ميڪ آب . / حلوۏومۃ , ڪولڪشڹ ] متڪامڶ ~ الجزء « ² » } . .! ~ 2024.

صبحكمـ الله بـ الخير ..

أخباركمـ ؟!..

أفتقدت هـ القسمـ بـ شكل كبير

من زمان وأنا منقطعة عنكمـ بـ المواضيع

وموضوعي هذا كان المفترض ينزل مو حوالي الشهر ونصف بس الكسل وما يسوي ههههههه

بدايـةً وعلشان ما نضيع بـ السالفة

إلي ما شافت موضوعي الجزء الأول تتفضـل :

…/

رجعت لكمـ هالمرة ,

بمجموعة كبيرة ومتنوعة

من أجدد مكياجاتـي !..

طبعاً عشقي للميك آب ماله حد

وكل يوم والثاني شريت لي شي نيو

وخصوصاً بآخر شهرين إلي طافوا كانت تسوقي للميك آب بـ شكل هوس ههههههه

عموماً !..

حابه أعرضها عليكمـ أولاً وأخيراً حق تعم الفايدة

وتستفيدون منها لـ ربما مثل ما أنا أستفدت

بسم الله نبدي ؟!..

وقبل كل شي يا بنااات ..

(( ذكروا الله , وصلوا على النبي ))

(( ذكروا الله , وصلوا على النبي ))

(( ذكروا الله , وصلوا على النبي ))

…

أول شي صورت لكم تسريحتي المتواضعة , وطريقة ترتيبي للمكياج فيها

•••

وهني جمعت الأغراض علشان أصور ههههههه

…/

[ الفرش & منظف الفرش ~

كل مجموعـة فرشي من ( ماك + مكياجي )

طبعاً ماك , أعطيهم 1000/10

فرشهم ما عليها أي كلام

وتدوم فترة طويلة ولا تتغير

بس العيب في السعر !..

إلي توووو مـج

وبـ النسبة إلى فرش ( مكياجي )

أعطيها 7/10

لأن الكواليتي بينها وبين ماك فرق السما والأرض ,

وبسرعة تخترب

يعني لازم كل كم شهر أروح اخذ غيرها !..

على عكس ماك إلي باقيـة عندي ,

وحالياً قاعدة أفكر أشتري من فراشي ( أنجلوت ) .. عاجبني

•••

منظف فرش ( ماك ) حبيب الآلب هههههه

مالي غنى عنه

وهو الأفضل من بين المنظفات

وايد سهل وسريع صراحةً , يوفر علي وقت وهذي أهم نقطـة

بس ترى زدوا سعـره !!!..

…

[ كريمـ الأساس & البودرة ~

أنا بـشرتي مختلطة ,

وأحب أستخدم لها البودرة المضغوطة ( في السهرات & المناسبات ) لأنها تكون ثابتة جداً وتغطيتها ثقيلة وايد

بس في الطلعات اليومية والمعتادة !..

أحب أطلع بـ اللوك الناجرال وما أحب أحط لي شي , فأكتفي بكريم أساس كريمي من " ميبليـن "

هاي إختراعات نيو .,

عجبتني وايد

وهي فاونديشن سائل + بودرة حرة

تعطيني لوك وايد نعومي وهادىء

وبـ شكل عام أحب منتجات " ميبليـن "

حبيب القلب !..

ومالي غنى عنه أبد

وهو أقدر أسميه كريم أساس ( كريمي ) خفيف جداً

تعودت عليه ,

يخفي لي العيوب البسيطة وكلش مريح وسهل بـ الإستخدام

خصوصاً حق : الدوام .. إلخ هههههه

•••

حبيبـة قلبي !.. الثانية

وهي بودرتي المضغوطة المفضلة

سبق وحطيتها في الجزء الأول وبرجع احطها .. لأن وايد أحبها :032:

من مكياجي > كولكشن صبايا

•••

هذي البودرة النيو من منتجات ( NYX )

أعتقد بـ 8 دينار !..

