مادري اذا حد منكم صادفته نفس هالمشكلة ..
بنوتي الصغيره عمرها 9 شهور واسبوع يعني تمشي في الـــ 10 شهور ..
ولحد الحين ماحبت .. بس تزحف وترفع عمرها شوي عن الارض ..
تقريبا من شهرين بدت تزحف
ماعرف طبيعي او لا ..
لان بنتي الكبيرة حبت بسرعه بس ميمي تأخرت وايــد .. :21_88:
لا عادي الغالية
مب شرط يكون نموها نفس اختها
انا بنتي حبت وي عمرها عشر شهور
وبنت اختي حبت وهي عمرها سنه وشهر
عادي حبيبتي
الا بسألج انتي الفرق بيننهم سنه ونص تقريبا نفس اعيالي
بس انا الوضع جديد علي ولدي توه عمره 15 يوم وبنتي عمرها سنه و7 شهور
واحس مب قادره اوفق وبنتي صايره صياحه كله متملله؟؟؟انصحيني من تجربتج؟؟
واليهال قدراتهم متفاوته وغير عن بعض … في يهال مايحبون يمشون على طول …
الله يخليها لج ياربي
تسلمون خواتي ماقصرتوا .. لان محد عندنا من الاهل تأخر في الحبي كل الاطفال
يحبون بسرعه ماشاءالله ..
يعني بنتي طبييعيه الحمدلله :21_195:
احلى ام ..
حبيبتي ماشاءالله مبروك عليك البيبي الجديد ربي يخليه ويحفظه لج ان شاءالله
تقريبا الفرق بين بناتي سنة و8 شهور ..
وفعلا تعبت يوم ولدت لان بنتي احسها صغيره وكانت كله تبي تلزق فيني وتصيح وتعرفين
اذا عندج بيبي جديد تتعبين معاه .. فكنت دايما ماخليها بروحها علشان ماتتملل دوم اوديها بيت
اهل زوجي او بيت عمها او بيت اهلي علشان تستانس وتغير جو ..
وفتره كانت ماتاكل بعد من الغيره بس ماكانت تبين انها تغار ابدا .. بس مسكينه الظاهر كتمت في
نفسها :21_186:
واتذكر شريت لها لعبه وخليتها تلبسها وتسوي لها مثل مااسوي لاختها واستانست وايد
وشوي شوي لين تعودت انا على الوضع الجديد والحين الحمدلله كل شي تمام
ولا صايرة تبي تأكل اختها .. واختها مستانسه عليها تحب تاكل من يدها هههههه يضحكون
الله يعينج ان شاءالله هالفتره وبتتعودين شوي شوي .. ولاتحاتين لو صرتي شوي عصبية
لان فعلا وضع متعب في البداية
الله يحفظهم لج يارب
انا بنتي توها 7 شهور ومشتاقه أشوفها تحبي
البنات ردوا ع سوالج ما قصروا وأعذريني ما عندي خلفيه فهالموضوع
رووووووز
اي والله الغالية
الله بيعين
فيه اطفال ما يحبون سيدة يمشون
يالغاليه لاتحاتين وتخاافين موكل اليهال اللي بتجبينهم نفس الشي حماتي جابت 3 بنت وولدين تقول بنت وولد نفس الشي حبوا بسرعه ومشوا وطلع لهم ضروس تخيلي الولد ال3 مومثلهم وكانت خاايفه لما صار سنه بدي يحبي ولما صار سنه ونص مشي خطوات وتخيلي لما صار سنه وشهرين طلعله اول ضرس فكلش غيرر عن اخوانه
وصديقتي عندها بنتين بينهم سنتين الفرق سارة الكبيرة مشت وحبت بسرعه ونورة الصغيرة غير كلش عنهااااا تخيلي لما صار عمرها سنتين مشت
فلاتخاافين هالشي طبيعي مو كل الاطفال اللي راح تجبينهم راح يكونون نفس الشي لازم اختلاف بينهم من ناحيه قدرات والمهارات
والله يخليج لهم ياارب
لا اختي كلش عادي
آنه بنتي حب بعد نهاية التسعة شهور
بس قامت تتخطى
وبعد ماتخطت باسبوع قامت تحبي ههههه
وظلت اسبوع او اسبوعين كله تحبي نادرا ماتتخطى العيارة
ولا مادخلت ال 11 الا هي تمشي ماشاء الله عليها
الاخوات ما قصرن معاج مثل ما ذكرن انه يختلف من طفل لثاني
بس بخبرج عن ولدي ما حبى الا وعمره سنه وشهرين وكنت وايد متروعه عليه بس الحمد لله مشى والحينه ما فيه شي
بس انه يختلف من طفل لثاني
الله يفرحج ابها جريب وتشوفينها واهي تمشي
:9_33:
: