انشالله كويسيين……ابكتب موضوع ابي الكل يشارك فيه ……..اوكي* هل تؤيدين بقاء الزوج مع أهله أم لا ؟؟؟ وما الأسباب في نظرك ؟ *
حقيقة نسمع البعض ممن يؤيدون أنه من الأفضل بقاء الزوج مع أهله لأسباب في نظرهم ، والصنف الآخر يرى عكس ذلك تماماً ،،،
فأتمنى من كل عضوة ، إبداء رأيها في هذا الأمر مع ذكر الأسباب إن أمكن ،،،
فلعل في ذلك فائدة ، خصوصاً ممن هم قادمون على الزواج
اتمنى من الجميع المشاركه برأيهم
تحياتي
nonay…….:smile:
المشكله بتكون في الزوج لان اكثر الريايل مايحبون ينفصلون عن اهلهم يوم يتزوجون وفيه ريايل يحبون يستقلون ببيت بروحهم..
المهم اذا كانو اهل الزوج طيبين ومعملتهم معاج زينه اشوف انه عادي تعيشون معاهم بس يفضل يكون او تشترطين انه يكون لج قسم خاااص مش غرفه
مع ان اغلبية الحريم يفضلن بيت خاص وهذا من حقهن انه اتكون الهن مملكتهن الخاصه وهذا الشي انا اايده مع اني عايشه وضع ثاني يعني مع اهل الزوج وانا اشوفه بسيطه لانه وضع مؤقت بعدني ماسويت عايله كبيره والبيت يباله وقت كمن سنه لين يخلص فهمتي علي;)
يله انشوف راي البنات الثانيات
لانه كثير ياثر عالعلاقة…
خصوصا اذا كان الاهل مش تمام…
او من البدو الاولين اللي يشوفون انه تسلط الرجل مرجلة…
فماراح تكون فرصة انه يحب زوجته ويعطف عليها ..
كل ما تغير اهله يدقون عليه بالكلام ويرجع ..
زيادة على كذا…
مسالة السؤال الدائم حملتي ما حملتي تؤثر ايضا ..
وارتباطك الدائم باهله بالبيت….
وماتاخذين راحتك وتنادي اهلك وصديقاتك متى ما تبغين.
وكمان:.
لابد يطلع في البيت وحدة تكون منكد عالزوجة..
ياالام او الاخت خصوصا اذا كانت عانس …
ومشاكل كثير…
فالافضل السكن لوحدهم…
عزيزتي عطر الليل مشكوره ويعطيك العافيه انا معك ان الوحده اذا سكنت بيت اهل زوجها يمكن تكون فيه بعض المشاكل امامن الخاله او اخت الزوج بس صدقيني اذا كان هو يحبها وهي تحبه راح يكونون متفهمين الوضع ويتحاشون المشاكل وحتى لو كان فيه راح يحلونها فيما بينهم……
وسلامتكم……
السلام عليكم و رحمه الله و بركاته
اذا كان الرجل يستطيع توفير منزل خاص للزوجه فلا تفكر ابدا بالعيش مع اهله في بيت العائله.. الا اذا كان لا يمكنه توفير بيت خاص لها فهذا وضع خاص…..
و حتي لو كانا الابوين كبار في السن فرايي ان يكون لها بيتها الخاص و يقيما هم معها اذا اراد الزوج وجوده مع ابويه و لكن في بيتها هي و ليس بيت العائله الذي يكون لجميع الاخوه حريه الوجود فيه في اي وقت و حريه التصرف فيه ..
أنصح كل مخطوبة إنها تشترط إنها تعيش في بيت بروحها مع ريلها لأني مجربة ووالله مو ماخذه راحتي بالمرة على الرغم إنه أهل ريلي طيبين بس
أرد من الدوام المغرب مكسلة وتعبانة فأرقد ونادراً ما يشوفوني في الأيام العادية أما في إجازة آخر الإسبوع فأكون مشغولة بتنظيف الغرفة وترتيبها يعني نادراً ما أيلس معاهم وهذا خلاهم يتضايجون ويزعلون وصارلي أسبوع ما أكلم حماتي لأنها متضايحة مني لأني ما أيلس معاهم وهذا سبب مشاكل ببيني وبين ريلي وأنا توني مو مكملة خمس شهور من الزواج الحين علاقتي بريلي صارت شبه معدومة من سبب أهله.
الشيء الثاني ريلي دوم ييلس عند أهله والله مرة تكشخت وتعدلت وأريد أيلس مع ريلي بس دقوا الباب وزقروه وطلع وما يا وأنا نمت وأنا اصيح من القهر وطبعا ها دوم يصير لأنه مثل ما يقولون ريال البيت
يعني ها الحركات اللي يسوونها الحريم للرياييلهم مستحيل أسويها لأنه يقعد عند اهله لين يرقدون الساعة 3 وأنا اموت
هذا غير الرحلات طبعاً ما أقدر أطلع مكان لانه أخواته ما يطلعون من البيت وعيب يطلعني بروحي
يعني الوحدة اللي تبى ما تستانس مع ريلها تسكن في بيت اهله لأني صج مب حاسة إني متزوجة و عندي ريال :confused:
:confused:
عزيزتي زينه انا معك المفروض انها تشترط انه يكون لها بيت خاص فيها اذا كان في استطاعته هذا الشئ بس شوفي حبيبتي اذا سكن ابوه وامه معاها في البيت صدقيني هي نفس المشكله ماراح تنحل لان اخوانه وخواته واهله كااااااااالهم راح يجونه في البيت عشان يزرون امه وابوه
(الله يحفضهم)
حبيبتي سلاموه الله يكون في عونك ياقلبي بس نصيحه حريميه:smile: ترى رضى الزوج من رضى الحماة خصوصا انك عايشه معاهم في نفس البيت وزوجك معاهم 24ساعه…..
هاذيلا يحبون المشاكل
شرطي كان بيت بروحي بعيد عن بيتهم شو رايكم
ادعولنا
