أشكركم على التشجيع:z_clap: على موضوعي السابق و على كل من زار الموضوع.. و هذا الشي خلاني اتشجع اكثر و اكتب لكم موضوع ثاني
طبعا هالشي بعد سويته حق زوجي و كان العيد الللي طاف و خذيت وايد افكار من هالمنتدى العزيز و حاولت اسويها بطريقتي ..
الله يسلمكم .. اول شي فكرت في الهدية .. رحت شريت حق زوجي أشياء يحتاجها .. فرحت شريت له (بوك) محفظه ماركة ، و قترتين (شماغ) و خذيت له دهون عود من الزين مع عود اصلي (طبعا كنت ميمعة مبلغ حق هالهدية).
(g) اول شي تجهيز الهدايا(g)
رحت خذيت علبة على شكل قلب و لونها أحمر ، و حطيت بقاعها الأوراق الملونه المقصصه و لونها بعد أحمر و حطيت دبدوب احمر صغير و مكتوب علية (I Love you) و حطيت داخلة دهن العود و العود.
الهدايا الباقية غلفتهم في آخر يوم من رمضان بجلادة حمرة و لصقت عليهم ورود حمر (روزس) :flower: :flower: :flower:
رحت شريت بالونات حمر و نفختهم بالهليوم ، و خذيت بالونات صغار على شكل قلوب و بعد نفختهم بالهليوم بس فشو بسرعه المهم استفدت منهم بطريقة ثانيه ( و هاي كلة كان في نفس اليوم)
يوم المفاجأة
كنت ماخذه إجازه في هاليوم .. و سويت كيكة طبقات(^) (طبقة بيضاء و طبقه حمره) و زينتها بأيسنج وردي و أحمر و كتبت عليها كل عام و انت بخير و رسمت قلوب على الكيك.
في محل الورود سويت باقه كبيرة كلها ورود حمر(f) .
عقب ما خلصت رحت عند سيارة زوجي لأنه كان في الدوام و فتحت السيارة و عطرتها و حطيت على الأرض ما اعرف شيسمونه مثل الخيش المنتف لونه احمر و حطيت العلبة اللي على شكل قلب (اللي داخلها العود) و حطيت البطاقة يم العلبة و قفلت السيارة و مشيت.
عقب رحت بيت أبوي مع اختي و قعدنا نجهز كل شي و خليت زوجي في ذاك اليوم يتفطر في بيت امه عشان انا اجهز كل شي .. فقمنا انا و اختي و خذيت بنتي (عمرها 8 شهور) و رحنا شقتي و ما اشوف إلا سيارة زوجي موقفه هناك :eek2: :eek2: جان نموت من الضحك لأنه توهقنا لكن أشوه اللي كانت حزة صلاة العشاء .. فخلينا كل شي في السيارة و يوم راح المسيد رحنا بسرعه و نقلنا الأغراض.
أول شي نثرت البالونات الصغار على السرير .. و الكبار وزعتهم في الغرفة و حطيت باقة الورد في نص السرير و خشيت داخلها المحفظة بطريقة ما تبين لآنه كله ورود في ورود
و رتبت القتر على السرير و البالونات الصغار و وزعت الشموع الصغار على كبر الغرفة و اشعلتهم و سكرت الليتات و كان شكل الغرفة وايد حلو.
طبعا بدلت ثيابي و لبست فستان اسود قصير و حطيت اسرع ميك اب في العالم عشان قبل لا يرجع من المسيد .. و بعدين اختي طلعت عشان ما تكون موجوده لين يرجع.
ردات الفعل
طبعا زوجي اول ما خلص من الدوام راح السيارة و شاف اول هديه و على طول اتصل فيني و شكرني و انا ميته من الضحك انه عبالة بس هذي الهدية.
طبعا المفاجأة الثانيه كانت عقب ما رجع من المسيد .. ماشالله عليها بنتي غربلتني و لا رضت تنام معني مخليتها مدة عشان انومها من وقت بس القرادة هههههههه المهم يوم فتحت باب الغرفة قلت له تعال شوي … قعد يضحك و قال شمسوية بعد … طبعا دخل الغرفه و انصدم و قال شسسسسسسسسسالفة .. قلت له بعد تستاهل اكثر هههههه … المهم شاف القتر و عقب قلت له دور بعد هدية … مسكين تعب و هوه يدور و عقب قلت له ترى مكان سهل …. و على طول دور في باقة الورد و لقى المحفظة .. و استانس وايد و قالي مشكورة و ما تقصرين .. عقب قلت له لحظة و رحت يبت الكيكة من الثلاجة و قصصتها و حطيت له قطعه و طبعا قال لي انها حلوة وايد و تسلم يدي .. و استانسنا وايد … و اهوه استانس على الأشاء اللي يبتهم له
لا يفوتكم … عقب ما طفينا الشموع راح زوجي شغل المروحة في الغرفة جان تتشربك مع الخيوط مالت البالونات و يقعد لي نص ساعة يفجج فيهم عن المروحة ..:angry: :angry: وقعد يتحلطم على البالونات ههههههههه
عقب ما فتح كل الهدايا و كل من الكيك .. قال لي يله انا بطلع .. و راح و طلع مع ربعه … :down: 😥 😥 انا تنرفت لكنه عقب عرفت ليش كان طالع .. مسكين راح يشتريلي هدية العيد … و طبعا ما قصر .. راح شرى لي ساعة كان خاطري فيها من مدة و خشها لي تحت السرير (مسكين ريلي كلش ما عنده حركات) هههههه المهم يوم العيد كل واحد لبس اللي يابة له الثاني و استانسنا وايد :dd:
ان شاء فهمتوا علي لأنه احس انه اسلوبي شوي كان مب لي هناك ..
المهم ان شاء الله تستفيدون :shy:
الله يسعدك ويهنيك
الله يسعدك ويهنيك
حركااااااات حلوووووه ….
الله ايخليكم حق بعض
اافكارج وايد حلوة
والله يسعدج يارب..
وننتظر مفاجاة هذا العيد..
مع خالص حبي
الله يخليكم لبعض
موفقة ياااااارب
زادكم الله من فضله حركات رااااااائعه جدا جدا …
الله يبارك لك يارب افكارك رهييييبه ماشاء الله
رووعة الفكرة يالغاليه:z_clap:
واااو ع حركة انج تروحين للدوامة وتحطين الهدية بسيارته :shy:
 |
اقتباس |  |
 |
| عقب ما فتح كل الهدايا و كل من الكيك .. قال لي يله انا بطلع .. و راح و طلع مع ربعه … انا تنرفت لكنه عقب عرفت ليش كان طالع .. مسكين راح يشتريلي هدية العيد … و طبعا ما قصر .. راح شرى لي ساعة كان خاطري فيها من مدة و خشها لي تحت السرير (مسكين ريلي كلش ما عنده حركات) هههههه المهم يوم العيد كل واحد لبس اللي يابة له الثاني و استانسنا وايد | ||
 |
 |
^
انا هنا نقعت ضحك :dd:
الله يهنيكم دوم ولا
يغير عليكم .
ربي يوفقكم …. حلوة الحركات
وعجبتنى الهدايا