F:شحالكم ياعروسات ؟؟F:
اولا مبارك عليكم الشهر وكل عام وانتوا بالف خير :thumbs_up:
مشكلتي هي مب مشكله مشكله بس هي >>>فكينا وتكلمي هع
هي اني وااااايد احب المكياج يعني هوايتي اني اسوي مكياج ومن كثر ما انا احب هالهوايه وامارسها صرت حريفه في المكياج >>>حلوه هاي حريفه هع
المهم اني اسوي مكياج يمكن احلى من خبيرات التجميل لدرجه اني فالاعراس انا اللي اسوي البنات مثل اخواتي وقريباتي ويطلعون احلى بوااايد والكل يسال منو سوالكم الميك أب يعني انا ما اسير للصوالين انا روحي اسوي عمري ومرات يوم اكون مطره مثل عرس اختي تعرفون انتوا الربشه والعيله فأخلي اللي تسوي العروس تسويلي المكياج يطلع شكلي بايخ واحس انهم مايعرفون وكل حد يقولي انتي تسوين احلى بوااايد >>> للحين انتوا مب عارفين شو السالفه ولا وين المشكله صح ؟؟؟ هع هع
المهم المشكله هي اني ابا استغل هالموهبه دامني يالسه فالبيت وماعندي شغله خاطري استفيد … منها استغل وقتي بشي مفيد وينفعني ومنها اطور هوايتي …وللعلم انا ماقد خذيت دورات مكياج بس جي تعلمت بروحي ..مرات افكر ادش معهد واتعلم الاساسيات اكيد انه فيه اشياء ما اعرفها … وشو تنصحوني كيف ابدا طبعا انا مابقول اني بسوي عرايس لالا يعني مثلا ابا اسوي حق البنات حتى الحريم عادي فديتني مكياجي حق كل الاعمار >>>واثقه البنت هع
وعقب ما اطور عمري عقبها ابدا اسوي العرايس ..تعرفون اختي فديتها بعدها مب معرسه تقولي والله ماحد بيسوي مكياج عرسي غيرج والله والله اني يوم اسير عرس كل حد من الحريم تقولي اختي وين مسويه مكياجج حتى حريم ما اعرفهم
ادري اني طولت عليكم بس ابا استفيد منكم عطوني رايكم وابا شي معقول لاتقولون لي افتحي صالون ومادري شو لاني ابا شي وانا في بيتي تعرفون الرياييل مب ع كيفنا بيقولي انثبري فالبيت هع هع
وبس هذا موضوعي بس تكفون ابا راي كل وحده فيكم وخاصه بنات الامارات واللي عندها خبره في دورات المكياج اللي فالعين تفيدني والله يجزاها خير
F
: اولا ( ربي يبارك عليك ) و يشرفني أكون أول وحدة ترد عليك ..
– استعيني بالله أولا واستخيري وشاوري زوجك وتوكلي على الله ..اوصيك بالدعاء والاستغفار دوما ..
– الاتقان والموهبة موجودة ( نميها بالاطلاع على الجديد في خطوط الميك اب – دورات قصيرة ليس بالضرورة تكون طويلة لانك متمرسة تحتاجين لدورات فيها نوع من الابتكار والاحترافية – تدريب نفسك دوما على بعض الاضافات السحرية الخاصة بك والتي ستميزك عن الاخريات في هذا المجال )
– الدعاية موجودة ( الأهل و القرايب ثم دعميها بكروتك الشخصية )
– تحديد الكيفية هي اللي ناقصتك بمعنى:
*وسيلة الاتصال ( رقم موبايل خاص بالعمل – كروت شخصية للتوزيع عندما يسألك احد من الناس وطبعا لاتنسين تعطينها لكل وحدة من قريباتك اذا عملتي لها ميك اب )
*المكان بجب أن تحددي سياستك هل الزبائن يأتون إليك ( تحتاجين حينها زاوية انيقة بالمنزل لتزيينهم ) أم تذهبين لهم ( تحتاجين تحديد المكان هل في منازلهم ام فقط في الفنادق وصالات الأفراح )
*تحديد الأسعار ..اتركها لك ..
*تجهيز نفسك بمعدات التزيين للتنقل إن كنت ستذهبين خارج المنزل ( حقيبة سهلة الحمل ووافية لكل ماتحتاجينه اثناء التزيين )
*للتميز احرصي احرصي على الاحتراف بكريم الاساس وابتعدي ابتعدي عن صبغ الوجه بالاساس كالمهرج )
وربي يوفقك ويسعدك يالغلا ولاتنسينا من دعواتك 
تراني انا نفس حالتج اموووووووووووووووووت في المكياج من وانا صغيرة ودوم احط حق خواتي واقاربي والكل يمدح مكياج واي حد يشوف مكياج يتحروني مسوي في الصالون وعقب قررت ادخل دورة تدريبية ازيد في خبرتي واعرف الاساسات للمكياج والحمدلله دخلت واتعلمت وااااااااااااااااايد اشياء ضرورية محد يعرفها غير الخبيرات واستفدت وايد والحين الحمدلله احس اعرف كل شي واهم شي عندي الاساس اعرف اختاره كل كل بشره تختلف عن الثانية وبعد رسمة العيد كل وحده تختف عن الثانية والحمدلله تعلمت والحين افكر اني اسوي مشروع في بيتي واسوي لزيائن بس مترددة ما عرف ليش مع اني الحمدلله واثقة من شغلي بس ابا وحدة تسوي شعر تشترك وياي عشان نكمل بعض
اسمحيلي عالاطاله بس انصحج تاخذين دورة تدريبية في فن المكياج لانج بتتعلمين اشياء وايدة
وانا بعد مثلك عندي موهبه الميكب ونفسي اطورهاا
هاي موهبة لازم تستغلينها و تطورينها عشان تعود عليج بمردود زين
استمري فيها بس انصحج حتى لو انج تحسين عمرج متمكنه من المكياج بعد دخلي دورة
و بعدها حاولي تاخذين دورة في الشعر لان وايدا يطلبون ميكب مع الشعر
تحياتي لج
طبعا بنسبه للاسعار يعني حطي كاتلوج
تسريحات ميك اب منتجات تجميل للبيعه اذا تبين
وانا عندي لك فكرتين
الاولى حطي غرفة مساج
الثانيه غرفة استيديو مزودة بادوات التصوير والحركات مثل
دباديب مهفه للتصوير
ويكون شكلالشغل راقي ونظيف
والعاملا مميزات
ثم وضعت اعلان في الجرايد والنت وصرت اروح البيوت وفيه حريم يجوني البيت مثل الجيران
والحمد لله قريبا افكر اطلب حد يشاركني وافتح صالون بس اهم شي ثقي بنفسك ولا تترددي ابد حتى لو تروحي تشتغلي بصالون الين تكتسبي خبرة وتخف يدك وتعرفي شو ناقصك وبالتوفيق للجميع