انا نزلت الموضوع ده من فترة بس يومها الموقع وقع والموضوع اتشال
حظوظ بقى ههههههههههه
فهنزله تاااااااااني اهو
دي طريقة ورق العنب بتاعي …جربوه وقولولي رأيكم
وأدي شكله ف الاول اهو عشان يفتح نفسكم تكملوا الموضوع
المقادير بقى:
الخلطة:
نص كيلو ورق عنب…معرفش كان كدا ولا ازيد الحقيقة
3 كوبايات رز
ربطة بقدونس وربطة شبت
بصلتين
كيلو الا ربع طماطم
ملح وفلفل وكمون وبهارات
بطاطس
اول حاجه بقشر البطاطس وارصها في الحلة من تحت عشان المحشي مايلزقش فيها وبكون حاطه زيت ف الحلة
بفرم البصل…واحط زيت في حلة تانية واشوح فيها البصل شوية
وبعدين اضيف عليه الطماطم والتوابل واسيبها تتسبك
لما تستوي…نضيف الرز المغسول والخضار ونقلبهم وندوق الملح لو محتاج نزوده نزوده
وبكدا الخلطة تبقى جاهزة
نبدا بقى نحشي…وانا بحب ارصه بالطريقة دي
سطر ورا بعضه كدا ف النص ونصين دايرة حواليه
والدور الي بعده السطر يبقى بالتبادل …الحلة كدا مش بتتفرط لما بقلبها
لحد مانخلص خالص
ونحط طبق صيني فوق الحلة مقلوب عشان يمنع المحشي انه يتفك
نحضر بقى الشوربة الي هنسوي بيها المحشي
تمر هندي…مبلول ومصفى كويس…بكون بالاه من الصبح ومحضراه
سكر لتحلية التمر الهندي…بضيفه وادوق لحد مايعجبني بس انا بحبه مزز شوية
عصير لمونتين كاملين
ملح .. توم باودر
مكعب مرقة دجاج ماجي
بخلطهم واحطهم على النار يغلوا وادوبهم ف بعض كويس
وازود المحشي بيهم
بحيث يبقى ارتفاع السوايل حوالي 1 سم فوق المحشي
واهز الحلة كويس عشان ينزل لتحت العصير
وبعدين احطها على النار…واعلي النار لحد مايغلي ويتشرب المية شوية وبعدين اهدي عليه واسيبه يستوي
وادي شكله اهو
شوفوا من الجنب ماشاء الله مفيش ولا واحد مفكوك
وادي طبقي
وعملت جنبه فراخ بالبصل بموووووت فيها :
وووووبس كدا
اتفضلوا معانا
ولو عجبكم الموضوع ماتنسوش التقييم
وتدعولي ان ربنا يحقق لي امنيتي
تسلم ايدك[sice]
حلوه قوي يا قمر
ربنا يحققلك كل اللي في بالك يارب
أغرب خمس شواطيء في العالم
لم اكتب شئ …….
بطاطس محشيه صنع ايديا وبالصور ………..
اسهل والذ مكرونه بالصلصه البيضا مكرونتي وبالصور …….
مكرونه لذيذه وسهله تنفع للعشا السريع……بالصور
حلويات العيد الحادقه بطريقتي……..
ملف شامل لاحلي واسهل وصفات اللحوم في العيد
قصه جميله وتجعلك لاتملك دموعك
مجموعه مطابخ مودرن جدااااااااا
مفارش لغرف واسره الاطفال
جوعتيني ع الصبح
اللهم إن كان رزقنا في السماء فأنزله وإن كان في الأرض فأخرجه ..
اللهم إن كان رزقنا بعيداً فقربه وإن كان قريباً فيسّره ..
اللهم إن كان رزقنا قليلاًَ فكثّره وإن كان كثيراً فبارك لنا فيه يارب العالمين
*Y*تفاصيل عقد قرآني بالصور *M*
عايزة تفرشي غرفة معيشة مودرن بطريقة حلوة ؟
كل الأكسسوارات اللى ممكن تتخيلها هنا مع تعليقي
* كل ما يتعلق بالحمامات ( أعزكم الله ) بس مع كلاسيك *
*لكل غرفة صغيرة وركن ضيق عندي ليكي الحل *
~.~ تجهيزات غرف الأطفال من الألف إلى الياء ~.~
انا ضِلعٌ مِنكَ .. وأنتَ كُلُّك منّي
سبحان الله وبحمده سبحان الله العظيم
تسلم ايدك قوليلى عملتى الفراخ بالبصل ازاى
اللهم لا تجعل انسنا الا بك ولا حاجتنا الا اليك و لا رغبتنا الا فى رضاك و الجنة
***************************************************
تسلم ايدك يا كيتى
اول مرة اعرف التمر هندى دى و بالسكر كمان
ان شاء الله حجربها
********************************************************
شوفوا مواضيعى
كسوة الكعبة المشرفة … اللهم ارزقنا حج بيتك الحرام …. ( بالصور)
النساء شبكة .. و الرجال صنادييق !!
الاعجاز العلمى فى اثبات طهارة القطة كما قال الرسول صلى الله عليه و سلم
ساعدونى .. عاوزة اعمل رسمة معينة عندى كاستيكر للحائط .. ازاى ؟
انا مخطوبة والمحشي هو الحاجة الوحيدة اللي مبعرفش اعملها وخطيبي بيحبه اوي 
شجعتيني اجرب وربنا يستر
بس سؤال لو سمحتي , انا اول مرة اسمع عن التمر هندي ده عشان ايه؟
ماما بتسقي المحشي شوربة فراخ او لحمة
بس التمر الهندي بيديه طعم مزز وحلو ف نفس الوقت
يعني تصنيفه كمذاق بيكون حامض حلو…
الفراخ بالبصل بقى سهله جدااااااااااا
بجيب الفراخ اقسمها اربع وبحبها تكون صغيرة عشان تستوي
وافرم البصل ومعاه التوابل كلها الي بحبها وطماطمايه وافرمهم ناعم ومعلقتين زبادي
واتبل الفراخ بيهم من كل النواحي وتحت الجلد
وبعدين اسيبها تتبل على اد ماقدر وبعدين احطها بالبصل بكله ف الصينية…انا بكتر البصل لاني بحبه مووووووت لما بيستوي بيكرمل كدا
واحطها ف الفرن او حتى على البوتاجاز بس لو على البوتاجاز غطيها بفويل او غطا..انا الصينية دي ليها غطا بغطيها بيه
وسيبيها تستوي ولما تستوي والبصل يحمر قلبي فيه الفراخ لونها هيحمر بردو وبالهنا والشفا
انت طلعتى دكتوره فى المطبخ كمان
تسلم ايدك يارفيقة الكفاح