:salam:
هل تعتقدين أو تحسين انه المهر كل ما زاد يعني زاد الغلا والاحترام من جهة أهل المعرس؟
هل إذا شفتي المهر قليل اتحسين انه ما عطوك قدرك؟
قوليلنا رايك من وجهة نظر أهل العروس وأهل المعرس..
أسمعينا
و الغاليه معروف انه اقلهن مهرا اكثرهن بركه
بس الزياده تكون يمكن بمقدرة المعرس يعني يكون عنده خير فيزيد المهر بس مب تنقاس بالقدر
وشو الفايده من انه بعض العوايل تطلب ارقام خياليه و يحتاس المعرس لين ما يدبرهن و اخر شي العروس ما بتعيش حياه عدله لانه الديون مب مخلتنهم في حالهم
وانتي ممكن ترفعين من قدرج مع اهل زوجج بأخلاقج الطيبة… واسلوبج الراقي..
وحسن التعامل مع والدته….. وخواته..
بعدين انتي قستي بالمهر.. يعني تشوفين نفسج ممكن تتثمنين بالفلوووس؟؟
عزيزتي……… ثمني نفسج بالاخلاق الطيبة..
والله يوفقج دنيا و آخره……….
بردتوا على قلبي لأن في بنات يفكرون بهاي الطريقة
مجتمعنا صار وايد مادي
والعرسان يردونهم عشان المهر القليل
أعرف وحدة عمرها فوق الثلاثين تقدم لها واحد ممتاز بس ما قبلت بالمهر إللي هو 250 ألف درهم
أنا والله انصدمت
سبحان الله
الله ما يبارك في المهر الغالي
راح الولد واتقدم حق ناس طيبين وابو العروسة ما طلب مهر أبدا وقال خذوا بنتنا بثيابها
والله سوالها أحلى عرس في أحلى قاعات لمدة 3 أيام
المشكلة انه البنات ما يشوفون في الزواج إلا يوم العرس والفخفخة والمظاهر
ياما ناس طلقوا من أول شهر والسبب مادي
الله يعوض شبابنا و يستر عليهم يا رب
وقيمة العروس باخلاقها وحسن تعاملها وطيبتها مع الكل
والانسان لايثمن بفلوس او باي شئ آخر ,,, تقدريها باخلاقها الطيبه ودينها .. وطيبتها مع اهل الزوج … والمرأه عمرها مب بضاعه عشان تتساوم بكم ..
ترا الوحده منا مب بضاعه للبيع عشان نتنافس في
رفع المهر .. انتي انسانه لج كرامه وكيان .. وماتنشرين بفلوس
والمهر حق من حقوق العروس….بس مب تطلب مبلغ خيالي
وبعدين شو الفايده من غلى المهر….ترا بيكون على ظهرها هي وريلها
والله يوفق الجميع
ولكن الناس مستويات ولكل وحدة قدرها فمو معقولة وحدة كانت ببيت اهلها مثلا تلبس ذهب( على سبيل المثال ) فيجي زوجها يقدم لها فضة ومعروف اصلا ان الزوجة تطلع مو تنزل
وانا اشوف اذا الزوج كثر مهر زوجته فهو يغنيها ويقدرها ويحترمها ويرخص لها الغالي وقيمتها من قيمه خصوصا اذا كانت افضل من مثيلاتها