اخواتي واخواني حبيت اطرح عليكم موضوعي الخاص الي محتاره فيه فعلا
مب عارفه شو اسوي داير راسي والله
الصراحه يايني واحد ويبيني زوجه له وانا محتاره الصراحه ما ادري اوافق ولا
طبعا الحمد لله على هالشي لاني دوم كنت ادعي بصلاتي
((اللهم ارزقني زوجا تحبه ويجبك يا ارحم الراحمين))
والحين وصل الزوج وما ادري الصراحه هل اوافق عليه ام لا
هو الي سمعت عنه انسان زين وشغله بعد ولله الحمد ممتاز
ووالدته طيبه شرات امي مافي احسن عنها يعني
بس خايفه طبعا وما ادري هل هذا هو الزوج الي دوم ادعي ربي انه يرزقني ولا
شفت صورته وشكله معقول بس مب احلى عني تبون الصراحه:o
>>>>>>>>>>>>> شايفه عمرها ملكة جمال
المهم عزيزاتي نبهوني وارشدوني شو اسوي بعمري
مع اني بعمر مناسب للزواج بوجهة نظري
هو قايل اذا تبي بيت روحها عادي واذا تبي مع اهلي بعد عادي
بس المشكله اوافق ولا
ان شاءالله ناويه الليله اصلي الاستخاره وطبعا اشكر ربي في البدايه لانه استجاب دعوتي
بس خايفه الصراحه ما ادري عن اطباعه هل هو زين مواضب على صلواته
عابد ربه بالشكل الصحيح
صحيح اني كنت اتمنى انسان ملتزم يعيني على ديني ويشجعني على العباده وحفظ القران بس ان شاءالله ربي يهدي هالشخص لهاطريج ويسخره لي زوج صالح اذا صار من نصيبي
بس شوروا علي يا خواتي في الله
اختكم في الله
حوااااء
( طبعا بعد الاستخارة و السؤال عنه )
و بالتوفيق انشاء الله
تحياتي
أم نوف
وجزاج الله الف خير
ان شاءالله اليوم بصلي صلاة الاستخاره
وربي يقدم الي فيه الخير لنا ولكم ان شاءالله
اختج في الله
حوااااء
لهاي الدرجه الموضوع مب مهم يعني
:confused:
اولا اهلك ماراح يوافقون الا لما يسالون عنه واذا كان مب زين لكانوا بيرفضونه …
بعدين انتي بتصلين صلاة الاستخاره واكيد ربي بيوفقك للي يحبه ويرضاه لك …
بالنسبه لطباعه بتعرفيها في ايام الخطبه والملجه
وانا اتمنى يكون هو الزوج الي دعيتي الله ان يرزقج اياه …
بالتوفيق يالغاليه
تحياتي
صحيح الاهل ما بيقصرون وبيسالون عنه
بس انا ما خبرتكم انه من المعارف يصير اخو ريل وحده من الاهل
بس علاقتي معاهم بالمره معدومه
لاني ما اشوف اهله الا بالمناسبات ويكون بين السلام وبس
جزاج الله خير اختي على امنيتج
وربي يقدم الي فيه الخير لي ولكم ان شاءالله
وبما اني صليت الاستخاره فان شاءالله ما راح يصير الا الي فيه خير لي ان شاءالله
وما خاب من استشار
اختج في الله
حوااااء
(f)
اسعدك الله في الدنيا والآخرة
عليك اولاً بصلاة الاستخارة فهى التى تعينك على ما تريدين … كذلك السؤال عنه امرٌ لا بد منه إن كان صاحب دين وخلق فتوكلى على الله وتعاونى معه .. وضعى اهدافاً لتحققيها معه كمشروع خيرى او طاعة من الطاعات .. فهو ليس بأقل من غيره من الرجال
إن ارتحت في صلاتك فتوكلى على الله واعلمى حبيبتى انك ما دمت لجأت الى مولاك فسينصرك ويعينك وما خاب من استخار وما ندم من استشار
اهلاً بك اختي العزيزة …. حواء
رأيي لايختلف عن رأي الأخوات ولاخاب من استخار … بس بضيف معلومة
سمعت امرأة تسأل في قناة اقرأ عن صلاة الاستخارة كانت الاجابه جميله جداً … كيف ؟
ان صلاة الاستخارة تكون بعد اقتناعك بالشخص والتأكد من اخلاقة والموافقة عليه والاستخارة هي تفويض هذا الامر لله إن كان بهذا الشخص خير سيوفقك الله وتتسهل الامور وتتم بسرعة لأن الله اختاره لك .. سواء كان كما تريدين اولاء .,.,.,.,
واذا كان الله اختار ايضاً ان يبعد هذا الشخص عنك راح يتعطل الموضوع وما يتم .,.,.,.,
وانا قصدي من الكلام السابق انك تتوكلي على الله بعد ما تتأكدي من قناعتك واللي فيه الخير يقدمة رب العالمين ..,,..,,..
اذا هو قال من نفسه عن البيت انت اكدي على انك تكوني بروحك افضل لك …,,,…,,,
اسأل الله رب العرش العظيم ان يوفقك ويكتب لك الصالح ويتمم لك على خير ..,,..,,..
بارك الله لك وبارك عليك وجمع بينكما في خير مقدما ..
وطالما اني لجأتي للاستخارة فتأكدي ان الله لن يخيب ظنك.. ومثل ماقالت الأخت نبع الوفا ان بعد الاستخارة كل شئ راح يصير لمصلحتك سواء تم الزواج او لا قدر الله تعطل لأنه بيكون خيرة لك في كل الأحوال .. والله يوفقك يارب ..
ذكرتيني بايام خطوبتي وحيرتي لدرجة الجنون بين اني اوافق او ارفض وبعد الاستخارة سلمت أمري لله.. والخيرة بانت من يوم جاء يشوفني والا الأمطار كانت غزيرة مع انها ما كانت تمطر لا قبلها و لا بعدها مريت بعدها بظروف حسيت اني تسرعت بس كانت اختبار وابتلاء وعدت الظروف على خير .. واليوم دائم اقول لو اني حاطة شروط للزوج المثالي بنظري ماكنت راح القى شخص بمواصفات زوجي .. كنت دائما ادعي (ربنا هب لنا من أزواجنا وذرياتنا قرة أعين واجعلنا للمتقين اماما) هالدعوة علمتنا هيه معلمة في الثانوي الله يجزاها خير .. وكانت تقول ان ربنا راح يرزقك بالزوج اللي تتمنيه.. وفعلا انا وزوجي كأننا وجهان لعملة وحدة في أغلب الأشياء.. والأحلى لما أفكرفي موضوع وأجي ابي افاتحه فيه.. فيسبقني هو وبنفس الأفكار.. الحمدلله على هالنعمة..
على فكرة افضل لما تكون انتي احلى من زوجك حتى لا يشوف حاله عليك 
مرة ثانية الله يختار لك الطيب ويوفقك يارب ..
تحياتي
نبضة قلب
والحمد لله صليت الاستخاره واتوكلت على رب العالمين
واذا كان خير لي فربي يسخره لي ويبارك لي فيه
وان كان شر يصرفه عني ان شاءالله ويعوضني الي اخير منه في الدين والعلم
وجزاج الله الف خير على النصيحه
وان شاءالله اذا الله راد ناويه اخلي مشروع الزواج في خدمة الدين ان شاءالله
ربي يقدرني
وفقنا الله واياكم الى ما فيه الخير لنا ولكم ان شاءالله
اختج في الله
حوااااء
(f)