اليوم حبيت اعرض لككم معاناتي مع الرقبة مو السمراء بس انا رقبتي كانت سوداء واحين ولله الحمد لونها زي جسمي
طبعا ماراح اقول لكم خلطات وخرابيط انا كنت طول عمري افتح المنتديات واطبق كل شيء فيها عن الرقبة بس مافيه شيء فادني حتى الليمون ما يسوي شيء كان عندي تصبغات داخل الجلد نفسه لأن هذي مومشكلة جديدة ل من يوم عرفت نفسي
بتقوون سمينة بقول لكم ايه سمينة بس ياكثر تابيض السمان
رحت لأطباء جلد كل يعطيني من عنده بس مافيه شيء حسن الوضع لحد ما شفت زميلة لي مجهها يلق كانه مراية قلت لها لاوين تروحين جلدية ودلتني على دكتور في مستشفى المانع بالخبر فرحت له
وبما اني لست من سكان الخبر فكانت روحتي صعبة شوي و الأصعبؤ من كذا إن أدويته بس عند صيدليتهم
استوريت على الواء شهرين خفت السواد بنسبة 40% وجانا الصيف السنة اللي فاتت ووقفت الدواء لنه التهب شوي مع الحر والطلعة برا زادت من الالتهاب
ولما جا الشتاء هالسنة استمريت عليه لمدة 4 شهور لحد ما وصلت للنتيجة المرجوة اخير بقول لكم اسم الكريم وهو pigmanorm لونه ابيض وخط تركوازي على جنبوبنزل صورته بس ياليت اطلع اول مرة انزل موضوع
هذا هو حبيبي
ملاحظات:
*لازم مهم استخدام واقي خاصة إذا طلعتي برى او طبختي بالبيت
* الاستخدام مرتين باليوم صباحا ومساءبس انا كنت احط اللي الصباح إذا نمت الظهر لاني موظفة
*حطيه بس على المنطقة السمراء
* الكريم ينشف الوجه فيفضل استخدام مرطب مش معطر
*الكريم نبهني الدكتور انه يستخدم لتفتيح أي منطقة بالجسم ما عدا المنطقة الحساسة ونبهني ما احطه نهائيا عليها( حطيته على هالات العين بس يوم ايه ويوم لا_ حطيته على اثار حرق في ذراعي وراح)
* ابراء للذمة بتقعدين فترة بعد استخدامه كان المكان ملتهب لأن التقشير بتشوفين بشرتك تتقشر زي الصمغ اذا نشف على يدك بس استمري وراح توصلين للي تبينه لا احد يدعي علي لان انا نفسي زعلت من التهاب رقبتي
*الترطيب الترطيب الترطيب
*سلامتكم ويارب تستفيدون
سامحوني على الإطالة
مشكورة ياعسل على المعلومة المفيدة
والله يوفقك
والله يوفقك
بس جربي بعد الجلسرين كل يوم حطيه قبل لاتنامي شوفي النتيجة
.. يعطيك العافيه ..
العفو
أنا أخاف من التقشير الشديد ووالله إن وحده من قريباتي جربت هالنوع من التقشير ورجعت بشرتها أسود من اول
عموا الناس انواع وكل يناسبه شيء