وايد ناس تسألني شنو تحطين ببشرتج صافيه وماكو حبوب ولا بقع واليكم السر 2024.

شخباركم بنات شلونك ان شاء الله بخير

حبيت افيدكم واقول لكم عن سري وللأمانه يابنات انا ماحط خلطات وخرابيط وايد وكريمات بشرتي مختلطه وحساسه مو اي شي يمشي وياها لدرجه جربت صابونة نيتروجينا وهالسوالف يطلع حبوب شوي واتركهم لانه بشرتي مصافيه ومافيها حبوب وكنت ابي اعتني اكثر بس من استخدم شي احاول اتركه عشان لا يأثر فيني وانا ما امدح والله اعلم كل من يشوفني يقول لي شتحطين ببشرتج؟؟؟

انا لوني ابيض بس هم ينفع حق البنات السمر والحنطاوين ليش لانه اللون يتوحد وويهج يصير صافي ولون واحد وفيه لمعه

بس بنات امانه اللي مايعجبها الموضوع او بتنتقد بليز توفر كلامها 🙁 وتكتفي بقراءة الموضوع وصدقوني لو تجربون الاشياء اللي اسويها راح تلاحطون ويمكن الجمعيه ماتربح ههههههههههههه

المهم نيي للجد

اولا انا اشرب الماء بكثره <=-=-=- يمنع الجفاف ويعطي لمعه للبشره
يوميا لازم اكل روب + خيار <=-=-=- بياض وانا بيضه بس جني حاطه كريم اساس سبحان الله احس اصير ابيض
طبعا الروب اكله ويا الغدا او العشا والخيار بروحه باي وقت او اسوي سلطه روب
البيبسي والمقلي والككاو والسكريات ما اكلهااااااااااااااااااااا كللللللللش الا نااااااااااادر بيبسي دايت بس مافكر اكلها لانها تهلك البشره والمقلي يأثر على الشعر والككاو يطلع حبوب للبشره وسألوا الدكاتره هالكلام مو من عندي وهم عن تجربه لمه اكل ككاو قبل احس تطلع لي جم حبه بويهي

طبعا اكل التفاح والبرتقال والتمر بتقولون شلون تاكلين تمر وانتي مسويه دايت ساعات اكل 5 تمرات ويا حليب منزوع الدسم هذا ريوقي

والعصاير الطازجه والخضرا

يعني مستحيل يمر يوم ما اكل خيار وروب او نوع حبه فاكهه وتمر وما اعيش بددون الماي

هذي العنايه من الداخل

عنايتي من الخارج جداااااااااااااااااا بسيطه
استخدم الجونسون اللي لونه وردي المناديل عشان المكياج
وصابونة دوف الخضرا الله يعافي بنت عذاري اول صابونه اوكي تصير على بشرتي
والفازلين وزيت اللوز المر يوميا احطه بليل والصبح اغسله بصابون
وما انسى ال أولاي اللي بالتوت احطه قبل ماروح الدوام

ماوصيكم تدعولي بالزوج الصالح لي ولخواتي