واعليه انا المسكينه ما تهنيت بقصة شعري ..
تخيلوا قصيت شعري بعد صبر سنة تقريباً لين وصل الحمدلله اخر ظهري ..
بس كان ضعيف .. وحبيت اغير اللوك شوي ..
رحت وقصيت شعري لين كتفي .. والقصه رهييييييييبه وحلوة :shy: الكل يقولي شكلج صغيره ومحلوة ..
وقمت انا الهبله سويت خلطه في شعري شفت وحدة اعرفها مسويتنها وعطاها لون رهيب ما شالله ..
اللي هيه عبارة عن فنجان نسكافيه وفنجان زيت زيتون ومستحضر الاكسجين الاخضر الي ينباع مع الصبغات الجديمه مال اول .. :down:
وسويت منها انا واخت زوجي بعد يوم واحد من القصه اليديه 🙁
والمفروض ان نخلي الخلطه 5 ساعات وانا خليتها 4 ساعات والسبب انه طبيعي ويحتاج وقت .. جي قالوا لي .. 
ولما غسلت شعري .. 4 مرات بالشامبو عشان اتأكد انه تنظف .. طلع لي لون بني حلو وايد .. لكن ..
:down: شعري احسه من النص صاير فيه خصلات مدهنه من الخاطر مهما اغسل شعري الدهن الي فيها ما يروح تحسونه ملزق دهن .. حتى مع السيشوار تعرفون لما تكون خصله مدهنه كيف يكون الشعر ..
قلت ماعليه يباله وقت ..
لكن الادهى والأمر اطراف شعري استوت ياااااااااااااابسة وكأنها محروقة .. والله العظيم بصييح على شعري .. كيف مقهورة واخت ريلي الحمدلله شعرها ما استوا له شي مع انه شعري انعم بوايد عن شعرها ..
ولما اسشور شعري ياحسرتي على القصه يبين شعري مكشش وناشف الملمس وفي نفس الوقت فيه دهن ملزق .. شو اسوي دلوني الله يخليكم
مافيني ارد اقص شعري حرام بيقصر زياده .. ولا انا اتهنيت باللوك اليديد ..
شو اسوي عشان اخوز الدهن من راسي وفي نفس الوقت اطري اطراف شعري .. ؟؟
ساعدوني جزاكم الله خير
يعني عليج بحمامات الكريم ولا اتسشورينه وايد لان بينشف شعرج وتتقصف اطرافه
هذا الي اعرفه و ان شاء الله الخوات يفيدونج
ليش جذي
صحيح يقولون الانسان طماع
لازم نلعب بشعرنا وبعدين نتحسف
مو كل شي زين نسمعه من غيرنا يكون زين علينا لانه البنات تختلف طبيعت شعرهم
شوفي اختي حطي قناع على فروه الراس بس مكونه من:
(زيت اللوز المر_روب_ عسل) وتقدرين تستغنين عن زيت اللوووز
طبعا الروب هوا الزبادي وفايدته ينظف فروه الراس وانشالله يروح الدهن
وبالنسبه للاطراف استخدمي حمام زيت من نوع جبد ولا تستخدمين الاستشوار نطري جم يوم والصبر مفتاح الفرج والله يعينج اختي
وسلامتج
اختي زينب الكويتية مشكورة فديتج انا قلت بتريا بعد وبشوف .. لعل وعسى
ومشكورة على الوصفة
جربي اغسليه بالشامبو عقب تدليك بالليممون عشان يروح الدهن
عقب حطي البلسم و اشطفيه على خفيف بس و بشريني بالنتايج
يالله قومي تسبحي 
و ان شاء الله بترجع قصتج مثل قبل و احلا
لا تقصينه حرام
انا احيانا يوم ادهن شعري
اييب الشامبووافركه واخلي الرغوه كثيفه ومااغلسله على طول اخليه دقايق
بعدين اغسله واحط حمام زيت او كريم فاشكول واخليه حسب المكتوب
والحمدلله يطلع الشعر نظيف وناعم وركزي على الاطراف الخشته
ليش هالتخبيص والصبغة الغلط ماما
المهم اليوم او باجر سيري باريس غاليري الخاااااالدية وسوي عندهم حمام زيت بمجموعة الكريستاس وخبريهم ع الاطراف اليابسة
وخليهم يصححون الوضع الا الصبغه لا تستهينين فيها ومالج الا باريس غاليري في حمامات الزيت بالذات والمعالجة
وعندهم المعالجة بالاعشاب واااااااااااايد فنانة ببدأ فيها ان شاااااء الله الشهر الياي حاليا مااعندي وقت
انا فعلاً اترييت يومين ميت اغسله وما اسشوره والحمدلله احس انه وايد احسن