🙁 والله وجهي ضعيف وملامح وجهي ناعمه بس من الضعف مايبين شي
مادري متى بيملي وجهي وبتطلع لي خدود 🙁
كلن يقولي ليش جذي وجهج ضعيف وايد
ماعرف شسوي بنات تعبت
انتو متخيلين كيف الوجه اذا كان مصفووووووق عالاخر ؟ انا جذي وجهي
ابيه يكون مليان شوي دلوووووني على طريقه
وياليت اكله
وصدقوني بخلي جدتي تدعي لكم هههههههههههه:shy:
بعدطيج وصفه وامشي عليها كـــل يوم وبدون كسل :gum:
اول شي ..
قبل النوم اكلي موزه مع اشويه زبيب وشربي فوقهم كاسه حليب دافيه .
الصبح اكلي 7 تمرات عل ريج .
العصر شربي ماي دافي فيه عسل طبيعي ( يفضل فيه غذاء الملكات) وكم قطره عصير ليمون .
اختج
روح البحرين
الف شكر لج
بس انا كلش ماحب الزبيب استغفر الله 
مستحيل اكله
والحليب لازم يكون دافي؟
وانشالله يديده بتدعي لج ههههههههههههه
العسل
تاخذين ملعقه عسل على الريق ويستحسن عسل طبيعي حتى زين للصحة .
حليب كي دي دي كامل الدسم
تاخذينه بعد الريووق الصبح او قبل الريوق على هواج وانا الحين بشربه مرتين او ثلاث مرات باليوم واحيانا اشربه بالباص لما اكون رايحة للمدرسه ..
الحلبه مطحونه ..
تاخذين الحلبه وتحطينها مع الماي وتحطين معاها 7 او 6 حبات تمر وتخلينه على النار لين يغلي وخليه لين يصير دافئ واشربيه طعمه راح يصير حلو وانا هذي الطريقه اخذتها من عجوز تعطيه لاحفادها وربي لو تشوفينهم ما شاء الله جسمهم مليان ملي لا اله الا الله ولو تكثرين حلبه او تشربين قلاصين ثلاث باليوم يكون افضل ..
والحلبه ترى مفيده للجسم وايد ولامراض القلب وغيره وغيره ويغذي وايد حتى مفيد للشعر ونموه ..
وحتى برمضان لا تقطعينه حاولي بعد الفطول او بالسحور ولو شوي وكثري من العصائر الطبيعيه
وكل عام وانتي بالف خير مقدما ..
هذا الجدول بسويه وانا الحين مبتدئة فيه توني صاير لي يومين وان شاء الله يفيدج
واذا جربتيه وفادج خبرينا مو خلاص علشان كلنا نستفيد يارب عاد يطلع جسمنا حلو ورشيق
وعلى فكرة انا الحين احيانا اخذ ملعقه حلبه واحطها بنص كوب ماي واشربه بسرعه في البدايه احس اني برجع بس شسوي ابي مفعول بسرعه واكثر ماي لانه يرطب الجسم ويخليه ناعم من الاثنين بنستفيد عاد جربي واذا ما يازت لج مو الا وظلي على الجدول بدون ملعقه الحلبه مع الماي :gum:
وفي شغله ثانيه شفتها بموقع عالم حواء الي اهو نفس جدولي بس معاه
مكسرات السنابل الجبلية البنات يقولون زاد وزننا بشهر 8 كيلو بس والله ما جربته وبظل على جدولي وان شاء الله اكون فدتج
مع تمنياتي للجميع بالرشاقه الدائمة :shy:
على أني ما كنت دبه 🙂 بس فسق … أبي أصير هيفااااااا :dd: :dd: وبالذات وجهي راح
فيها وكل من يشوفني من عمااااااامي يخاااااااااااااااااف من جد 😮 😮 😮 … يقولون
شبلاج كذا ضعفانه ومرضانه وجمالك كله رااايح …. عاد فشله الرجاجيل قالوها قبل الحريم :
sad: 🙁 🙁 ويحسبووووون أني مريضة …….جد عقدوني حيل 😥 😥 😥 😥 …..
والله هداني على هل المنتدى وبديت استخدم الخلطات اللي ينصحوني بها الخوات
وووووووووووووووووووالله يشهد عافيتي ردت 🙂 🙂 وجهي بدا يسمن خلال 4-5 أيام
من أستخدامي للخلطة …. بس بااااااااانت حيل على أختي اللي أصغر مني كذا وجهها أنتفخ صار
شحلاته …………. أدري طولت عليج :shy: :shy: شوووفي يا قلبي .. عسل مع خميرة فوريه
خذيتها من المنتدى والحين بأجرب اللي تفضلت به خواتي روح البحرين فديتها مع دلوعه قطريه
ونور الدوحة …… وهذا اللنك حق موضوعي ونصايح خواتي لي……..شوفيه
بس ماكنت اريد اكل اي شي يمتن الويه عشان ما ارجع ويزيد وزني
وجرت خلطه صارلي اجربها اسبوع الحين بس لها نتايج حلوه
بشرتني صارت انعم وبعد طلعت لي خدود
الوصفه عباره عن قوطي روب + ملعقه طعام خميره + ملعقه طعام شوفان
وتخليه على ويهج لي ينشف تمام ولازم تستمرين عالوصفه اقل شي لمدة اسبوعين
بنت عذارى
أو
ملعقتين طحينية تخلطينهم بكاس حليب
يوميا …..