اليوم ياطويلات العمر صحيت بدري علشان صلاة الجمعة لزوجي :21_88:
عاد انسدحت بالصالة عين مفتحة وعين مغمضة من النوم واشوف منال بابو ظبي وهي تقطع السويسرول المالح
بس فاتت علي مقاديره ولا عادوها وشكله حلو مره
مين شافتها وتعلمني بالمقادير
الله يتقبل منا ومنكم صالح الاعمال ويعتق رقابنا من النار ووالدينا والمسلمين اجمعين
اللهم امين
((الحشو))
2 م ك زيت
1 بصل متوسط مفروم
3-4 فص ثوم مهروس
2/1 م ص زنجبيل مفروم
2/1 دجاجة مسلوقه مقطعه باليد لقطع ضغيرة
1 جزر مبشور
2/1 حبة فلفل أخصر حلو مفروم
2/1 حبة فلفل أحمر حلو مفروم
2 م ك زيتون اسود مفروم
1 م ص ملح
4/1 م ص فلفل أسود
1 م ص كزبرة ناعمة
2/1 م ص كمون ناعم
2 م ك عصير ليمون
4/1 ك بقدونس
((عجينة السويسرول))
4 شرائح توست منزوعه الأطراف ومفتت باليد قليلاً
3 حبة كبيرة بيض
1علبة قيمر حجم 250 مل
1 ك جبن شيدر مبشور
4/1 م ص ملح
2 م ص باكنج باودر
2م ك طحين
شفتي المقادير كثيرة هههههههههههه
بس طريقته سهلة..
الحشو تسوينها عادي تحمرين البصل والثوم والزنجبيل .. بعدين تضيفين الباقي وتخلينها تبرد..
السويس رول تخلطين كل المقادير في خلاط الكأس ((خلاط العصير)) وراح يتكون خليط سائل صبية في صينية سويس رول مبطنة بورق زبدة ودخليها الفرن حتى تنضج وبعدين احشيها بالحشوة ولفيها مثل الرول << بعدين منال طلعت عندها وحدة جاهزة من قبل كانت في الثلاجة ..يعني هذا النوع عند الأكل يكون بارد بس قالت كل وحدة على كيفها ممكن يتقدم بارد أو دافئ 
وآخر شي قطعيه لشرائح وبالعافيه
وان شاء الله أفدتك
بس اطلبج .. دعوااااتج لي بالخير حبوووووووبة
الله يجعلكي من عتقاءه ووالديكي ويجزاك الف خير بها الليله المباركة
ويسخر لكي زوجك ويحببكي لقلبه امين يارب
)))مابغيت اسكت
ممكن أعذبك شوي؟ شنو هو قالب السويسرول؟ وهل ممكن استبدله بقالب فرن عادي؟ وشنو البديل لورق الزبدة؟
لما ادخل العجينة الفرن أشغل عليها من تحت ومن فوق؟
وتسلمين
لكن ورق الزبدة مااعرفه
أختي Nice Moon..
سمحيي على التأخير توني اشوف ردج..
1- صينية السويسرول اي صينية تكون مستطييلة وقصيرة الحافه..
2- ورق الزبدة تلقينة في السوب ماركت اسمة بالانجليزي wax paper
3- الفرن اول شي من تحت حتى ينضج وبعدين من فوق شوي بس حتى يحمر