هذا الشعر والا بلاااااش الي تبغي تعرف سر غلاظة وطول الشعر!؟ 2024.

سافرت مع الماما.. واستقبلوني بنات خالي.. وجلست معهن وضحكنا وتعشينا ونمنا ههههههههههه المهم الصبح كلنا قمنا من الرقاد.. و انا كنت معقصه وبطلت شعري اوني ابغي اغيضهم شعري لين نص طهري اونه طويل ( الغبيه كنت اقصه وايد).. تموا يضحكون على شعري.. وهن فتحن شعرهن واذا بي..

شعرهن طوووووووووووووويل.. تخبلت.. لالالالالالالا مش معقوووول.. ليش ليش ليش ليش.. بغيت اصيح من القهر.. عقب فتره بسيطه شعرهن صار اطول عن شعري.. كيف كيف كيف.. والمفروض شعري يكون أطول.. ( ميته قهر ادري)
حبيت أعرف شو السر في هذا.. سالتهم وما طاعو يخبروني..
فانا الذكيه شو سويت قلتلهم طالعو شعركم كيف ويييييييه خفيف.. شو الفايده شعر طويل وخفيف هههههههههه ( مقهوره مووووت)..
وأنا شعري غليض وبعد فتره بيطول وبيصير أحسن عن شعركم الخفيف..
المهم تميت احن وازن عليهن حتى يخبروني بالسر..

وآخر شي.. أكتشفت انه

سوري لازم اخليكم تتشوقون لقراة قصتي ههههههههههه..
المهم السر هو..
انهم يدهنو شعرهم ولا يغسلونه الا في الاسبوع مره يه يه يه يه..
منو يستحمل الوصاخه..

المهم أنا عندي خبره مع الزيوت بشتى انواعها والغريب والعجيب ما خليت زيت الا وجربته.. والحين شعري جد جد غليض.. بس ابغي اطوله أكثر عن الحين..

فشو سويت يا بنات يا الحلوين.. صرت أغسل شعري في الاسبوع مره.. يعني احط زيت وطبعا ما اترسه زيت نفس ما هم يسوون.. احط شوي.. ويوم وترك احط زيت.. وفي يوم الي بستحم فيه وبغسل شعري اترس شعري زيت في النهار.. واغسله في الليل..

شعري أصبح

واااااااااااااااااااااااااو..
والله انه تحسن وصار غليظ أكثر و أهم شي انه بدى يطول بشكل ملحوظ يا بنات يا حلوين.. وكل شهر اقص (اينش) من شعري عشان يسهل عليه انه يطول ويمنع التقصف..
المهم ما ادري منو منكم الي بتجراء انها ما تغسل شعرها أسبوع.. ابصراحه انا تجرات والي يبا الشي ما يهمه شي المهم انه يوصل لشي الي يباه ( فهمتو شي)

الحمدلله أنا ما وراي لا دراسه ولا شغل.. بطاليه في البيت فقمت أسوي هاي الطريق..
والله انها ممتازه.. اتحملو مشان خاطر الشعر الحلو والطويل والغليض والامع..
وطبعا الزيت الي كنت استخدمه وسهل انه يطول الشعر بشكل ملحوظ.. مب من الدوله من خارج.. يعني تقدرون اتقولون زيت الزيتون الاصلي..

المهم ما بخرب عليكم.. الزيت الي يناسبكم وانتو متعودين عليه تمو عليه وشوا هاي الطريقه.. بتشوفون الفرق واضح..

أهم شي ادعو لي هذا اذا عجبكم الموضوع..
والله اخاف ان محد يرد عليي ويقولون هاي خبله..

اذا رديتو علي بتشجعوني بكتابة موضوع ثاني وفي جعبتي المزيد يا بنات يا حلوين..

حبيبتي شهاده مستحيل اسوي هالطريقه الحين.. هالموضوع صار من زمان وطبقته قبل العرس الحين انا معرسه وعندي بنت الله يخليها لي.. جربته وفاد معاي وحبيت اخبركم لعلى وعسى اتجربونه وخاصة العازبات يا حظهن..