خفيفة وايد وحلوة

بس أنا عجبني شكلها أكثر ههههههههههههههه

أنيقـة جداً

•••

من ماركة ( كلارنس )

بيس إخفاء الخطوط التعبيرية في الوجه " خطوط الإبتسامة "

طبعاً تتضايقين لمن يكون كل مكياجج بيرفكت , بس خط الإبتسامة واضح بـ شكل يخرب كل شي

هاي البيس ينحط قبل الميك آب ,

ويخفف من الخطوط التعبيريـة

شخصياً أعطيه 6/10

ما حسيت مفعوله قوي ,

وأبي بيس أقوى منه !.. :060:

•••

كنت مقررة أشتري بخاخ تثبيت الميك آب من ( فورإيفور )

بس لقيت بخاخ من ماركة " مكياج "

وبـ سعر حلو ,

قلت بجربه إذا ما نفع .. بخذ إلي في بالي

واللهي أعطيه 8/10

ريحته حلوة .. خفيف ويجف بسرررررعـة

ويساعد صج على تثبيت الميك آب فترة أطول ,

وخصوصاً إن جو الخليج ما شاء الله , موت حر .. والميك آب أبد ما يثبت فيه !..

…

[ الآيشادو " ظل العيون " ~

مثل ما شفتوا في الجزء الأول أغلب المنتجات إلي عندي هي من ( أنجلوت )

بس هـ المرة خذيت لي باليتـات متنوعة

هـ اللون بس ,

حباً في التغيير

وعلشان لو أحتجت أي لون يكون متوفر عندي وأبداً ما أتورط فيه !..

هذي آيشادو مائيـة .. من ماركة ( مبروك )

كلمة ( وااااو ) شويـه عليها

الألوان قوية وايد وثابتة

حبيتها :032:

•••

الآيشادو الجلتر ..

بعضه كريمي .. وبعضه جاف

من ماركة " كلاسيك " + منتجات " NYX "

أولاً :

كلاسيـك , الألوان رهيبة صج !

ثانياً :

NYX , الألوان حلوة .. بس بعضها كريمي وأبداً مب حلو في الإستخدام

•••

ناسيـه شنهو هـ الماركة .,

بس الباليت يحتوي 40 لون مخملي وكلها رووووووعـة

وهو مسكر !..

وهو مفتوح .. الألوان وايد حلوة وزاهيـة

وخفيفة بعد !.. تنفع حق الدمج واللوكات إلي فيها كذا لون وجذي ,

1

2

وهذي من الجهتيـن ( يمين & يسار )

•••

من ماركة ( كاراجا ) .. اللون الأسود ,

روعـة !..

•••

من ماركة ( آوفيـس )

وهي ماركة نيو .. بس وايد حلوة

أعتقد إهي تقليد إلى ماركة > " آنجلوت " :042:

الألوان خياليـة صج .,

حدي احب هـ الألوان

( بنفسج , فوشيه , أسود ) .. وكلها مخمليـة بـ شايني " لمعة " خفيفـة

•••

من منتجات ( NYX ) .. ألوانهم غنية عن التعريف

أولاً : أسعارها حلوة وايد + ثابتة وغامقـة وايد

وهاي اللون السلفر ,

…/

[ الماسكرا ~

أعشق شي أسمه ماسكرا هههههه

عندي من الأساسيـات

ورموشي – ما شاء الله – وايد طويلة ومقوسـة

فأغلب الماسكرات إلي أخذها تكون تكثيف ولون أسود فاحم ,

من كولكشن ( ماكس فاكتر ) الجديد !..

وطبعاً مثل ما إنتوا شايفين الفرشاة وايد عريضة

تعطيهم كثافة حلوة وايد .,

•••

أعتقد إن ماسكرا ماركة ( ريميل ) مب غريبة عليكم أبد ههههههه

لأن صارت عليها دعاية فترة طويلة في المنتدى

بس عموماً !..

ماسكرا لطيفة وحلوة وايد .. حبيتها

مع إني مجربة من ريميل مسبقاً وخذيت موقف , بس هالماسكرا طلعت حلوة

•••

مجدداً !..

