أجمل من التوازن في الحياة ..!