المهم حبيباتي انا من استخدمته لليوم شعري وصل لاخر ظهري وشكله ماشاء الله اسوووووووود وصحي ويلمع بس بنهاياته مكان الصبغه شوي فاتح وانا افكر كل ما يطول بقص بنهاياته لحد ما تختفي الصبغه وشعري يصير اسود لاني احب اللون الاسود وريلي بعد وخاصه انه مفتحني وبلمعته صاير جنااااااااااااااان ما شاء الله ..ومثل ما احب الخير لي فانا احبه لكم كلكم واتمنى تجربونه وتشوفون بنفسكم شعركم وين بيوصل وبتقولون ماروكوووو قالت … بس للامانه ترا انا اخذ حبوب لانه عندي نقص حاد بالحديد 🙁 وثانيا استخدم شامبوهات طبيعيه واشرب جزر واااايد ((((مفعوله وااااضح بالشعر والبشره ))))) بس ها السوالف مع املا تبين على طول واحسن من اي زيت ثاني … واكبر دليل ها الهنود اللي ماشاء الله شعورهم تسحب وراهم غير الغلظ واللون واللمعه …. بس حبيت انبه انه اول كم استخدااام بيصير تساقط خفيف وهذا حصل معاي بس توقف اول ثاني اسبوع يعني تقريبا رابع استخدام ( عشان ما تقولون غشيتكم ) واللي تقول انه اذا وقفت استخدامه الشعر يطيح انا وقفت تقريبا من شهرين الا ثلاث ما استخدمته ولا مره ولا صار تساقط ولا شي بس رجعتله مره ثانيه ولليوم وانا استخدمه وان شاء الله للعيد شعري بيطول اكثر … والله كريم ليومها
واي استفسار انا حاضره لعيونكم :gum: [/frame]
واخليكم مع تجارب البنات
[RIGHT]
بواسطه… غناتي
صراااحه هذا الزيت وااايد روعه انا كان لي فترة استخدمه تقريبا 7 شهور صراااحه طول شعري واااايد بس بعدين بديت اتكاسل و ما استخدمه بس الحمدلله شعري اوكيه
………………………………………….. …………
بواسطه q8etya
هلا فيج اختي هذي اول مشاركة لي واتمنى اني افيدج ابصراحه الزيت وايد زين انا استخدمتة وكان شعري قصير وكنت ابي اطولة لاني مليت منة بس بعد سبوعين حسيت بالفرق شعري طال بطريقة غريبة ماشالله وحدي حبيتة
………………………………………….. ……………
بواسطه saNdRa2002
انا جربته زمااااااان مااحس انه سوي شي لشعري بس كانه غمقه ولمعه عن العاده
………………………………………….. ……………..
بواسطة … انا الشوق
اختي انا كنت أستعمله تقريبا مرتين أو ثلاث مرات بالاسبوع
لكن بالنسبه حق انه يغمق اللون فما لاحظت هالشي مع ان شعري مو أسود
………………………………………….. ………………
بواسطه عذباء
بالنسبه لزيت دابر املا
حلوووو كثير للشعر
بس اذا شعرك فاتح راح يغمقه
ويميل شعرك للسواد
بس هو ممتاز للتساقط
والنعومه والطول
توكلي على الله وجربيه
بالنسبة للسؤال أختي الناريه
دابر املا الذهبي جربوه خواتي
عجبهم بس لحد الحين لانهم استعملوه
مره وحده بس إن شاء الله افدتك
………………………………………….. ………………
بواسطه سماهر
شحالكم بنات
بقول لكم شئ انا جربت زيت دابر املا وصار لي حوالي شهرونص استعمله
في الاسبوع مرتين احطه بالليل واغسله الصبح ولاحظت ان شعري صار شوي
كثيف وطوله شوي زاد
صح ان ريحتهبس عاد في سبيل الحصول على شعر طويل وناعم
اتحمل الريحه
………………………………………….. ……..
بواسطه نجمه الليل
للامانة..الكثافة بعدني ما حسيت شي تغير
بس الطول طول لي شعري ماشاءالله
والحمدلله حتى التساقط خف عن اول
بس راح استمر عليه ان شاءالله لانه ينعم الشعر
………………………………………….. ………..
