وأنا أكيدة اني بلاقي الرد عندكم
ياعساني ما انحرم منكم خواتي
السؤال الأول عن التغذية أنا ولدي توه من اسبوع كمل السنه ربي يحفظه بس وزنه تسعه وطوله سته وثمانين
عفيه هذا طبيعي ولا؟
وكم مفروض ؟ سواء الطول او الوزن
وشنو لازم اوكله عشان ارتاح ان ماينقصه فيتامينات عفيه احس خايفه ومقصره
السؤال الثاني
ولدي اسنانه اسم الله عليه اطلعو فبعرف شلون افرش اسنانه انا خذيتله معجون اسنان وفرشه من صفر الى ثلاثه وياريت اذا احد يعرف موقع فيه شرح مفصل
وسامحوني عالاطالة
بس والله احاتي وايد
ووزنه يعتبر ناقص شويه
اما بالنسبه لاسنانه في شي تلبسيه في اصباعك
وتنظفي اسنانه علشان لو قلتي له يطلع المعجون
يعني ما يبلعه ما راح يعرف
او تستخدمي مويه بس من غير معجون يكفي
انزين شنو اعطيه عشان ياكل
ياربي موعارفه شنو الاوقات الي اوكله فيها
انا نومتي معتفسه وما اشتغل يعني ماعندي الا هالولد
ومو اي شي يحب ياكله
حتا الحليب الصناعي اعطيه مره وحده باليوم ومايشربه اخلطه مع عصير فراوله او مانجا يشربه
الباقي كله من صدري بس هم احس في شي ناقص
واللكل ياكل فواكه بس موز وعصاير يشرب الحمدالله
اما لحم ماياكل وسمك ما اعطيه
والدياي مو كل يوم
احس موعارفه شي والله
قائمه الطول بالسنتيمترات
للأولاد
عند الولاده 52
شهر 53
شهران 56
3 شهور 59
4 شهور 62
5 أشهر 63
6 أشهر 65
7 أشهر 68
8 أشهر 69
9 أشهر 71
10 أشهر 72
11 شهرا 73
سنه 74
للبنات
عند الولاده 50
شهر 52
شهران 55
3 أشهر 58
4 أشهر 61
5 أشهر 62
6 أشهر 64
7 أشهر 65
8 أشهر 66
9 أشهر 68
10 أشهر 70
11 شهرا 71
سنه 72
اما بالنسبه للوزن باكيلوجرامات
وزن الاولاد
عند الولاده 3,500
شهر 3,900
شهران 4,800
3 أشهر 5,600
4 أشهر 6,400
5 أشهر 6,900
6 أشهر 7,500
7 أشهر 7,900
8 أشهر 8,500
9 أشهر 8,900
10 أشهر 9,200
11 شهرا 9,500
سنه 9,800
الوزن للبنات
عند الولاده 3,250
شهر 3,600
شهران 4,500
3 أشهر 5,400
4 أشهر 6,00
5 أشهر 6,600
6 أشهر 7,00
7 أشهر 7,500
8 أشهر 8,00
9 أشهر 8,400
10 أشهر 8,700
11 شهرا 9,00
سنه 9,300
—-
طببيعي انك تحاتينه مثلي بالتمام
بالنسبه لولدك طوله مشالله زين واطول من اللي عمرهم سنه تقريبا ب10 سنتم او اقل بشي بسيط
والوزن تمام بس يبي له زياده شوي عشان يناسب مع طول
بس اذا صحته زينه لاتحاتين هالشي
بالنسبه للاكل
الحين ولدك كمل سنه يعني ياكل نفس اكلك ومن صحنك احسن عشان يتعود اكثر
يعني من يقوم الصبح سوي له توست بيض او مربي اوجبن وحليب بكوب او حليب منكه فر اوله موز وشوكولاته\
وعلى الغداء صلحي له دجاج او سمك او لحم مع شويه عيش وحاولي تكون اللدجاج والسمك مقطع صغار وحطيها بصحن يكون شكله ملفت له واذا يشرب لبن حلو
والعشا يكون اي شي خفيف ويشبعه يعني يخليه يستغنى عن قومه الليل للحليب
وتقدرين تسوين له شوربه شوفان جدا مغذيه
ومهلبيه
وبسكوت شاهي قالت لي الدكتوره عنه مع شاهي مفيد بعد
وانا من رايي اذا مايستفيد من صدرك حاولي تفطمينه شوي شوي لانه يكون صدرك هو اللي ساد نفسه عن الاكل
والله يحفظه لك
بالنسبه للاكل من اكل البيت عادي رز .ايدامات..السمك ماانصح فيه لانه يشرب حليب…
سيريلاك ..اي شي راح ياكله بعمره هذا الله يحفظه
الزبادي >الروبه حلو لو حطيتي معاه قطع فواكه او مع الرز..راح يشبعه ويقل اعتماده على الحليب
او زبادي الفواكه اللي بالسوبر ماركت كمان حلو ومفيد…
ربي يريحكم ويبرد على قلوبكم ويعطيكم الي تتمنون يارب ويحفظلكم عيالكم ويقر عينكم بشوفت عيالهم يارب
مشجورين وايد وايد
والله انكم فرحتوني وريحتوني مشكورين وماقصرتوا
احم انزين سوال اخير ولو ان ادري مصختها
بس ااااخر سؤال انشاء الله
بالنسبة لزيت السمك مهم اعطيه ولا ما يحتاج
أنا اعطيه فيتامين أ- د
اعطيه زيت السمك ولا مو لزوم
ومشكورين حبيباتي
يعل ربي يريحكم بلي يرضيكم اللهم اميين
بالنسبة لعمر سنة الطفل لازم تعوديه ياكل أكلك
يجلس معاك على السفرة ومثل ماتاكي يأكل..بس لايكون الأكل شطة ..
انا عن نفسي سمعتها من أطباء كثيرين ..وعملت بنصيحتهم وأطفالي ماشاء الله عليهم
ممكن الرز الكبسة تضيفين عليه زبادي حتى يسهل مضغه وبلعه
ياكل إيدام ورز عادي ..ممكن تسلقي الدجاج وتضيفين عليه مكعبات بطاطس..
مكرونة بأي شكل ..الشوربات بأنواعها..القمح .الشوفان.الخضار.العدس
الفطور..أو العشاء
كورن فليكس بالحليب..بيضة مسلوقة أو مقلية مع حبة من جبنة مثلثات أو قليل زبادي..وممكن تقطعي معها مكعبات صغيرة بندورة بدل الجبنة أو الزبادي
فتة لبن زبادي بزيت الزيتون ..موزة مع عصير برتقال…
أنتي بإمكانك تشوفي طفلك هل يهوى الحلو ولا المالح..وتبتكري أطباق صحية من منزلك..
وربي يحميه وتشوفيه بأعلى المراتب
..