ماسكرا ( ماكس فاكتر )

أعطيها 6/10 !!..

وايد , وايد خفيفة :047:

أحط لي بالطبقتين أو الثلاث .. ويا دوب يبين شي

وأنا أحب أحط طبقة وحدة فقط ما أحب أكثر ,

•••

ماسكرا ماركة ( ميبليـن )

روعـة وايد مب شوي

وتعطي كثافة ولون أسود حلو

وفي منها أنواع , أنا خذيت إلي تعطي كثافة أكثر .. ولون

•••

ماسكرا ( برجواز ) المعروفـة

شخصياً حسيتها عادية وايد

يمكن لأني مجربة إلي أفضل منها بـ وايد

بس حلوة حق الطلعات اليوميـة جذي ,

وفي منها ألوان

تحسفت أني خذيت الأسود

قلت لو ماخذة لون غير أفضل من باب التغيير يعني هههههه

•••

وهذي أيضاً ماسكرا ( برجواز )

وهي أجدد شي في كولكشن الماسكرات

تقريباً مثل السابقـة

ما حسيت أكو فرق كبير ,

بس هم حلوة

8/10

…/

من ماركة ( مبروك )

طبعاً وبعيداً عن الإنتقادات !.. – رجاءاً –

أنا من الآوادم إلي يحفون

وبعض الأحيان تصير عندج مناسبة طارئة وضروريـة وشكل الشعر يخرب الميك آب

فـ أفضل حل هو كريم الإخفاء

يخفي الشعرات الصغيرة ,

بس إلي تبي تخفي حاجبها أو ترسمه برسمة معينة

مستحيل هـ الكريم بيسوي لها شغل ههههههههه

يبي لها كريم إخفاء الحواجب ( الواكس )

لأن هذي مفعوله جداً بسيط :057:

…

فـــــاصل ونــــــواصل

…/

[ الكحل ~

أحب وايد الكحل .,

وأهو إلي يحلي ويبرز كل الميك آب

وإستخدامتي له متنوعة

أستخدم الكحل الجاف " القلم " .. السائل " الآيلاينر " .. الكريمي & المائي إلي ينوضع بـ فرشاة

•••

وهذي مقلمة صغيرونـة مرتبة فيها أقلام الكحل & المبرايـة

•••

كحل ملونة " كريمية " بـ جلتر من ماركة ( برجواز )

وهذي الألوان على يدي :

بـ الترتيب ( الأسود , سماوي مايل للسلفر , الفيروزي , الكحلي )

كلها روعـة وقويـة وثابـتة

وأنا وايد أحب أقلام كحل هـ المرة .. كونها ثابتة وما تسيح

•••

الأقلام الجافة " كريمية " السودة

واحد منها ضد الماي ,

بس فعاليتهم وحدة وأنا مالي غنى عن كحل " برجواز "

وهذي سوادها على يدي :

•••

من ماركة ( آوفيس ) مجدداً .,

كحل بودرة مائي , ينحط بـ الفرشاة

وايد حلو وخفيف !..

•••

مجموعة كحل كريمية , تنحط بـ الفرشاة

من ماركات تقليد على ( فورإيفور )

وهي : ميك آب فورلايف + فورإيفور 52

درجة غريبة وحلوة .. مقاربة لألوان الطاووس

النيلي !..

لون كحلي قاتم .,

•••

آيلاينـر , جلتر من منتجات ( NYX )

لونه كلش روعـة بس التصوير ظالمه

وهو فيروزي

•••

عاقصـة رموش " حراريـة " > تشتغل على بطاريات

حلوة وخفيفة بس مفعولها مب مثل العاقصات العاديـة

العادية أفضل بكثير ,

7/10

•••

رموش تركيب ,

أحب هـ الحجم ما أدري ليش ؟!. ههههههه

وهي خاصة بـ الحفلات

في التركيب تطلع بهـ الشكل تقريباً :

…

فـــــــــاصل ونــــــــــــواصل

…/

[ البلاشر ~

أحب وايد أحط لي بلاشر ,

حتى لو ما كنت حاطه ميك آب نهائياً .. هم بعد عادي أحط لي

وخصوصاً إذا ألوان بنوتيـة أو ناجرال

•••

من منتجات ماركة ( NYX )

