خواتي تكفون انا مو عارفة شو اسوي مع ولدي الله يحفظه ….بدر عمره سنتين و4شهور وعنده اخ عمره 5شهور …..المشكلة انه مع ابوه دااااااايما يبكي يبكي بسبب ومن غير سبب …يعني لو كنا بالسيارة ونزل ابوه الصيدلية يجيب شي تعالو شوفو البكا اللي يسويه ….ولما نروح عند ناس او يدش بيت غريب يشدني من عبايتي ويدزني لا تدخلين عندهم ويبكي ويصارخ وااايد وانا انحرج جدام الناس لانهم يسالوني وش فيه وانا مو عارفة شنو ارد ؟؟؟؟؟؟؟؟
لما كنت عند اهلي اول يوم لما وصلت كان ماساة كبيرة ابوه ما كان معانا كان متعلق فيني حتى الحمام اعزكم الله ابدشه بالخش والدس لانه يبكي لو شافني بعدت عنه ..قعدت شهرين هناك الحمدلله الحالة خفت كثيييرررررر كان مبسوط وااايد مع عيال اخوي ويلعب ومو متعلق فيني حيل وحتى سالفة البكا هذي خفت …..بسسس ……اول يوم وصلنا فيه بس شاف ابوه بالمطار ردت الحالة ثاني مرة وانا بس يصير جذيه خلاص احس الدنيا تصك بوجهي ويجيني ضيييييق بصدري لاني مو عارفة شنو اسوي له وابوه مرات يعصب ويخاصمه من هالبكاء وانا اسايسه واتكلم معاه بشويش لين يهدا بس ابوه يخرب اللي اسويه بعصبيته ….
انا والله تعبانة تعبانة حييييل كرهت كل شي ما ابي اطلع ولا ابي اتكلم مع احد ولا ابي اشوف احد مو عارفة شسوي ؟؟؟؟ افكر كثيييررر اني ادخله حضانة الحين؟؟ بس ما ادري في حضانات بالصيف ولا لا ؟؟؟ قلت ممكن يتغير طبعه شوي ….؟؟؟ ولو في احد يفيدني شنو احسن حضانة بجدة يكونون اللي فيها صبورين وحنونين على الاطفال ومنها يتعلم ويختلط باطفال ثانيين ….والله مو عارفة شسوي 
…..؟؟؟؟
والله الجهال يبغي اليهم صبر ياختي
الله يستر بس!!
مريت بنفس حالتك ..مع بنتي وبنفس العمر كانت مرحلة صعبة بس انحلت .. الحل الاول هو ان الطفل يعاني من قلق الانفصال وممكن تعرفي عنه اكثر بالبحث في قوقل عن هالموضوع .
2- حاولي قدر الامكان التواجد مع الطفل في امكان مختلطة وهو يحس بالشعور لانك دائما امه وانت العالم الوحيد و يخاف يواجهه العالم الجديد لذلك انتي ابتعدي عنه ممكن عبر تخصيص ساعة كل يوم في الحديقة.. او مع احد الاهل..
3- لابد من كسر هذه الحالة بمشاركته مع الاخرين في روضة نادي صيفي لو تعليم قران المهم يبتعد قليل عنك ويخض التجرية الجديدة.
๏°๏°๏๏°
الطفل صغير واغلبهم في هالعمر جدي ويبى له فترة عشان تروح الحالة
ومن كلامش انه خفت الحالة عنده ولمارجع ابوه رد على نفس الحال!! يعني هو خايف تخلونه
واني من فترة ترقدت كم يوم في المستشفى وبعدين بنتي صادها جدي ماادخل حمام ولا أقوم اشرب ماي الا تنصرع ماتبي الا حاملتنها
بس تعاملت وياها بهدوء وقمت اراويها قصصها والاعبها وشوي شوي رجعت عادي مثل قبل
يبى اليه صبر شوي
๏°๏°๏ ๏° ๏°๏°๏ ๏° ๏°๏°๏
بس من كثر الطلعات والاختلاطط مع الناس وخصوصا وي الاطفال اللي في سنه بينسى وبتخف الحالة
اعتقد حل الروضة مناسب يمكن يتعود ويختلط بالناس… شوفي انا ولدي اول مادخلته الروضة بهدلني في بداية الأيام بس عقب خلاص تعود شاف مافي امل دام اني باتركه قال خلني ساكت وبعدين بس تعود…
اممم مدري شقوولج صراحه
للحين ولدي ما صار سنتين ولا ادري لو ولدي صار جذي شسوي ..
بس ان شاء الله ما يصير جذي ..
بقولج عوديه يقعد بعيد عنج ترا مب عدله كله يصارخ ويصيح