نفسيتي من سئ الى اسوء والله بمووووووووووت قهر بسبب الرضاعه وولدي 2024.

هلا فيكم بنات

يمكن فاكرين لما طرحت موضوع عن طفلي اللي عمره اسبوعين لما تنوم يومين بالمستشفى وبعدين خلاص ماصار يبغى صدري ……..تخيلو نومته بالمستشفى وهو عمره ثلاث ايام ولما خرج ماصار يبغى صدري وانا كنت تعبانه يعني احس اني مااصريت عليه مره ………بس والله بعدين حاولت وهو عمره اسبوعين ويمكن من قبل وهو عمره 10 ايام …….لكن مرررره مايبغاه ,,,,,,

والله يابنات هو اللحين عمره ماشاء الله تبارك الله شهر واسبوعين وانا هذا الموضوع تاعب نفسيتي احس اني ظلمته المفروض اصر عليه اكثر كنت وانا حامل اقرأ عن الرضاعه الطبيعيه وفوائدها ومتحمسه للرضاعه بس ماادري وش اللي صار ………اعرف انها تعطي مناعه ويكون الطفل حنون على امه وغير ها من فوائد حتى عالام .

يعني حتى اللي مارضعو اعرف انهم رضعوا شهر شهرين ……….انا ولا شئ انا يمكن اللي رضعها رضعه رضعتين ……….

بنات ساعدوني هل ممكن اعطي طفلي اشياء ثانيه تفيده ……….وياليت تكون في طريقه لو تكلفني ايش بس ارجع ارضعه طبيعي

تحياتي للجميع

حاولي تخلينة يجوع ولا تعطيه المرضعة هو بنفسة راح يرضع غصب لما يحس نفسه جوعان حاولي تصيبي الحليب على فمه يمكن لما يحس انه فيه حليب يرضع….بعدين توه صغيير راح يتعود على الصدر ..
بعد حاولي تطلعي الحليب الي بصدرك عن ينشف او يقلل لان الطفل لو حس ان الحليب شوي او ما ينزل كثير راح يتركه اكيد .

حاولت اجوعه يالغاليه ………..لكن عصب علي حتى امي قالت بتجيبين للولد حاله نفسيه ……….بس يالغاليه انت تعرفين وحده حاولت معه ورجع للرضاعه ياليت تطمنيني

تحياتي لك

الله يعينج والله

مابا اخليج تيأسين بس انا ماشفت حد ترك الرضاعه ورجع لها لأن الطفل ينسى بسرعه

يعني ولدي انا كنت ارضعه طبيعي وصناعي .. وكل شي له طريقته في الرضاعه ..

وان كنت رضعته صناعي وييت ابا اعطيه صدري كان يتعب ويتعبني ناسي كيف ..

واذكر امي دوم تهاوشني اذا تركته كم ساعه ما رضعته تقول لي الولد بينسى ..

انا رضعت ولدي 3 شهور بس بسبب الجامعه واحس انه ما يحبني وايد لأنه ماكان قريب مني وايد

احس الرضاعه لها مفعول كبيير في الحنان والله

الله يعيننا ويعينج

عزيزتي لا تزعلين أنا نفسج بنتي ما رضت ترضع وأنا بعد ما قدرت لأني كنت تعبانه بسبب المراره
بس استعملت الجهاز اللي يشفط الحليب من الصدر وأحطه لها بالرضاعه وترضعه والحمدالله الحين عمرها سنه وثلاث شهور وصحتها عال العال

فعلا مشكله لكن الخوات ما قصروا بالردود..

و حبيت افيدج بهالطريقه و ان شاء الله تنفع معاج..

في بماركة ايفنت شي تحطينه على الحلمه مثل حلمة الرضاعه تحطينها على صدرج..و بجذي ماراح يفرق بين الرضعه و صدرج..

لو تروحين سنتربوينت بتلاقين كتيب صغير عن ماركة ايفنت و بيكون فيه شرح اكثر..

و قوليلي اذا انفعت معاج هالطريقه

ممكن يا اختي انج تشفطين حليبج و تحطينه في مرضعه و تعطينه اياة و بجذي تكوني نفعتيه بحليبج بدل ما تستخدمين حليب صناعي

مشكورين اخواتي عالردود

عزيزتي كل الطرق والحلول يلي قالوها الاخوات مفيدة ومعقولة لكن بحال لا سمح الله ما رضع ابنك منك هذا ما بيعني انو ما يحبك حاولي تعطيه كل حنانك بمداعبته مثلا باهتمامك بغذائه انا ما بقلك صح حليب الام يشعر الولد بحنان امه لكن مو الرضاعة بس يلي تعطي الحنان والطفل يحس بحنان امه عن طريق معاملتها له والله يساعدك يارب

مشكوره يالغاليه رفعت من معنوياتي