طبعا هذي اول مشاركة لي وان شاء الله تعجبكم 😮
الحين وقت العودة للمدارس ومشكلة الوجبة المدرسية ممكن تؤرق الكثير من الامهات خصوصا اذا كان الطفل ما يحب يتناول الأكل الصحي ويفضل الشيبس والحلويات. ممكن تضعطين على طفلك في البيت ما تخلينه يتناول الاكل الغير صحي لكن في المدرسة شلون تتأكدين انه راح يقاوم اغراء الوجبات الغير صحية التي يتناولها باقي الاطفال.
الحين اقدم لكم بعض البدائل الصحية
اولا : بسكويت الارز او البعض يسميه الرز الصيني rice crackers
هذا صحي اكثر من الشيبس لانه مكون من الارز و لا يحتوي على الكثير من الدهون لانه مخبوز وغير مقلي. ممكن تحطينه للطفل في كيس السندويش او علبة
وكذلك المكسرات اليابانية
هذي ايضا مصنوعة من الارز ولا تخافون من الالوان لانها ملونات طبيعية
ثانيا: الفول السوداني
مو كثير من الاطفال اكل الفول السوداني العادي مثل ما ناكله احنا الكبار. فاختاري له الانواع الي تكون مغطاه بالبهارات او السمسم
واذا كان الطفل يحب الشوكولاته لا تعطينه اياها ساده ! تره الشوكولاته مفيدة لكن ارفعي القيمة الغذائية بالفول السوداني
وبعد ممكن تسوين له سندويتشات زبدة الفول السوداني
كتغيير عن الجبن وهو مفيد وصحي
(y) لازم تنتبهين لان بعض الاطفال عندهم حساسية من الفول السوداني فإذا شفتي اي تغير في الطفل راجعي الطبيب
ثالثا :البسكويت
الاحظ ان العديد من الاطفال لا يحبون البسكويت المعتاد مثل بسكويت قهوة الصباح وغيره
اذا كان يحبه خير وبركه
اذا كان مايحبه جربي تعطينه انواع غير البسكويت الحلو و المالح الي متعودين عليه. جربي مثلا بسكويت بنكهه الباربيكيو او الكاري. يكون طعمه مشابه للشيبس ولكن مفيد
الفواكه المجففة :
الفوكه المجففة صحية ولذيذة مثل التوت، المشمش ، الزبيب ، التين الخ ..
الذرة: الذرة الطازجة او المجففة او النفيش الي هو الفشار
كذلك الحمص والبقول الطازجة او المجففة والمنكهه
الفواكه الموسمية : مثل الكرز والتوت والفراولة .. تكون صغيرة لذيذة
واخر شي الكورن فليكس :
بحليب او بدون حليب و بأي نكهه يحبها طفلك
واذا كان يحب الشوكولاته بشكل غير طبيعي ههههه اعطيه كورن فليكس بالشوكولاته احسن وافيد
طبعا كل هذي الاشياء راح تكون اضافة الى السندويش والعصير الطبيعي
😮 اتمنى عجبكم !
واي استفسار انا حاضرة 
_smil1:
بارك الله فيج يالغالية
انا فعلا عودت بنتى على البسكوت الصيني بدل الشيبس
في الاول ماتقبلت
بس دلوقتي متروحش المدرسه الا هوه في شنطتها