بسم الله الرحمن الرحيم
السلام عليكم ورحمة الله وبركاته
*** عجينة السمبوسة تطلع هشة ونافشة وروعة ****
المقادير :
ثلاث اكواب دقيق
بيضتان
ملعقتين كبيرتين سمن أو زبدة
ملعقة كبيرة ملح
تقريبا كوب ماء دافيء
الطريقة :
نفرك الدقيق بالسمن
نضيف البيض ونحلطه جيدا مع الدقيق والسمن
نذوب الملح بالماء ونضيفه ونعجن حتى تصبح العجينة متجانسة وملساء وحسب الحاجة ان كانت لينة وتلتصق باليد ممكن تضيفي الدقيق واذا ناشفة ويابسة اضيفي القليل من الماء
اتركيها ترتاح لمدة ساعتان
الاهم من هذا كله هو طريقة القلي وهي انك لازم ترشي من زيت القلي على حبة السمبوسك اثناء القلي
وهذا اللي يخليها تنفش والنار ما تكون عالية وانما متوسطة
أخذت طريقتها من كتاب هندي، و نتيجتها رائعة… و الحلو فيها، إن مقاديرها سهلة ولا فيها أي تعقيدات…
2/1 1 كوب طحين عادي
2 ملعقة صغيرة ملح
2 ملعقة كبيرة زيت
3/1 كوب ماء دافي
انخلي الطحين و الملح مع بعض، سوي حفرة في النص، و صبي فيها الزيت و الماء…
اعجنيهم مع بعض، بعدين انقلي العجينة عالكاونتر، و اعجنيها لحد ما تصير عجينة ناعمة…
لفيها بورق نايلون، و خليها ترتاح لمدة نص ساعة…
قطعي العجينة إلى 14 كورة بأحجام متساوية، أفردي كل كورة بشكل بيضاوي، و حاولي تخلينها رقيقة قد ما تقدرين…
بالقطاعة، قطعي العجينة المفرودة إلى نصفين… و خذي نصف و لفيه بحيث يكون شكله مثل القمع… سكري الأطراف زين عشان ما تنفتح العجينة وقت القلي… بعدين أحشي الأقماع بمقدار ملعقة كبيرة من الحشوة و سكري آخر طرف…
و انتي تشتغلين على قطعة، غطي باقي العجينة عشان ما تنشف…
بعدين أقلي القطع بزيت غزير و حامي، و قلبيها على طول، بس تشقر ارفعيها على طول… و لا تغطينها و هي حارة عشان ما ترطب و تظل مقرمشة…
و هذي صورة توضيحية بالخطوات…
و إن شاء الله تضبط معاج 
موفقة عزيزتي (f)