انا رايحه العمره بإذن الله بعد كم يوم.. وفي طريق الرجعه بنمر جده كم من ساعه..
حبيت استفسر ايش احسن مجمع ممكن اتقضى منه..
ابغي مجمع يكون كبير بحيث مانحتاج نروح لغيره..
انا مابغي المحلات المكرره مثل مانغو وزارا ونكست غيرهم.. لان موجودين عندنا بكثره في الدوحه..
بس مثلا وين الاقي محلات عبايات وفساتين وبدلات سهره مثلا؟ او محلات ملابس وجزم نسائية حلوه وراقيه ومش مكرره
وايش المجمعات اللي ماتسكر الظهر عندكم؟
ايش مواعد العمل بشكل عام لكل المجمعات؟؟
يارييييت تفيدوني اكون شاكره لكم
عزيز مول اغلب الماركات العالميه
؛¤ّ,¸¸,ّ¤؛°`°؛¤ اسواق جدة وكل سوق بتخصصه¤؛°`°؛¤ّ,¸¸,ّ¤؛
نبدأ :
1- الأسواق الموجود بها أكبر عدد من ماركات الملابس و الأحذية و الشنط المعروفة زي برومود و ماجو و ناين ويست و ألدو و غيره الكثير : سوق حراء الدولي – شارع التحلية – محمود سعيد أوايسس مول – حراء افينيو – سوق الجمجوم
2- محلات اللانجري و الملابس الداخلية : نعومي موجود بسوق حراء و الحجاز و حراء أفينيو و أوايسس مول و شارع التحلية سوق الجمجوم تقريبًا أغلب المراكز موجود بها نعومي …….. لاسنزا موجود بسوق حراء و الحجاز و حراء أفينيو و أيس لاند و شارع التحلية ……… ماركس أند سبنسر موجود بسوق حراء و الجمجوم و حراء أفينيو …..إيتام موجود بشارع التحلية ………. دبنهامز موجود بشارع التحلية .
3- الأسواق الموجود بها محلات الذهب الأبيض و الأصفر : سوق الحجاز القديم (1) – سوق الكندرة
4- الأسواق الموجود بها أكبر عدد من محلات المجوهرات العالمية الراقية و الساعات مثل شوبارد و أوميغا : مركز جولري سنتر بشارع التحلية – مركز التحلية التجاري .
5- محلات المكياج و العطور : وجوه و موجود فروعه في شارع التحلية و الحجاز و حراء الدولي و حراء أفينيو و أيس لاند ……….. قزاز و موجود في طريق المدينة و الكورنيش و شارع التحلية …. مكياجي و موجود بسوق حراء أفينيو و الحجاز و مركز التحلية التجاري و الجمجوم و و محمود سعيد أوايسس مول
6- محلات المكياج و العطور و لكن بسعر الجملة : مركز الكورنيش التجاري .
7- محلات العبايات : سوق الحجاز الجديد (2)وكمان سوق النجار تلاقي فيه كم محل عبايات وكذا محل لفساتين السهرات وكمان في سوق اسمه لمسات لفساتين السهرات في الروابي
8- محلات الأقمشة الفخمة : مركز عمر بن صديق في شارع التحلية – العيسائي في سوق حراء الدولي " هذي لزوم قماش فستان الزفاف"
الأقمشة المتوسطة السعر : مجمع الشرق التجاري رووووووووعه في الأقمشة و كل مستلزمات الخياطة و الفساتين من كلف و أكسسورات موجوده فيه " هذي لو حبيتي تشترين أقمشة لفساتين السهرة على طول و أنتي مغمضة روحيه " بس تراه كبير دوريه كله المحلات جدًا مختلفه عن بعضها .
9- الأسواق الموجود بها محلات الجلابيات الراقية و فساتين السهرة الجاهزة : جدة مول – سوق المساعديه – لا مول – سلطان مول … و فيه محل روووووعه للجلابيات في مركز التحلية التجاري أسمه screem ( الصرخة) يخيط جلابيات تاخذ العقل و يشتغلوا نساء في المحل .
هذا اللي في بالي حاليًا و إذا صار و تذكرت شي جديد بأجي أضيفه لك بالموضوع … و أنتي إذا حبيتي تعرفي أي شي عن أي محل معين أو وصف لمكان محل أسأليني و لا تترددي و أنا أخدمك بعيوني و بالتوفيق يا رب
احب اقولك بإختصار شارع التحلية ممكن تلاقي فيه كل شئ
عندك الحجاز النجار الاندلس
ضحكت الدنيا
الحالمه 1445
اسيل 2
مشكورين عالردود الحلوه مثلكم..
بس ايش رايكم في الاسواق الجديده مثل رد سي مول – مجمع العرب وعزيز مول؟؟
ايش تفضلون وتنصحوني منهم؟
وبضافه وجود محلات جنبه كلها تقليد ماركات
قريب من دوار المهندس
تحياتي غرور الحجازيه
حبيبتي اولا حياك بجده راح تنور جده والسعوديه كلها
عزيزتي انا افضل العرب مول لا ن اغلب الماركات فيه عكس رد سي مو كلها فيه بس فيه محل يبيع بلايز تاخذ العقل معدوده البلايز اللي فيه تلاقيه بالدور الارضي وناسيه اسمه والمحل صغير ..وعزيز مول مافيه زود
العبي عندك الحجاز زي ماقالت الحالمه والنجار ومجمع الشرق كم محل..
الحالمه محل الجلابيات سكريم كيف اسعاره
ومجمع العرب أحلى كمان من عزيز مول ..وتقريبا كمان نفس المحلات بس أكثر
وردسي مول حلو بس مو بالنسبه ليا مو زي مجمع العرب وعزيز مول
وفي الأندلس مول بس مو ذاك الزود
وبس
وفي شارع التحليه بس أنا أفضل المولات أحسن