انا اول مرة اكتب هنا فى القسم بس سؤال نفسى اعرف اجابته حاجة مضايقانى وحابه انى اعرف ارائكم فيها
ممكن الانسان فى لحظة رغم انه بيحب انسان تانى انه يفضل عقله على قلبه يعنى يحكم العقل قبل القلب
بصراحة انا فكرت بالشكل ده بس انا دلوقتى بعانى جوايا ومش عارفة اعمل ايه والمشكلة ان ده كان اختيارى ومقدرش اتكلم قدام حد يعنى كل حاجة بعانيها بعانيها جوايا مش قادرة اطلعها لحد ومش قادرة اتكلم مع حد
هو انا عارفة ان عوامل كتير كانت هتبقى عائق ليا فى المستقبل بس اعمل ايه مش بايدى والله غصب عنى انى افكر وافضل مشغولة
ياترى ده حال البنت اللى تفكر بالعقل انا حاسة ان الموضوع صعب اوى ساعات كتير دلوقتى اقول يارتنى كنت فضلت ورا قلبى بس ارجع واقول قدر الله وماشاء فعل
معلش يابنات كلام مش مرتب خالص بس عاوزة اعرف العقل ولا القلب انا دايما كنت اقول العقل بس حاليا انا بتقطع من جوايا
وادعولى يابنات ربنا يخفف عنى كربى ويفرج عنى ويريح قلبى
اللهم آميييييييييييييييييييييييين
اذا اخترتي العقل قلبك يعذبك لانه غير مرتاح ..واذا اخترتي القلب لازم تضحي ياشياء كثيرة حتى تصبح حياتك عقلانيه يعني معادلة صعبة
موقف العقل تضارب الافكار وتصيري في صراع نفسي فظيع ما بين الواقع والعواطف .. بس اوقات ستظلمي الشخص ونفسك بسبب قلبك لانو تصرفاتك حتكون قاسية غصبا عنك…
وموقف القلب ستضربين بالتقاليد والعادات والحقوق بعرض الحائط ….بس ساعات ستكوني راضية لانه دا اختيارك ودا حبك وقلبك …
لاادري ماذا اقول بس كلها خيارات صعبة ومواقف لايحسد عليها احد في العلاقات والزواج
حاولي تسيطري على تفكيرك وصارعي قلبك باللجوء اللى الى الله ابحثي عت الايجابيات واقنعي نفسك بها
حتى لو حسيتي انك ندمانه بس عن تجربه بقولك الصح هوا قرار العقل عشان دايما بيكون طالع من تفكير كويس وواقعي والي انا مقتنعه بيه اني طالما قبلت الشخص دا بعقلي ولااااازم اكون مرتحاله نفسيا يبقى الحب هيجي ان شاء الله بعد كدا من المعامله الكويسه وانه يكون بيتقي الله فيكي ومصلي
حبيبتي لو هوا فيه عيوب كتيير اوي لو انتي بتحبيه وفكرتي بعقلك مش هتشوفي العيوب دي او على الاقل هتقولي هصلحهالو ودا غلط
لكن لما تفكري بعقلك الاول هتعرفي تشوفي العيوب دي واضحه جدااا وبكدا هتعرفي تاخدي قرار سليم وطبعا لاااازم الاستخاره وعموما في الاخر محدش بيعرف طبع حد اوي غير من العشره وربنا ييسرلك الخير يارب(f)(f)(f)
أختي العزيزه
والعقل يقول شي ثاني
ويظل الإنسان محتار بين الأثنين
semsem83
الدانه
{ نور ال ع رب }
جزاكم الله خيرا على الرد
الحمد لله انا حكمت عقلى والحمد لله وده من فترة بس للاسف كل شوية اقول مين الصح عقلى ولا قلبى وارجع افكر فى الموضوع تانى ومن اول وجديد وكانى لسه فيه
وفعلا زى ما قلتوا بعد مااخترت العقل بحس انى جوايا شئ مكسور واقول كان ممكن وكان وكان وانا بصراحة زهقت من كتر التفكير ونفسى مش افكر تانى فى الموضوع بس غصب عنى والله مش قادرة امنع نفسى
بالله عليكم تدعولى ان ربنا يريح قلبى ويساعدنى على النسيان ويصلح لى احوالى
ثاني شئ أنا بقول حاجة تختلف عن البنات
لو كان العقل مثل القلب كان ما وجد في الدنيا حكماء و بلغاء و عباقرة…
بالعكس أنا لو أتبع قلبي كان مت منذ زمن بعيد….
قد سبق لى وحكمت عقلى والحقيقه فى الاول عانيت كتير لكن حاليا احمد الله فى كل وقت على هذا الاختيار وفى النهايه قدر الله وماشاء فعل والله يصلح لك حالك اللهم امين
أعتقد أنك تتحدثين عن مشكلة مع خطيبك سبق وأن كتبتيها
بوجه عام أن من أنصار العقل دوماً … وفي موقفك بالذات أعيد التأكيد على إبداء العقل على القلب
القلب ينسى خاصة إن دل العقل على سوء اختيار القلب … سينسى القلب إن عاجلا أو آجلا
أما العقل فلن يرحم ولن ينسى ما أوقعه فيه القلب من مشاكل بسبب سوء اختياره
فعلى المدى الطويل العقل أنفع للنفس والقلب من القلب نفسه 
والعاقل هو من نظر إلى الأمام ولم يفضل ألم المرض على مر الدواء