هااام جداً إلى بنات حواء هام في غاية الأهمية والخطورة .!! 2024.

أخواتي الفاضلات ,,مشرفات وأعضاء وزوّار منتدى عروس

حبيت أطرح هذا الموضوع اللي أنا أشوفه في غاية الأهمية.. والخطووورة ويمكن ما يعجب البعض..:down: لكن والله العظيم إني أغار عليكم وأخاف عليكم ..

أول شي أحب أقول لكم إني جديدة على المنتدى وهذي أول مشاركة لي وأتمنى إنها تعجبكم وأتمنى إن أي أحد يتضايق من مشاركتي هذي يأخذها بمحمل الجد وتفكر بعقلها موب بقلبها..

أنا بنت مثلكم ومهوووووسة بشي إسمه "مكياج" وملحقاته من عدسات ملونة.. وحف الحواجب.. لأنهم يعطون البنت شكل رووووعة..:shy: ويضفون عليها أنوثة ونعومة زيادة:shy: :shy:

المهم..!!
أمي كانت تمنعني وتقول لي لأ لمّا أبغى أحف حواجبي أبي أغيّر شكلي وأكون أحلى,,:shy:
وكانت تقول لي حرام الله حرمه ودليل التحريم.. حديث الرسول"صلى الله عليه وسلّم": (لعن الله النامصة والمتنمصة….) إلخ الحديث الشريف,,
وكانت تقول لي الله ما يحرم شي على بني آدم"عليه السلام" وبنات حواء..إلا فيه ضرر لهم..
وكنت أستغرب وأسألها بوجه قوي.. مرة وأقولها يمه وش الضرر من إزالة شعر الحواجب الزايد..هذا اللي كان بيصيبني "بالجنوووووون"<======نفس إسمي..:shy:

والأهم..:eek2:..!!

إني كنت جالسة في مبنى النشاط الثقافي للبنات في الجامعة..مع صديقاتي.. وشوي إلا بنت توزع على كل البنات ورقة بيضاء فيها قصة..

وهذي القصة هي اللي خلتني أبدأ و أتجرأ بكتابة أول مشاركة لي في منتدى عروس قسم المكياج.. وإنشاءالله تكون فاتحة خير لي وللجميع..!!

تقول القصة..إن فيه إمرأة في غاية الروعة والجمال كانت تتجهز لليلة العمر ليلة زفافها.. وقبلها بيومين..جاءتها الكوافيرة "كالعادة"..!! عشان تحف حواجبها تقوم بكل اللازم لأي عروس مقبلة على الزواج..
وبينما هي تنتف شعر حواجب العروس إلا والعروس ما تتحرك..وتحركها يمين ويسار ومافيه فايدة.. الله يرحمها ويغفر لها ..
ماتت..

كل وحده بتقرى موضوعي.. بتتساءل في نفسها اوحتى بتسأل وحده ثانية..عن سبب موت العروس..

لمّا أكملت قراءة الورقة قريت إن سبب موتها هو:

إن في إحدى الحاجبين شعرة تسمى بشعرة الموت..لأن المتنمصة والعياذ بالله تموت عند إزالتها هذه الشعرة <=====( كثير حاولوا الطعن والتكذيب في مصداقية القصة وعدم أهمية حديث المصطفى "صلى الله عليه وسلم" الذي لاينطق عن الهوى..إن هو إلا وحي يوحى..وهذي من مداخل الشيطان علينا وهو أن نحاجّ مثل هذه الأمور..
والكثير قالوا إن الكثير من الفنانات أو حتى النساء بشكل عام أزالوا تماماً شعر الحاجبين..واستبدلوهما بالوشم.. وما صار لهم شي.. الحكمة من حديث الرسول وهذي القصة..هي إن شعرة الموت مش شرط إن صاحبتها تموت من أول أو ثاني أو عاشر مرة تحف أو تزيل شعر الحواجب وهذه رحمة الله ببنات حواء لعلهم.. يتقون الله في أنفسهم..!!

أخواتي وعزيزاتي.. أتمنى إني ما ضايقت أحد بس والله العظيم إن اللي دفعني لطرح هذا الموضوع بين أيديكم هو الخوف عليكم من عذاب الله يوم لا ينفع مال ولا بنون إلا من أتى الله بقلبٍ سليم أعاذنا الله وإياكن من أهوال ذلك اليوم.."آمين يارب العالمين.."..!!

حبيباتي أحب أقول لكم إن الورقة حاليا موب عندي وبحاول أجيبها وأسوي لها سكانر وأطرحها بس موب الحين لأنها ماراح تتوفر عندي إلا على بداية الكورس الجاي..

تقبلوا تحيااااااتي..

تسلمون وعساكم على القوة على الردود وبعد على المروووور بالموضوع…

إختي شيماء الإمارات..
أنا سمعت من إحدى الندوات الدينية والفتاوى الخاصة بها الأمور إذا كان الشعر منظره مقزز مسموح لك إنك تشيلين الزايد منه وما تقربين صوب الحاجب و إذا تبين ترتاحين أكثر أنا عندي رقم الدكتور العريفي جزاه الله كل خير وعساه الجنة عقب عمر طويل..إذا انتي حابة إنك تشرحين له وضعك و هو بلا شك راح يفيدك..

وتسلموووون ..
خواتي..
fairy kitty
حوراء
جوووري
النوووونة
شيماء الإمارات
سعودية وألف نعم..
بنت الليالي..