عندي موووضوع حبيت ناقش فيه شوي ,,, وطبعا هو موضوع الوضع المادي
هل الوضع المادي ياثر على حياتج عزيزتي ؟؟
او تقولي اهم شئ عندي الاستقرار وحب زوجي؟؟؟
×××××××××
اولا ::بقول راي انا في هذا الموضووع….
انا لما جات عمتي تخطبني قالتلي انتوا تحبواا بعض بس ابي انبهج انه خطيبج وضعه المادي وايد ضعيف
ومااتشتكي بعدين وتقولي ماعندنا
قلتلها مو مشكله المهم نحب بعض ….
وبعد مرووور فتره من الزواج كنت اتحمل وامش الحال بس تصدقوا الحين بعد مروور اربع سنوات
على الزواج حسيت فعلا انه الوضع المادي له دووور كبير
وفعلا اذا احتجت شئ وماقدرت اخذها اتضايق واعصب وزوجي يحس بالذنب انه مايقدر يوفر لي اللي ابيه
لكن مالدرجه انه يسبب مشاكل كبيره بينا ولله الحمد ….
شو رايكم خواتي ؟؟؟؟؟
ولكن لا اجعلها تؤثر على بيتي
مثل قديم يقول مد رجولك على قد لحافك
ساعات الانسان يحتاج اشياء كثيره ولكن الفلوس ترده مايقدر يا خذ اللي يبيه
ولكن اقول اذا الرجل كفأ وذو اخلاق عاليه
والحمدلله لابسه ماكله شاربه نايمه
بس خلاص ما ابي شي ثاني من الدنيا
دمتم سالمين
اختكم شريفة
بس ماشفت احد رد على الموووضووع غيرج
يعني مو تعيش في بيت أهلها في قصر وكل طلباتها مجابه وتاكل وتشرب وخدم وحشم وفجأه…
تعيش في غرفه في بيت أهل زوجها الحمام مشترك بينها وبين أم زوجها..
والأكل مايجي نص الشهر إلا الثلاجه فاضيه وما فيها أكل وما يقدروا يشتروا شيء.. إلا وقت الراتب..
ملابس حدها لبسه وحده في الشهر هذا إذا توفرت..
خذي واحد بمستواش أو أقل منه بشوي..
منورا القسم وشكرا على ثقتك فينا
موضوعك وايد مهم ومفيد ويعتمد على البنت بالدرجة الأولي,,, يعني في بنات قنوعات ويرضون بأقل القليل وفي بنات ما تنترس عيونهم ابدا ( مثلي انا ) دائما ابي وكل شي يعجبني وايد اصرف فوق ما تتخيلي ( وهذا اكبر خطأ )
اما بالنسبة لك …وضع انتي اخترتية محد اجبرك …والحب كان اساس العلاقة
نصيحة صغيرة من اختك
لا تحاولين تزنين على زوجك وتضايقينة المسكين الله يكون بعونه بالعكس حاولي تخففي عليه
وليش يالغالية ما تشتغلين وتساعدين روحك الحياة صعبة وايد
الله يفرجها عليكم وعلى كل مسلم
ياريت لونشوف مشاركات أكثر ………..
وراها بس لا تنسين شيء واحد ان الغني مثل ما الله عطاه يقدر
ياخذ منه والفقير مثل الله ما خذا منه ممكن يغنيه في يوم وليلة
وانتي اذا عندج زوج أدب واخلاق والتزام ودين فوالله عندج كنز لا يعوض
طبيعة الانسان يشتهي كل شيء بعيد عنه لكن ما يعود نفسه عالطمع
ويرضى باللي عنده ويحمد رب العالمين لأن ناس وايد ما عندهم حتى بيت
يسترهم ولا لبس واللقمة بالحسرة عليهم ومع ذلك راضيين بحالهم وساكتين
لا تحاولين تحسسين زوجج بالذنب عشان لا ايي يوم تخسرين فيه زوجج
وتندمين لأن الاموال ماراح تعوض الامان والحب اللي كان عند زوجج ..
شو فايدة المال بدون سعادة وانسان يحبنا من كل قلبه …
ونصيحتي للبنات اذا سنحت لها فرصة للزواج ان تفكر في هذه النقطة جيدآ قبل قبول الزوج ولا تتزوج فقط خوفآ من العنوسة ومن نظرة المجتمع والأفضل ان تتزوج زواجة من نفس المستوي الذي كانت تعيشه في بيت اهلها اذا كانت لا تستطيع التنازل او التضحية
والف شكر لج علي اثارة هذا الموضوع
ودمتي بخير
لابد أن تعي كل زوجة أنه من الممكن ان تمر حياتها ببعض المتاعب و عليها التعامل معها
و تحاول ان تجد لها حل مثل ان تعمل أو عمل مشروع خاص أن تأخذي بالاسباب
و لا تنسي الدعاء لله بأن يبارك في القليل لزوجك و يرزقه بالمزيد ان شاء الله
الحب و المال اساس في الدنيا والناس ماهم الا ظاهر وهو مال لكن دين الاسااااااس
ناس كثير حياتهم زفت ولله الحمد بسبب المال وفي حب لكن احيانا المال يطغى ع الحب
والبنات للازم ينتبهو للوضع المادى مهم جدا جدا اي المستوى المعيشي ناس يتزوجوا علشان الحب ولا يهتمون بالوضع المادى بعد الزواج ربنا العالم اش يصير ويصير هو حب مو كل شي في الحياه للان في اشياء كثيره ماتمشى الا بالمال مو بالحب وكلاام الاخت coco صحيح ناس الاغنياء والفقراء صح ناس اغنياء معدوم الحب لكن عايشين حياتهم كل شي موجود لكن يفتقدون السعاده
المال مكمل السعاده والسعاده مكمل المال اذا فقدتوا شي منهم ماتعيشون مثل المال اذا فقدناه متنا هذا اللى عندى حالى الراي…
لو في شي بضيفه اضيفه وقت ثانى شكرا