الموف .,

الوردي .,

الأورنـج بيج .,

أعطيهم 100/10 .. حدهم فظيعيـن :032:

•••

من منتجات " البودي شوب "

لون ناجرال وايد ونعومي .. وياه شاينـي

•••

من زمان أدور عن لون بلاشر ( أحمر )

و ودي يكون ناجرال ونعومي وايد

وللحين احس ما لقيت ضالتي ههههههه << حلوة

أعطيه 7/10

اللون ما شاء الله وايد قوي , كأنه أحد معطيني كف

فـ لازم أخفف منه وايد

•••

بلاشر مخملي , بـ شكل رخامي

وايد روعـة

ناعم وهادىء

والأحلى من جذي علبته ههههه , كأنها بلورة

•••

باليت من 4 بلاشرات .. من ماركة " كلاسيـك "

•••

من ماركة ( نيفيا )

أعطيهم 100/10

وايد حلوين وكيوت ,

درجة مميزة من الموف ,

درجة نعوميـة جداً من الأورونج

•••

من ماركة ( ميبليـن )

بينك ,

أورونج غامق .. بس مبين أنه براون

بس وايد حلو وناجرال

وهاي إلي حبيته في بلاشرات ( ميبلين )

بلاشر كريمي ( بينك ) على لون الآيسكريم ههههه

مع شايني ناعم وخفيـف

•••

ماركة فرنسيـة !..

ما اعرفها

بس جذبني وايد اللون :095:

•••

من ماركة ( ماكس فاكتر )

الأورونج ,

أيضاً من الألوان الناجرال والهادىء وايد

بلاشر كريمي .. لونه وايد فظييييييـع

مثل لون البطيخ الأحمر ( الجح )

•••

تقليد ماك !..

وايد عجبني اللون

وما يفرق عن ماك بآي شي

لأني أستخدم الأصلي ,

لون مشمشي زاهي وايد و روعــــــة

•••

فـــــــــاصل ونــــــــــــواصل

…/

[ الروج " أحمر الشفاه " ~

في ألوان مفضلـة عندي ومحببة إلى قلبي

لأنها تناسب لون بشرتي الحنطاوية " الخمرية "

درجات الأحمر , الوردي , الأورنـج ( خصوصاً ) .. الفوشيـه

•••

من ماركة ( ميبليـن )

درجة من درجات " الأورنج " هادئة ونعوميـة

وهي من الكولكشن الجديد للأرواج عندهم :thumbs_up:

وهاي أقرب شي للون الروج على الشفاه :

•••

من ماركة ( برجواز )

ألوان فسفورية كلش فظيييييييييييعـة :032:

أتعب وأنا أقول حلوة ,

ودرجاتها غريبة وايد

والتصوير ظالمها ولا هي في الصج احلى من جذي

البينـك

•••

ما أدري شسمي هـ اللون , بس بـ الذمة مو رهيب ؟!..

تبين تاكلينه هههههه

<< مب صاحيه

•••

من كولكشن ( نيفيا ) وإلي على فكرة احب وايد أرواجهم ,

مجموعة مميزة صايرة روج بس على جلوس .. يعني صايرة كريمية وايد وفيها ترطيب عالي

وألوانها هادئـة :

ليلـك !..

وأقرب درجة للون الروج على الشفايف :

•••

أورونج .,

وعند جد احبه ههههههههه

عدمته من زود ما أستخدمه

الأحمر .,

لا صج أبي أكله من زود ما أهو حلو ونعومـي

مثل لون الكرز !..

•••

وثاني مجموعة من ( نيفيا ) .. أهي أرواج عادية

وتقريباً درجات متشابـه إلي هي " الفوشيـه "

عذااااااااااااب صج !..

فوشيه 1

فوشيـه 2

وحبيت 2 أكثر !!..

وأقرب شي للون الفوشي على الشفاه :

•••

من ماركة ( آفون )

خذيت درجات الأحمر ..