بواسطه … عمانيه من بلد الاصاله
اليوم جايبه لكم تجربتي مع زيت دابر
بصراحه يا بنااااات روووووعه
شعري كان يتساقط بالمره….. لكن مع استخدامي للزيت خف التساااقط و لله الحمد( قولوا ماشاء الله)
صح ريحته قرررف ………والعاالم متأذين منك ………بس مومهم …….. المهم ان الشعر يرجع زي ماكان
صح ولا لا؟؟
………………………………………….. ……..
بواسطه الكاسكو
ثانيا بقولج شغله ( اللي يبي الدح مايقول اح ) صح 0
بعدين انا جربته واي ممتااااااااااااااز جدا جدا انا كنت قاطعته من زمان جي يمكن عشر سنين ههههههههههه وايد صح 0
بس رجعتله لاني سمعت بنت تمدحه وبغيت شعري يطول بس والله احس شعري صار زين وطوله شوي انا استعملته لمن خلصت القرشه عرفتي حبيبتي واذا عالريحه والله عادي تعودت عليها لاني ابي شعري يطول ويصير زين اتحمل يا عمري 0
وصح كلامج انا اهلي والله يكرهوني من احطه هههههههههههه ومن اغسله ياهلا ومرحبا فيج هههههههههه 0
بس تحملي واستعمليه رووووووووووووووووووووعه احس نعم شعري والله 0
زيت دابر رووووووووووووعه واكثر من ممتاز انا جربته ونفعني حيييييييييل وربي الشاهد
طول شعري بسرعه ومنع تساقطه بشكل ملحوظ وسوده حييييييييل يعني خله سواده قوي والحمدالل رب العالمين 0
حبيبتي انا جربته زيت دابر املا والله رووووووووووووووووووعه وطول شعري في شهر تصدقون 0
………………………………………….
بواسطه كيفي كويتيه
حتى انا استخدمه بس للامانة ماني منتظمة
بس من اول استعمال تحسين ان شعرتج صارت انعم
واستغرب اللي يقولون ان ريحته تبقى بالشعر انا بالنسبة لي بالعكس لما اغسل شعري ماله ريحة كلش
…………………………………..
بواسطه model -ad
زيت دابر معروف انه احسن زين حق الشعر و خاصة الشعر الاسود لانه يزييد من لمعانه انا استخدمه بس حبيت انصحكم انه تحطون وياه ليمون و روب عشان رييييييحته ما اتم في شعركم لانه مع الاستعمال تلصق الريحه في شعركم و كل ما تتسبحون بتطلع ريحته
>>>>>>>>>>>>>>>>>>>>
بواسطه عروس جنان
بالفعـل بنـات هالزيت وايد رهيب… أختي تستخدمه شعرها كان لين الكتف
والله يا بنات شعرها صار لين آخر الظهـر … قلتلهـا ويش تستخدمين
خبرتني انها تستخدم دابر أملا…. ورحت اشتريت لي غرشة عسى يطول
شعري يا رب…
………………………………….
بواسطه روزس
بنات زيت دابر املا ماشي مثله والله لو استمريتي عليه روعه اول شي يتساقط الشعر وعقب يقويه ويغلظه وطبعا يطوله بس ريحته عاد بس ماعليه بتتعودين عليها عقب اقصد لما تحطينها مابتلوع جبدج مثل المرات الاولى بس اكيد لازم تغسلين شعرج بشامبو فيه ليمون وعقب شامبو ثاني عشان اتطير الريحه
………………………………………….. ..
بواسطه mooonlight
تجربتي مع هالزيـــت ..
أنا قصيت شعري من فتره بحركه تهوريه غبيه ومتسرعه وماصحيت إلا بعد ماطاحت الفاس بالراس
وفكرت ودورت على جميييييييع الطرق اللي ممكن أطوول فيها شعري لأن شعري مو من النوع اللي يطول بسرعه وسمعت عن زيت أملا وقررته أجربه واستمر علي وأستمريت عليه ( مع ريحته الخايسه اللي مع الوقت ماقمت أحس فيه ) لمده سته شهور أو أقل بشوي
..
