ــ مكنسه مولينكس الصغيره بدون سلك [شحن]ممتازه للحتاحيت ,ولاطراف الكنب , ومريحه جدا لشفط الشبابيك,طبعاً لاتخلي الشبابيك شهور والتراب متراكم ولاصق بعدين تقولين ماتشفط زين.
ــ اوفرملاعق وكاسات فلين و الصحون البلاستيك بكل احجامها عشان ياكلوا الاولاد فيها بعد مايبرد الاكل وعشان الخلط وقت الطبخ,والتقطيع السلطه والخضار واللحمه وارمي على طول.
ــوفي بخاخ مكتوب عليه ديتول معقم ومنظف المطابخ ممتاز للمسح اليومي لدواليب المطبخ ,ومسح الفرن بعد الطبخ ينظف وريحته تحسسك بالنظافه مااستغني عنه ابدا[يستخدم زي طريقة ملمع القزاز]راحه بلا صابون بلا هم.
ــ مناديل رول للمطابخ الحجم الاقتصادي لمسح كل شي فرن و………وارمي.
شكلي باسميها قائمة ارمي
ـ عاد هذي من بنات افكاري اشتري منشفه كبيره ومن الرخيصه واذا بأمسح الاثاث او شي انكب على الارض اقص قطعة صغيره وامسح وارمي<<<<<<الحاجه ام الاختراع
ــ الدجاج اشتريه والجزار يقطعه ارباع وانصاف, ودجاج الخالي العظم اشتريه بالكيلوا وخليهم يقطعونه شي لشورما وشي مفروم وانت عليك تقسمي بأكياس بالله ايش رايكم بالراحه.
ــ الاطفال اهم شي لايمشون وياكلون ولازم يتعلمون التعاون و الترتيب لا تقولوا صغار يرتبوا العابهم ويرجعوا ملابسهم وزي كذا.
ــ هذا غير فوايد غسالة الصحون البنات يمدحونها بس انا ماستخدمتها.
تصدقون اني الاقي في السوبر خضار مقطعه للايدامات وشي محفور للمحاشي بس مااخذها.
ــوعشان دق الثوم اوالزنجبيل الطازج/حطيهم بكيس لحمه ودقيهم بمطرقة اللحم ولاتوصيخ مواعين ولاشي<<<<<<<ترى هذا الاختراع الثاني لي
وبالنسبه للكنس والمسح اليومي وغسل الحمامات ماتاخذ
من الوقت الا ساعة وحده.
والغداء هو اللي حوسته كثيره بالنسبه لي في اتفاق مسبق مع زوجي
باعفائي من الطبخ الخميس والجمعه وباقي الايام هونيها وتهون.
و سويلك جدول مريح وبسيط,ودائما خلي في بالك ان الترتيب والتنظيف
اول باول يوفر الوقت والجهد انتبهي من تراكم الاشغال مثلا اللي تجمع
مواعين الغداء والعشاء وتغسلهم مره وحده على بالها اسهل واريح صدقيني
هنا المشكله كل مادخلتي المطبخ وشفتي المنظر طفشتي وشلتي هم ومن الظهر
الى الليل وانتي حاسه وراك شغل ماخلصتيه<<لاانتي الي غسلتيهم ولا انتي اللي ارتحتي>>
وفي النهايه بدل ماتوقفين على المواعين عشر دقايق الظهر ومثلها بعد العشاء صرتي واقفه
نص ساعة وبنفس شينه بعد.
طبعا انا ماانكر تفريجة الشغاله بس احسها تنفع لظروف معينه مثلا البيت الكبير,او اللي يجيهم
ضيوف باستمرار حتى لو كان البيت صغير,او اللي تشتغل او اللي عندها ظروف خاصه
فيها ولا تقدر تستغني عنها هذي ماتحس بسلبيات وجودها لانها فعلا جات في وقتها,
بس اللي زي ظروفي تكون سلبيات الشغاله اكثر من نفعها.
وتراني جربت الشغاله قبل 3 سنين جبتها على اخر سنه في الجامعه بصراحه حسيت بنفعها
بس بعد ماخلصت دراسه مر الشهر الاول وبعدين الثاني وبعدها حسيت بالملل 24 ساعه
فاضيه بس اطبخ وارتب غرفتي واذاكر لولدي بس بصراحه هذي الاشياء ماحسها تاخذ
من الوقت بالعكس عندي وقت كبير وطفشانه من كل شي, عكس ذلحين احس بشوق للنت,
ومرتبه وقتي اكثر.
وانشاء الله بنزلكم جدولي للتنظيف الاسبوعي والشهري اللي استقريت عليه وهو الوحيد اللي
واظبت علية لاني احسة سهل…..واتمنى اللي عندها اضافات تفيدنا
منقول للامانه العامة
الله يحفظج يااااااا رب
الله يحفظج يااااااا رب