السلام عليكم
احب ان اناقش موضوع السكن مع اهل الزوج طبعاا ان الموضوع قديم وليس بالحديث عليناا انة ولكن دائما يتكرر الكلام عنه
كان اول على ايام اهلنا السكن مع اهل الزوج مافية نقاش الوحدة تتزوج وعند اهل الزوج على طول وتقوم بكل مسؤوليات البيت وهذا شي عادي
بس من مدة الوضع اختلف وبعد ان صاروا البنات متعلمين صاروا يقدرون يقولون رايهم بكل صراحة ويحبون يحسون باستقلاليتهم
السكن في بيت خاص يعطي الوحدة حرية اكثر وفرصة لتربية اطفالها بدون تدخل او حدوث مشااكل
ولكن الظروف الحين شوي صعبة على الشباب انهم يفتحون بيت
يعني سكنهم مع اهلهم بيوفر عليهم كثير من المصاريف وخاصة في سنوات الزواج الاولي
واذا كانت البنت تدرس او تشتغل يكون هناك مساعدة من اهل الزوج لها
الحين ابي رايكم الايجابيات اكثر او السلبيات؟
ومن منكم مع او ضد السكن مع اهل الزوج؟
تحياااااااااتي لكم
يعني العمة مابتقول شوفوا هذي والله لين الحين راكدة..ولا تطلع وتدش ماتخبرنا….ولا هذي ماتدش المطبخ…….ولا هذي يالسة في الحجرة وصاكة باب الحجرة……ولا ……..ولا……..والاحسن انها تعيش بعيدة عنهم
اذا كانت الظروف تحتم ذلك و الزوج و اهله على خلق و يعاملوننى كابنتهم
و كما يرضى الله فلا يوجد اى مانع.
عشان تحس الوحده باستقلاليتها وانها راعية البيت
ومحد يقدر يحاسبها ويتدخل في شؤؤنها وشؤؤن ريلها
الصراحة الموضوع جيد للنقاش و ابداء الاراء
بالنسبة لي فانا لان كوني انسانة اجتماعية و اخب الاختلاط بالناس
بالرغم انه ممكن احيانا اصادف ناس قد لا اتوافق معاهم في الطبع و لكن في حال كان ت الظروف تحتم عليه العيش معهم بحاول ان اكسبهم و اعاملهم باسلوب ذكي
و بعد انا ما احب الوحدة احب على طول الناس حوليه و احب احس انه في ناس معايه تهم فيني و تعاملي مثل بنتهم
و الصراحة اؤيد فكرة السكن مع اهل الزوج ( هاذا طبعا اذا ما كانو من قوم ب الالسن الطويله ) على ما يقولون
المهم لانه السكن في بيت بروحي بيحسسني بالوحشه
و الريال احيانا بيظطر انه يطلع لبعض المشاوير فمش معقوله انه بياخذني اقعد في بيت اهلي لين ما يرجع من مشواره
و في بعض الاحيان الاهل يكونون في اشد الحاجة لابنهم يخاصة اذا كان هو رجل البيت و شايل المسؤولية بالتالي ما يقدر يتركهم و بالخص امه الي تعبت و ربته و سهرت عليه في الاخير يتركها لا لا ما يصير
و في نفس الوقت لازم الزوج يعرف كيف يرتب اموره و يوزع مهامه في تادية واجباته الكاملة اتجاه اهله و زوجته و يراعي الله
و بعدين الصراحة انا ابي عيالي يعيشون بين اهلهم و يحسون يالانتماء و بجود اهلهم و وجود جو فيه تماسك اسري و حنان و عندهم جده تهتم فيهم و يلاقونها طول الوقت معاهم
و الاهم من هاذا كله انه مب كل الشباب قادرين على بناء بيوت او على التاجير تدرون بالاخص اذا كان شاب توه بادي حياته
و بعدين الوحده منا راح اتحصل معاها حريم تاخذ و تعطي معاهم في الكلام مب طول الوقت مجابله هالريل 😉
هاذا كل ما عندي و اذا حضرني شئ بعدين انشاء الله بكون في تواصل معاكم
و شكرا مرة ثانيه لطرح الموضوع المفيد
طبعا سكن الزوجين لحالهم افضل
الا اذا كان ابو او ام زوجها كبار في السن وما ينتركون لحالهم فلازم تسكن معهم ,,بس يكون لها قسم مستقل وخاص في المنزل،،عشان تاخذ حريتها في بيتها وفي تربية اطفالها وفي نفس الوقت تكون قريبه من اهل زوجها اذا احتاجوها…