مثــل ماشفتوا شعري طال ماشاء الله تبارك الله وأهم شي طايل بصحه لأني عدمته جاتني فتره كل شوي أصبغ وتلفففف أما الحين الحمدلله راضيه عنه وأبيه يطوول زود بعد بإذن الله وبعدها إستمراري على هالزيت الراااااائع
وعلى فكره هو فعلا يسوووووود ويغمق لون الشعر مثل ماسمعتوا وسمعت لكن لاحظت هذا على الشعر النابت جديد فقط لونه غامق أما اللي بالنهايه نووووووو
>>>>>>>>>>>>>>>>>>>>>>>>>>>>>>
وهاي شهادات بنات من مدونة ثانيه عن دابر املا
أنا أستخدمت زيت دابر ولاحظت تحسن كبير في شعري وخاصة من ناحية تطويل الشعر
وبصراحة مااستخدمته الابعد ماشفت بعيني فائدته
لي قريبة استخدمته قبل زواجها بعدة شهور وكانت تستخدمه بشكل يومي وكان شعرها عند كتوفها وعند زواجها وصل الى نهاية ظهرها
على فكرة ريحته مش كويسه
ولي عندها خبرة في هذا الزيت الرجاء ترد علي
………………………………………..
انا شفت شغالة عمتي شعره يوصل لين ركبها صراحه مهب معقول
عجزت اتحمل وسألت وش تستعمل قالت دابر كل يووووووووووم بالليل
وتغسله بالصبح
……………………………………
لام بنات ….:24: إللي أعرفه عن زيت أملا (ومن تجربه) إنه أفضل الزيوت للشعر , يغمج الشعر, خاصه إذا كان شعرك أصلاً غامق يخليه أسود, يطول الشعر في مده قياسيه مقارنه بالزيوت الآخرى. وللعلم, ريحته خاااااااااااااااااايسه وقويه وما تروح من الشعر بالساهل , ويفضل لما تغسلي شعرك , ضيفي شوية خل أو عصير الليمون للماء علشان يروح الريحه ..
……………………………
اهلين حبيباتي بصراحة شدني موضوع دابر املا أنا راح أقول لكم أني لما استعملته حسيت أن وقف تساقط شعري يعني نتيجة استعماله حلوة
………………………………………..
انا الصراحة استعمله
يوم اي ويوم لا <<< عناية مكثفه عشان العيد لوووول
ولاحظت تحسن وايد بشعري من ناحية الكثافه
بس ريحة وااااي تبط الجبد..الله يعين كل ما احطها البيت كله يشم ريحته يدرون اني حاطته ههه
بس انا ما احطه إلا ساعتين وشوي
لان مو زين يطول الزيت على الشعر (مو بس دابر كل الزيوت )
واغسله…وابخر شعري عشان ريحتة ويع
…………………………
فيه لقيت طاف علي شهر وكم يوم وانا استعمله
وماشاءالله شعري بعد ما ستعملته صار وايد حلو طول شوي لاني كنت قاصته لين كتفي والحين تحت الكتف وصار كثيف وناعم بعد ماشاءالله الصراحه دابر املا وايد حلوووو للشعر ونتايجه تبان بسرعه انا احطه يوم ويوم لا والبس الغطاء لبلاستيكي علشان ريحته ماتفوح وايد وتزعج اللي حوالي
…………………………..
انا من تجربه شخصيه اقول عنه :
روووووووووووووووعه ومممممممممممممتاز ويجننننننننننننننننن
بس له عيب واحد انو يخلي الشعر اسود فاحم بالمررررررررة
وبالنسبه للريحه ان الشامبو يروح ريحته عادي ما يحتاج بخور
………………………………………….. …………..
والله انا اخواتي الصغار يستعملون دابر املا من عمرهم سنتين وشعرهم مشاء الله مشاء الله طويل وغليظ غليظ وحبته عريضه واسووووووووود
وكل قرايبنا يتكلمون عن شعورهم من جماله
وناااااااعم
……………………………………….
