موضوع الحمام المغربي انطرح مرارا وتكرارا في هذا القسم. وعروساتنا ما قصرو! قامو بشرح وافي وكافي لكيفية القيام بالحمام المغربي بالتفصيل..
أنا اشتريت العدة.. وقمت بعمل الحمام المغربي لنفسي مثل ما قريت..
لكن النتايج اللي تطلع عندي مو مثل ما تنكتب هني!
اللي تقول ينزل ماي اسو! الثانية تقول بلاليط يطلع من الجسم!!
أنا ما اشوف شي ينزل !!!
كيف أعرف إني سويت هالحمام المغربي صح !!؟؟؟؟؟
,, حبيبتي انا نفس الشي لمن اسويه ما يطلع من جسمي اسود .. بس بنفس الوقت ما تطلع مويه نظيفه مره .. يعني حبيبتي مدام انك مطبقه الطريقه صح خلاص يصير تمام عليكي .. لكن انه المويه تكون سوداء او تنزل الخلطه على شكل خيوط هالشي يختلف من جسم لجسم ,,
,, بالتــوفيــق ,,
..::..
تحيــاتــي
انا توني سويت حمام مغربي >> مدمنة حمام مغربي و بقولكم الطريقة
اول شي تجهزين الحمام مثل ما ذكروا الخوات في مواضيعهم
تسدين المنافذ و تترسين ماي حار عسب البخار و يوم يبرد هالماي الحار شوي يلسي فيه لين يبرد تماما و تتفتح مساماتج
بعدها ييبي الصابون المغربي حتى لو بروحه انا ما احط عليه شي و بعدين حطيه في ايدج و ابدي و زعيه على كل الجسم و بتطلعلج رغوه يعني جنج تمسحين جسمج بكريم بدون فرك بالليفة و عقبها انتظري 10 دقايق و طبعا هو بينشف في هالفترة
المهم بعد جي اغسلوا الجسم بماي دافي بعد بدون ليفة و بدون دعك ابدا مفهووووووووووووووم
و بعدها اطلعي من الماي و الحين يا دور الليفة المغربية
خلي شوي جسمج ينشف مب وايد يعني يكون رطب و ابدي افركي بحركات فوق و تحت مب دائرية و بيطلع جدر بلاليط … لووووول و والله بتنصدمين جنج ابدا ا تسبحتي في حياتج
هاي الطريقة اللي انا استخدمها و اظن انها صح
و بالتوفيق حبيباتي و اي شي ما فهمتوه انا في الخدمة اختكم روح الحب
كل الي قالووو موشرط يطلع شي بلاااليط ومدري ايش غلط مو صح ابد
اصلن نجااح الحمام المغربي اذا شفتي نتائجه مهم كانت الوحده نضيفه لازووووم يطلع الجلد الميت
المهم انا بقولك طريقه واتحدى اذا مشفتي للبلاليط الي قلتو ههههههههههههه المهم حبوبه
بس بشرط امشي الي بكتبه وراح تشوفين البلاليط وردلي امانه اذا ضبط معاك اولا
1….روحي تسبحي بصابونتك العاديه من غير متدهنين بعده ولاترطبين جسمك ابدا ترا مهمه
2..شغلي الحمام الخيمه وافضل شي عند نزيييييه المهم حضري لك صابون مغربي وعصري عليه
ليمون وملعقتين حناء واخلطيه زين ..
3..خلاص جهزتي اغراضك دخلي بحمام البخار اقل شي 10 دقائق واذا زدتي افضل
وبعده العشر دقائق خوذي الصابون المغربي الي خلطتيه ودهني جسمك كله وارجعي واقعدي
بالبخار ربع ساعه وبعد الربع ساعه افتحي الدش ع ماء دافي مايل للحراره اشوي افضل
وشطفي جسمك زين ترا مهمه النقطه ذي وبعد مشطفتي جسمك كله خوذي اليفه وهاتك يفرك
بس نقعيه بماءء الليفه وراح اتشوفين البلاليط وعقب متفركين وتخلصين غسلي جسمك بصابونه
عاديه وانا افضل الطاوس ونشفي جسمك وتدهني بيبي جونسن او كريم الي تحبي
وبس حبوبه والله نصحت وقلت بالتفاصيل عشان تعرفين زين لني تبهذلت مثلك سابقا مكنت اعرف
واستغرب ليش متطلع البلايط زيهم هههههههههههههههههههههههه وبلاخير عرفت السر
لازم وضروري يكون مافيه دهن انا اتروش بليل ولاجاء من بكره اسوي البخار ومو شرط حتى لو بنفس اليوم اتمنى افدتك
انا بالبدايه مثلك سويته ومايطلع شي مني واستغرب من قولت البنات الي تتطله خيوط سوداء
والي تتطلع بلاوي
وبعد فتره سمعت طريقه انك تدهنين شسمك قبل الحمام المغربي وتقعدين على البخار وبعدها
تحطين الصابون وووووو الطريقه نفسها
بس انو قبل الحمام المغربي تدهنين جسمك باي زيت ويفضل زيت زيتوت او الوز
لمن عملت هالطريقه من جد والله اني شفت البعارير السوداء تطلع من نفسها قبل الصابون المغربي من يوم مادخلت على بخار الحمام وجلست خمس دقائق وشوي تطلع وصرت افرك افرك الين تطلع زياده
يالله انشاء الله تزبط معاكي
باااي
لاعت جبدي
المهم استخدميه مثل ماذكروا لان طريقتهم صحيحه
ولاتنسين تقولين لنا شصار معاج
وترى احتمال الصابون مب زين او الليفه وايد ناعمه
سوي قبل الحمام خلطه مكونه من حنه + سدر + صابون مغربي وخليها على جسمك فتره
وبعدين ابدي بالخطوات
هذا الرابط
((الحمام المغربي)) .. علاج واسترخاء مع روح البحرين
اختك
روح البحرين