الأول :

طريقة فتحه وايد نايس هههه

أقرب درجة للون الروج على الشفايف :

الثاني :

وهو أحمر .. مع جلتر " شايني " ,

أقرب درجة للون الروج على الشفايف :

•••

لون حلو وايد ونعومي .,

وأحلى شي فيه إن ترطيبه وايد عالي !..

أقرب درجة للون الروج على الشفاه :

•••

من ماركة ( ريميل )

لون أورونج بيج , لمحبات الألوان الباهتة الطبيعيـة

أقرب درجة للون الروج على الشفاه :

…/

فـــــــاصل ونـــــــــــواصل

…/

[ الجلوس ~

درجات الجلوسات عندي متنوعـة

وأغلب جلوساتي أستخدمها مع الروج , قليل إذا أستخدمت جلوس بروحه

بس أخذ أغلب الدرجات !..

مات + شاينـي

•••

من ماركة ( البودي شوب )

3 ألوان :

خربزي " مشمشي " – مات

وااااااااايـد أحبه

بينك , مع شايني

أحمر << يا حبي للأحمر ههههه :L:

•••

وهذي الجلوسات تحديداً

من " تايلند " .. حدي أحبهم :G:

الأول :

الثاني :

•••

من ماركة ( جولدن ليدي )

حده حلويـن ,

أقرب درجة للجلوس البنفسج على الشفاه :

•••

من ماركة ( جوش )

لون رهيب صراحةً .. مع شايني

أعطيه 1000/10

وايد حلو حق المناسبات والسهرات

ولا الحلو فيه , إنه فيه ليت & مرايا << للأوقات الصعبة هههههه

•••

من ماركة ( NYX )

3 درجات !..

فوشيـه .. وايد حلوة

ولا ريحتها علووووج " اللبان " هههههههه

تبين تاكلينها

<< شكله جوعانة البنت

درجة رهيبة ونعومية وايد

إهي خربزية وإهي جايه على شوي بينك

أقرب درجة للون الجلوس على الشفايف :

•••

أحمر .. مع شايني ,

•••

من ماركة ( ريميـل )

حده حلو اللون

•••

جلوس مكبر للشفايـف !..

عجبني لونه في البداية وبعدها قالت لي السيلز , أنه مكبر للشفايف

فـ تشوقت أخذه

لونه نعومي وهادىء

أول ما أحطه أحس بوخز خفيف شوي .. ومعاها حرارة

ما أحس أن شفايفي تكبر وايد .. وايد

بس يعطيها إمتلاء حلو

•••

[ مرطبات الشفايف ~

أنا حبي وغرامي ( لابيلو )

ينفع وايد للأوقات الصعبة ولجفاف الشفايف أيضاً

وهذي أجدد نكهة عندهم , لونها رهيب

•••

مرطب بـ نكهة قابلة للأكل ( الكرز )

ناااايـس

•••

[ محددات الشفايـف ~

عادةً ما أحدد شفايفي إلا في حفلة أو لوك معين لـ مناسبة

وقبل كنت أكتفي بمحدد واحد

بس هـ المرة نوعت بـ الألوان إلي عندي

من ماركة ( ميبليـن )

اللون الوردي & الأورنج .. وايد روعة , خفيفة وناعمة

•••

أجهل ماهية الماركة صراحةً ههههههه

<< قامت تخبص البنت

بس الألوان حلوة :

– بني محروق

– برتقالي محمر

•••

– اللون العودي

– اللون الأحمر

…/

وإلى هنا ننتهـي

إن شاء الله يعجبكم موضوعي

وما أبي منكم إلا دعوة صادقة من القلب

وإلي تحب موضوعي .. يسلم قلبها , وعن جد فديتها , إذا قيمتني

يفرحني ويسعدني تقييمكم

–

ما أقبل .. ولا أحلل .. أي وحدة تنقل موضوعي لمنتدى ثاني

لأنه مجهودي الشخصي , وحصرياً على { عروس }

وإلي بتنقل موضوعي بأي شكل من الأشكال .. في ذمتها 😡