شخباركم؟!
اليوم راح أراويكم اللوكات اللي كنت أسويها أيام الجامعة
وهي لوكات مرة سهله وسريعة وما تاخذ يمكن الا نص ساعة
بس طبعا انا بطبعي احب التجديد فمرة اكون كاشخة حيل
ومرة لا اكتفي بهاللوكات البسيطة
اللوك (1)
أول شي طبعا راح أوزع البودرة ع ويهي كله
بعدين أوزع اللون البيج لمورد ع جفني كله أحبه هذا اللون وايد لانه طبيعي
ويهو يصير اللون الثاني من جهة اليسار بالصورة
أرسم عيني من فوق بالكحل
أحط لي من كحل ماكس فاكتر الأسود
أحط لي مسكرا مبروك المسكرا ما استغني عنها ابدا بكل لوكاتي
ولأن اللوك باهت شوي وما في ألوان أحط لون أقوى
وردي غامق شوي
اللوك(2)
لما بشرتي مرتاحة أكتفي بالبودرة الحرة وخلاص
لانها تعطي ويهي لوك حلو وناعم
بس لما تكون بشرتي تعبانه اول احط البودرة تالي احطها البودرة الحرة
راح أستخدم هذي الفرشاة
بالفرشاة اللي حطيت صورتها فوق راح احط اللون الأبيض عند مدمع العين
من فوق وتحت بس عندالمدمع احطه
علشان اوسع عيني
راح احط الكحل الأزرق تحت رموشي اللي تحت
ما راح اخليه يتعدى حدود للرموش أحلى بوايد
يطلع من لين اوصله لمدمع العين
بعدين احط اللون الأبيض داخل عيوني
بعدين احط مسكرا على رموشي
بعدين بالفرشاة أوزع اللوس باودر على ويهي كله
بعدين احط لي بلاشر اللي ع اليسار بالصورة
بعدين احط لي روج لونه وردي هادئ
أتمنى اللوكات عجبتكم
اللي يعجبها موضوعي يدعي لي بالتوفيق بدراستي
وتقيمني
مع حبي
مشتاقة ليك
تم آلتقييم
تسلمين حبيبتي ما قصرتي ..
وايد احتار احط مكياج للجامعه والا لا
لاني ماعرف شو اللوك المناسب لها
على العموم تسلمين
مشكورين حبيباتي ع المرور والرد
منورين
يعطيكم العافية