موضوع مهم جدا حبيت ادردش معاكم فيه وهو هل ممكن ان الزوج يختبر زوجته ويباغتها باختبارات يا تنجح يا ترسب …. ؟؟
كثير من صديقاتي ومعارفي يأكدون لي ان الرجال كلهم كذا يباغتون زوجاتهم باختبار وعلى حظها اذا نجحت حبها يزيد واذا رسبت يا ويلهااااا …….
اضرب لكم مثل صديقة اختي تقول زوجها أيام شهر العسل حطها في اختبار وقالها انزلي السوق وحدك وانا بارجع لك بعد ساعتين ثلاث يبغى يشوف هي منفتحة عند اهلها وعادي تجلس برى البيت وقت طويل
…هي رفضت بشدة…………………… وقتها قال الكلمة الصدمة…..( مبروك نجحت في الامتحان)
هل وحدة منكم مرت باختبارات الزوج؟؟
وهل كل الرجال يختبرون…؟؟ لاني احس نوعية هذا الرجل .مريض.
وكيف تعرف المرأة بفطنتها ان الزوج ممكن يختبر لاني اخاف يجي هذا اليوم وارسب؟؟؟
انتظر ردودكم بفارغ الصبر
خير ان شاء الله .. المفروض كل واحد يعرف بالضبط صفات الانسانة اللي بيرتبط فيها طول العمر .. ويتأكد من تربية اهلها لها
يعني موقف صديقتك بالنسبة لي مرة سخيف اسمحي لي يعني … ولو قالت اوكي كانت رسبت !! مدرسة لو كلية احنا
فيه رجال للاسف يختبرون زوجاتهم بطريقة ثانية
مثلا يخلي احد من ربعه يدق عليها مرة ومرتين وثلاث يشوف تتجاوب معاه لو تطنشه !! والله تصير كثير قدامي
بس اللي واثق من نفسه ومن زوجته ما يسوي هالحركات المريضة
فيه طرق ثانية عشان يعرف طباع زوجته بس هالطريقة سخيفة جدا …….. الله لا يبلانا
شكر على الطرح المفيد
هذا يعتمد على عقلية الزوج
ومثل ماذكرتي بكلامك ……
وهل كل الرجال يختبرون…؟؟ لاني احس نوعية هذا الرجل .مريض.
انا اقول الثقة في معاملة الزوجة وتفهم انها ممكن تتصرف بتلقائية واجد احسن
يعني ايش فيها لما اوافق الزوج على اني انزل السوق لوحدي لحد ماهو يخلص من شغلة ويرجعلي …هل هذا معناه اني سيئة …
ابدا ماله علاقة ولاهو بمقياس بالشرف والتربية
الله يكون بالعون
كلامكم كلا عدل ..
اهو مو اختبار بس نقدر انسميه ردة فعل .. لانة الاختبار اذا يسير حق الزوجة من الزوج و العكس صحيح هذا معناتا ان ماكو ثقة ..
بس مثل ما قتلكم اهيشغلة ان يبي يشوفغ ردت فعل ..
خل اقولكم سالفة صارت وياي مع ريلي ..
احنا من البداية متفقين ان نسكن ابروحنا ..و هذا شي اهو الي حرص عليه اكثر مني ..
فا سكنا بروحنا و الحمد الله كل شي تمام .. بعد ما ودلت بشار قاعدين انسولف سوالف عادية عن خالتي (امة) جان يقولي " انا بيب
امي تقعد عندنا اشرايج" ..طبعا اختكم فطينة و اعرف ريلي عدل جان اقوله بعد صمت و تفكير لمدة ثواني " اسير خير "
يقولي "راظية..؟ " قتله "هذه امك و لازم ارظا لانة يمكن باجر بشار يبيني اقعد عنده لي كبر تزوج فا اكيد ما راح اقصر وياي لانة انا
ما قصرت في حق امك .. " (( ما عليكم مني هذه حركات و عيارة )) (r)
عقبها استانس و قالي " لا حبيبتي انا بس بغيت اشوف ردة فعلج و كل عادة ما خيبتي ظني " عاد انا تشققت من الوناسة :shy:
فا دايما خليج ذكية اب ردودج و حاولي تكونين دبلوماسية بذات مع زوجج ..
