ابي اسوي صالونة سمج حق ريلي واول مره اسويها
لاني من جريب مزوجه بس عندي سوال لازم اقلي السمك قبل ماحطيه بالصالونه وله كيف ؟؟
اتمنى الرد علي
امي اسوي صالونه حلوه بس اذا سالتها بتضحك عليه 
من جي قلت اخواتي الي في منتدى عروس مابيقصرون وبيخبروني عسب مانحرج جدام ريلي 
موفقة
بس نسيت اسال اذا اقلي قبل شو احطي من البهارات ع السمك ؟؟؟
لمرق السمك، أنا أفضل الفيليه… أنقعه بشوي عصير ليمون و ملعقة صغيرة خل و ملح لمدة نص ساعة عشان ريحة الزفر، أو أحياناً انفعه بس بحليب…
بعدين أغسله و أنشفه… أسوي خلطة بهارات ربع ملعقة صغيرة من كل نوع بهار متوفر عندج و أضيف عليه ملح و ثوم بودرة و فلفل حار و أتبل السمك بهذي الخلطة و أقليه بزيت خفيف على نار حامية، يعني بس أحمره عالسريع لأنه بيكمل سوا في المرق… بعدين أرفعه على جنب…
الحين المرق، أجيب بصل و فلفل حلو مقطعين مكعبات كبيرة مع 4 حبات ثوم صحيح و أحمسهم على نار حامية لين يتحمرون، بعدين أضيف لهم ملعقة صغير زنجبيل مبشورو أحرك شوي بعدين أضيف صلصة طماط مكونة من 3 حبات طماط مقشرين و مطحونين بالخلاط مع 3 ملاعق كبيرة معجون طماط و أبهر المرق ببهار مشكل و كاري و أخففها بشوي ماي… ممكن تحطين بامية إذا تحبين… و بس أضيف حبتين ليمون أسود، و أخلي الصلصة تطبخ على نار هادية لين تتسبك…
و قبل التقديم بربع ساعة، أضيف ربع كوب منقوع التمر الهندي و شرايح السمك، أغطي القدر و أخليه يكمل سوا على نار هادية لمدة ربع ساعة…
و قدميه مع رز أبيض و عليكم بألف عافية F:
حبيبتي ممكن تقليه وممكن من غير قلي كمان
وممكن تعمليه صينيه بالفرن بصلصه وقطع من البندوره والبطاطا وممكن تستغني عن البطاطا
وطبعا تحمري بصل وتفرمي عليه شويه بقدونس والبهارات في البهار المخلوط وبتقدري تزيدي عليه شويه كمون
يعني اي شي عندك وتفضلوه ..
موفقة