نداء الى الامهات 2024.

مرحبا اخواتي العرايس
بنتي عمرها سته اشهر و نص وبغيت اغيرلها الحليب
الحين انا استعملها سيميلاك ادفانس
بغيت اسألكم شو احسن حليب استعملتوه ؟؟؟
خفيف وما يسوي مغص او مشاكل ؟؟؟

الغاليه
استخدميلها سيميلاك بس للسته اشهر..مب متأكده من اسمه ..اتوقع سيميلاك غلين…هذا اذا كان سيميلاك مناسبها من البدايه ..انا استخدم لولدي سيميلاك ادفانس..احسه زين وهو الحين بس 5 شهور…يوم بيكمل ال6 شهور بستخدم له سميلاك بعد للست اشهر

مشكوره يا انجل ايس
والباجين؟؟؟؟ماجاوبتوني ؟؟!!

آنه اليوم توني رايحة الصيدلية وماخذه حق ولدي ( نان 1 ) لأن نصحوني فيه وآنه للحين ماجربته بس أحسه زين لأنه سعره مرتفع عن غيره وهو مناسب لسن 6 أشهر وبعد الست أشهر جربي ( نان2) وإن شاء الله الله يخلي ولدج ويكبر ويتربى في عزكم .
وعلى الخير نلتقي.

انا استخدم لولدي سيميلاك غين صحيح انه يسوي غازات بس تعود عليه
وسمعت عن نان ومدحولياه لأنه مايسبب غازات لطفل

:shy: مراحب:
انا استخدم لولدي بروجريس او نان2
والله وايد نوعت وآخر شئ استقريت على هذيلا النوعين

هلا خواتي انا استخدم للبني حليب ابتاميل كمفورت وااايد زين ما سبب لها اي مشاكل
واستخدمت نان وااايد تعبت منه فافضل ابتاميل كمفورت البرتقالي
وتحياتي

هلا الغالية…

اذا بنتج متعودة على سيميلاك وما يسبب لها اي مشاكل.. واصلي على سميلاك…

اللي بعد الستة شهور اسمه سيميلاك غين.. لونه ازرق..

اما اذا عندها مشاكل منه مثل الامساك .. استخدمي نوع من الانواع الخفيفة.. مثل نان2 … بيبيلاك.. او ابتاميل..

إذا أنت مرتاحة من سيميلاك واصلي عليه،، يعني لو ماكان يسبب لها إمساك او غازات.

إذا تبين أخف أنا مجربة نان1وبعدها نان 2 وبعد السنة بروجرس…

مشكورين يا خواتي .. بس انا سمعت ان نان مب شي .. والله مادري .. احترت!!
لاني احس ان سيميلاك ريحته مب حلوه يعني (هسه) ومره طعمته ولاعت جبدي قلت في خاطري وحليلها بنتي تشربه كل يوم!