نبدا بالمقادير
2 صدور دجاج
مقادير التتبيله:
ملح
فلفل اسود
نص حبه ماجي
قطعه صغيره زبده
ليمونه
فص ثوم
صوص صويا ملعقه صغيره او اقل مو مشكله
روز ماري اذا متوفر عندك
كمون اذا متوفر عندك
رشه اورغيانو بعد اذا متوفره
نص ملعقه صغيره خل
مقادير صلصه المشروم :
مشروم نص علبه او حسب ماتحبين
ملعقه جبن صغيره
صوص نقاط قليله
[COLOR="purple"]الطبقه الاخيره :[/COLOR
]جبن تشدر فقط
————————————-
الطريقه :
– تاخذي صدور الدجاج تقطعينها بالعرض وتفتحينها وبتكون بشكل الفراشه ..
– حطيها على لوح التقطيع ،، غطيها بكيس نظيف ثم بمقلاه صغيره اضربيها عشان تتسطح ضربيتين او ثلاث ،، طبعا في ناس يستخدمون مطرقه اللحم بس انا شفت هالطريقه تسويها ريتشل راي وعجبتني حسيت انها تخلي قطعه الستيك متساويه بشكل افضل ..
– حطي قطعتين الستيك في صحن ورشي عليه قليل ملح وفلفل ،، لاتكثين لانك راح تتبلينه بالماجي بعدين ..
ابشري عليه الثوم / صبي شويتين خل ، الروز ماري ، الارغيانو والكمون والليمونه والصوص الصويا ،، وبالاخير مرررررررررره امسكي قطعه الزبده الذايبه بحراره الغرفه وليست مذوبه ع النار وامسحي فيها قطعتين الستيك من الجهتين … مو مشكله لو تكتلت ..
– خذي المقلاه او مقلاه الشوي اذا متوفره عندك .. وحطي فيها قليل مره زيت زيتون وبعدها حطي شرايح الستيك عليها .. بسرعه راح تنضج فخليها على كل جنب كم دقيقه بس
– لما قريب تخلص خذي الماجي وذوبيه في شويه ماء ثم اضيفيه على الستيك وخليه قطع الستيك تتشرب نكهه الماجي ..
– بعدها خذي الفطر وحطيه على جنب في المقلاه جنب قطع الستيك وخليه يتشرب طعم الصلصه وبمجرد تشيلين الستيك تحطينه بالصحن اضيفي الجبنه والصوص على الفطر وحركيهم شوي ثم اضيفي على كل قطعه ستيك كميه من المشروم وابشري عليها كميه من جبن تشدر واضيفيها على المشروم وهو حار عشان تسيج الجبنه فوقه …
:1_3:
هنا نكون خلصنا الوصصفه الرئيسيه وهي طريقه الستيك اللذييييييييييييييذ ,,
بتبقى
الاضافات
اذا ودك فيها ..
والاضافات تكونين مخيره فيها ,, يعني مثلا ودك بــ:
– خضار مشويه بالفرن بالزبده وزيت الزيتون والروز ماري ..
– خضار مشوحه بالزبده ..
– رز بالذره والماجي ..
– بطاطا مشويه بالفرن ..
– فاصوليا مطبوخه ..
– سلطه البقوليات اللذيذه ..
– تبوله وحمص ..
– شوربه الدجاج بالفطر..
واللي تبينه من الاضافات اسئليني عنه وانا مستعده لشرحه وكلهم ترا سهلين وماياخذون وقت ..
وبعض هالاصناف انا اعتبرها مقبلات ما افصل المقبلات بصحن خاص ..
————————————–
اما بالنسبه للحلى :
فتقدرين تعملين حلى جداً سهل ومايبي وقت ولا تحضير ..
وهو حلى الباوند كيك بالايس كريم ..
وطريقته :
خذي كاسه صغيره ..
قطعي كميه بسيطه باوند كيك وحطيه بالكاسه
رشيها بقليل بهيرشي شوكلي صوص
حطي عليها كوره ايس كريم
ورشي عليها هيرشي صوص مره ثانيه ..
——————————
تقدرين تستبدلينه بالفراوله :
تحطين باوند كيك
تضيفين فراوله صوص
تحطين كوره ايس كريم
تاخذين فراوله مجمده تخلطين منها كميه بسيطه بالخلاط وصبيها على الايس كريم
………………………
كنت اتمنى احط لكم الصور لكن دوم انسى اصورهم
:gum:
تحياتي للجميع واتمنى الطيق يكون اعجبكم
لكن صدقيني لو اصوره بتحسين ان الطبخه جدا بسيطه ولذيذه
يعني الموضوع كله قطعه صدر بتبلينها وتشوينها على المقلاه ومن الصوص حقها بتسوين صلصه المشروم وفوقهم طبقه جبن 
شفتي كيف اختك خطيره في تسهيل الامور
:2_106:
:happy1:
الله يسلمك حياتي
مشكوره على الاطباق المميزه
تسللللللللللللللللمين