roooomy … انتي صادقة ان الموقف سخيف جدا…. لكن هذا يعتمد على المجتمع اللي عاش فيها الزوج وعقليته ممكن هو شكاك…او كان لعاب وداهية قبل الزواج فيبي يشوف زوجته هي من صنف البنات اياهم
عذب القوافي…. الشرف مسألة احسها نقطة محرمة لو شكك فيها الزوج احس الحياة معه كلها ما لها اهمية حتى لو فيه اطفال.. الشئ الوحيد اللي لا يمكن امراة ترضى تجامل فيه ..
om_basharانتي ماشاء الله عليك مرة سنعة وتفهمينها وهي طايرة وعرفتي شلون تردين بدبلوماسية بس ليش الزوج يختبر من الاساس شريكة حياته ورفيقة دربه وش رح يفيده ؟؟؟؟؟
انتظر ردود البناااااااااااااااااااااااااااات الحلوات
انا اتكلم على التصرفات العادية من الزوج.. بس هذا اي يشك و يختبر زوجته هذا انسان مو واثق اب نفسة و مريض نفسيا ..
لانة يوم قرر ان يتزوج لبد ان يكون واثق بلي بتسير ام اعياله و تشيل اسمه ..
و بعدين بقولكم شي .. يمكن ترى بهل اختبار السخيف ايظيع حياته و يهدمها لانة وارد ان الزوجة تكون ردة فعل طبيعية او بدون قصد
يعني بتصرف على نياتها فا راح يستنتج شي و يبني عليه افكار الله العالم شنو تكون نتيجتها …
فا هل اختبار غلط غلط غلط …
انتي اختبارك غير على الاقل مافيها تقليل لقيمتك وشك فيك .. هو مجرد يختبرك لو كنتي بترحبين بامه في البيت معاكم … احس انه عادي
الله يخليكم لبعض
اختي صبا أبها .. كلامك صحيح يعتمد على البيئة اللي عاش فيها وانا مع عذب القوافي في اللي قالته يعني لو هي قالت اوكي انا بنزل السوق شنو صار في الدنيا … بس ارجع اكرر اللي ما عنده ثقة في نفسه هذي هي تصرفاته
يعني يقول لها شرايك تنزلين السوق وبناء على اجابتها يقرر طريقة تربيتها !! شنو هالمنطق صحيح تخلف ( اتكلم بشكل عام ومو عن هالانسان )
تذكرت وحدة من البنات توها في شهر العسل ( والله انه بصل مو عسل ) قال لها زوجها فلانة شرايك نتعشى برة بعد ما يروحون الناس وبعدين تروحين تشوفين امك… قالت له اوكي
والله ما خلى عنها كلمة
انتي هبلة ما تفهمين تبين تفشلينا شيقولون الناس لو شافوك عروس طالعة قبل ما تكملين الاسبوع !!
والله لو مكانها كان وريته شغله بس هي المسكينة من الصدمة اتصلت فيني وعلمتني بالسالفة !! بس قلت لها طولي بالك وطنشي ماحبيت ازيد النار حطب مثل ما نقول … بس صحيح طاح من عيني وللحين الرجال ما ينزل لي من زور لان اسلوبه استمر معاها بنفس الطريقة للحين ولدها في 5 ابتدائي وللحين يتعامل معاها بهالطريقة .. الله يهديه
الله لا يبلانا
حابه انقول حاجه وحده ان الشخص هذا مريض ,الظاهر انه هو ايسوي في شي غلط بتالي يشك في الناس وللاسف اقرب انسانه له
صدق المثل الي يقول كل واحد ايشوف الناس بعين طبعه
وما يدل الشي هذا أنه شاك في زوجته أو تصرفاتها…
وأذكركم بقصه الاعرابي اللي حب يختبر زوجته وهي عروس
كانت نازله من سطح البيت على جدار مايل مثل الدرج
قالها وأهي نازله ..أذا رجعتي طالق وأذا نزلتي طالق وأذا وقفتي طالق
شسوت الزوجه….
قطت عمرها من الدرج
فقال لها الزوج … بأبي وأمي أنتي
هذا أن دل فيدل على أن الانسان الواعي والذكي يبحث عن شريك فيه نفس الصفات
ولكم تحيه
ربنا يهدي الجميع