نداء الى بنات الكويت الحبيبات 2024.

ابي اعرف اذا احد يعرف شي عن خبيره الاعشاب ام نواف واذا احد جرب خلطاتها للكرش والتنحيف انا قرءت عنها وتقول ان منتوجاتها مضمونه واذا هي صحيح ما تضر الله يخليكم ردو علي بسرعه

خيبتوا ضني يا بنات الكويت ما حد فيكم رد على:cry::cry::cry::cry:

شوفى حبيبتى عربيه تبين نصيحتى لا تستخدمين
هالسوالف الا اذا انتى اتعرفينها شخصيا عدل عدل
لان الواحد هالايام يخاف من كثر النصب والبلاوى الى
قاعده تصير احسن شى انج تمشين لو انشاء الله نص
ساعه باليوم وتخففين عيوش 2 ترى عندنا خوش
دكاتره حق الريجيم فى الكويت انا سمعت عن الدكتور الشمرى
وانا عن نفسى جربت دكتور ربيع انتى تقولين له شنو الاشياء
الى تحبين تاكلينها ويسوى لج الجدول بالاسبوع تنزلين 3 كيلو
وبس اتمنى انى فدتج

مشكوره حبيبتي يعطيك الف عافيه وباخذ بنصيحتك مع اني اسوي رجيم خفيف وعلى قولتك خففت من العيوش والحمد لله ان وزني موزايد كثير بس يبيلي من خمس الى سبعه كيلو انزل بس العحله وما تسوي على العموم اشكرك انك عبرتيني ورديتي يجزيك ربي با الجنه ويكفي انك من الكويت الحبيبه

لااااااااااااااااا تفكرين تشترين منها شي لا اهيا و لا غيرها روحي حق طبيب تغذية بمستشفة الصباح روحي خاص بس لا تاخذين هالخلطات
انا عندي رجيم حق 3 ايام قايل لي عنه دكتور قبل عرس اختي بس عيبه اني مو كل شي فيه احبه بس كنت اغصب روحي عليه و بس قطعته رديت زدت 4 كيلوات ( انا كنت منزلة 6 ) ب 3 ايام متخيلة؟؟!!!!! بس احسن لج استمري على رجيم خفيف و الرياضة و بتنزلين

ما انصحج بالاعشاب اللي ما يندرى من وين جايه

كنت بسال نفس سؤال الاخت عربيه

ندرون ليش لان اثنين من اهلنا متزوجين كويتيات

وحده منهم ماخلت رجيم ولامشي ماجربته بس اهي من النوع الصعب تنحف

فمره راحت زياره لاهلها وردت بعد 3 اسابيع ولا ناحفه نصف وزنها

والثانيه كانت ضاعفه من قبل بس راحت اسبوعين الاوهي منحفه النصف انا يوم جفتها انصدمت والكلاللي يشوفها ينصدم مثلي

فخمنت انا وبنات عمي ان القصه اهي اعشاب وخاصه ام نواف لانها كانت منزلين لها مقابله وحاطين رقم تلفونها

اذا حد بيقول اساليهم اقول سالتهم وقالو النفسيه والرجيم (مايبون يخبرون حد)