انا اذكر دخلت شات الياهو ومسكت لي كم واحد هندي ونشبت بحلقه وش تسوون لشعوركم ..؟
قالي زيت دابر املاا .. ورحت مرة الا والقى ذييك الهندية لا اله الا الله شعررهاا يهبببل .. وامسككها وانشب بحلقهاا كعادتي .. واسألها وتقول زيت دابر املاا
…………………………………[/RIGHT]
[frame="2 80"]
ها شو رايكم ؟؟؟؟ اعتقد مع كل ها المدح على زيت بو عشر ما يخليج الا تستخدمينه وخاصه انه معروف ومجرب عند نص العالم ( الهند ) ولا تقولون ريحه وخرابيط تراه اللي يبا شعره يطول ماله الا الله ثم املا وبس لانه من تجاربي اللي ما تنتهي اهو الوحيد اللي نفعنيمن ناحيه الطول …
وهاي صورته [/frame]
[IMG][/IMG]
دار راسي يوم سرت ادوره في الجمعيه
كمن نوع اصفر و اخضر فاتح و اخضر غامق ::::
ممكن صورة اللي تقصدونه
هذه صورته مره ثانيه لعيونج
انا كمان كنت دائما استخدمه وكان شعري طويل وحلو لكن من تزوجت تركته -بسبب رائحته- وشعري الآن في حالة مأساوية!! لكن الامس سمعت وحدة تقوللي اخلطي الزيت مع علبة حمام زيت واتركيه على شعرك مثل حمام الزيت واشطفيه ما يترك ريحه!! انا بعدني ما جربت بس اجيب حمام الزيت اعمله .. وخبروني عن تجاربكم في ازالة الرائحة!!
فعلاً شــعــري طاااال و الله الحمد مع المداومه .. بس للأمانه ما شفت فرق بالنعومه > < مع اني استعملته فتره طويله ..
عموماً ^ــ^ أنا بنقطع عنه اللحين لأني بقص شعري .. و ما ابي يطول بسرعه (ما شاء الله) أبي اتهنى بالقصه شوي ..
يعطيك الــــعافيه حبيبتي ماروكو و يجعل كل حــرف كتبتيه في ميزان حسناتك .. و يدوم شعرك طووويل و ناااعم و حلو …..
ما تقصرين حبيبتي …..(f) (f) (f)
بس عندي استفسار بسيط عيوني وش الشامبوات الطبيعيه اللي تستخدمين ؟؟ و من وين تشتريهم ..؟؟ انا سمعت انه من عيوب الشامبوات الطبيعيه انها ما تشيل الزيت اللي من شعرك تماماً و هذي طبعاً مشكله للي شعرها دهني …^ ^
و دمتي بحفظ الرحمن يالغـــاليه …:salam:
ولما خلصت العلبه شريت لي دابر الذهبي عشان احطه في اي وقت حتى لو بروح الجامعه لأن ذاك كان يقيدني
بس الحين قريت ان في ناس يستعملونه كل يوم :qaq:
يبيلي بعد اجربه جذي 🙂
 |
اقتباس |  |
 |
المشاركة الأساسية كتبها Cute_Barbie |  |
 |
| اممممممممم .. انا عجبني حماسج في الموضوع ^___^ .. بس بأمانه يعني الزيت مفعوله مؤقت .. يوم بتودرينه بتشوفين هوايل بشعرج … وبعدين انا اشوف ان شعرج اتحسن لانج تاخذين مكملات مثل فيتامينات اللي اتعوض عن الحديد .. و غير الجزر بعد .. فاعتقد شعرج اتحسن اكثر منهم … الزيت معروف طبعا يطول و يغلظ بس مشكلته ان النتايج مؤقته .. انا كنت وحده من المجربين | ||
 |
 |
لا الغاليه انا جربته وخليته بحدود الشهرين للثلاث شهور والله ما حسيت انه خرب شعري ولا تساقط ولا شي وبعدين ليش الوحده تودر شي فادها يعني لو مره بالشهر ما بتضر صح والا انا غلطانه ؟؟؟
وبالنسبه للمكملات انااخها الحين يعني من ولدت من كم شهر اما قبل لا … والجزر بالاسبوع مره لانه يسمرني بالشمس ….