السلام عليكم ورحمة الله وبركاته..
أخواتي الأعضاء الأعزاء
حبيت أطرح موضووع يمكن بنظري انا مهم عن شغل أو وظيفة المرأه .. وشغل المرأه له سلبيات وإيجابيات
كم وكم سمعنا من المشاكل والجدل بخصوص هذا الموضوع
وبالخصوص المرأه المتزوجه كيف تجمع بين شغلها وزوجها
وأطفالها ووقتها وهل تستطيع التوفيق بين هذا كله فكم سمعنا
عن المشاكل والمصائب والكوارث التي تحصل في البيوت أثناء
غياب المرأه عن بيتها في وقت العمل خدم يسمون الأطفال وأخريات
والمرأه في عملها فمن يترك فلذة كبده بأيدي الخدم أو المربيات المهم
لأني اجي تعبنا مثله ابي انام يترى بيتحملني هو ولدي وبنتي وشو مصيرهم لما اهملهم يترى الحاجه هي الجبرتني ولا هروب من المسؤليه ولا تقضيت وقت ممكن يكون عشنا انا عيشه بيت اهلو او وناسه فقط
مسكين طفالي دوم بيد الخادمه وانا اروح انام عشن بكره وري داوم او اعطيه ام زوجي الحبيبه الي ماقصرت معي
مع هذا لزم ارعي انو يجب اني انا الأريحه مو هي تريحني
أنا أريد رأي كل واحده منكم باللي تشوفه وتظن أنه صحيح …
أسئلة للرجالكم:
1-هل ترضى أن تكون زوجتك موظفه ؟ ولماذا ؟ إن كان نعم وإن كان لاء ؟
2-وماهي ردة فعلك عندما يأتيك خبر بأن طفلك قد تشوه أو جرى له شيء ماء ؟
3-ومامدى تقبلك لهذا الموضوع ؟ومارايك العام ؟
أسئلة للنساء:
1-هل تقبلين لو منعك زوجك من العمل ؟
2-وكيف ستوفقين بين بين زوجك وبيتك وأطفالك وعملك ؟
3-ولو كنتي تعملين وأتاك خبر سيء أو مكروه أصاب طفلك في فترة إنشغالك بالعمل ؟
4-ماهو موقفك ؟ وماهي ردة فعلك؟
أسأله كثيره حول هذا الموضوع وخصوصاً النساء التي يحملن شهادات عليا
وجدل مستمر حول هذا الموضوع بين الطرفين ….
فأرجو من الجميع المشاركه وإبداء الرأي
أتمنى التفاعل
ولكم جزيل الشكر
آنا أبي أختصر لج الطريج وأعطيج حل يرضي جميع الأطراف ……….
حبيبتي آنا أول واحدة أقولج ما ترضيني وظيفة الزوجة بس تقدرين توفرين لي جميع متطلباتي
من ملبس ومكياج وصالون وسيارة وطلعات ومطاعم وووووووكل ما أحتاج ؟؟؟؟
طبعاً لا !!!
صدقيني لو يكون راتب ريلي 10000 دينار راح أحتاج الوظيفة !!
وإذا على العيال في حضانات تستلم الطفل من عمر 40 يوم ، وإذا على التوفيق بين البيت والعيال الزوج ، هذا كله يرجع للزوجة الصالحة ،
آنا أرجع البيت الساعة 3 ونص العصر وأتغدى واروح أوصل بنتي حق مدرسة خصوصية في بيتها وأرجع أدرس العيال طول الأسبوع هذا برنامجي أما في الخميس والجمعة والسبت للعيال وأبوهم منها طلعات وروحات وجيات ، حتى إذا ما كنت في وظيفة راح يكون هذا برنامجي نفسه ماراح يتغير ، آنا بروحي ماراح أغير الكون !!!!!!
وإذا سمعت عن واحد من عيالي صار فيه شي ، قدر الله وماشاء فعل ، حتى انتي موجودة في البيت جم مرة يطيح الياهل وجم مرة يتعور ، عمر الوظيفة ماكانت عائق عن الطيحات ولا أمراض اليهال ، آنا استغرب من اللي دايماً تقول وظيفة المرأة تخليها لاهية عن البيت والزوج والعيال ، ياجماعة إذا ما شتغلتي يعني تصحين من الفجر وتشغلين وتنظفين وترتبين وتطبخين مثلاً ؟؟؟؟؟ ليش نقص على نفسنا والخدم يسوون كل شي في البيت تحت إشرافج ومراقبتج لهم
آنا من وجهة نظري إن وظيفة المرأة أحسن وأفضل من قعدتها في البيت جنها قطعة أثاث لا تودي ولا تييب !!!!!!!!!!!!!!!!
مع هذا نقدر نوفق بين الجميع
بس حبيبتي المشكله انتي قايم بوجبك كأم وزوجه
غيريك لا
وإذا على المكياج مأظن زوج الوحده مايوفر هالأشياء الكماليه
وهاي غير ضروريه كثير مثل حاجتك للأستقرار وراحه
وفعلا في هالوقت وفي هالزمن الكل يحتاج وظيفة
والزوجة الشاطرة والام المهتمة تقدر توفق بين شغلها وزوجها وعيالها بدون ماتهمل اي طرف
وانا معك في هالنقطة
وادعوا لي احصل وظيفة
 |
اقتباس |  |
 |
المشاركة الأساسية كتبها ام تميمN  |
 |
 |
| عادي احنا عندنا في سعودي نروح دار التحفيظ لو ماعندنا دومات ونرد على 11
مع هذا نقدر نوفق بين الجميع بس حبيبتي المشكله انتي قايم بوجبك كأم وزوجه غيريك لا وإذا على المكياج مأظن زوج الوحده مايوفر هالأشياء الكماليه وهاي غير ضروريه كثير مثل حاجتك للأستقرار وراحه |
||
 |
 |
حبيبتي وين يقدر يوفر لها كل شي طالما أهو راتب واحد منه للإيجار والخدامة ومصرف بيت ومدارس ويهال ؟؟؟؟؟ لو طايح على أملاك قارون يمكن !!!!!!!!
وإذا على الإستقرار ولله الحمد موجود طالما في تفاهم بين الزوجين ، وللعلم إذا على راتب الزوج حسرة عليج حتى العمرة مو سفر بعد ، يا حبيبتي الله الحافظ سواء كانت الأم موجودة في البيت أو لأ !!!!!!!!
آنا أعرف واحدة وافدة كانت تخلي عيالها في البيت وتروح دوامها تغفل عليهم باب المطبخ بس ، للعلم عيالها بو سنتين و3 سنوات !!!!!
هاليومن ماتجي من تحت وظيفة المراه
في اوقت الرجل فيه يعتمد على المرأه بصرف اذا كانت موظفه
وغير الود وده يسحب المرتب منه عشان متذله شريكم
غير اهملها لكثير من مسؤليتها كأم وزوجها
وتقوم تزعل لتزوج عليها
هذا من وقع
طبعن الوظيفه اذا كانت لحاجه غير اذا كانت لترفيه فقط غير
جان علي أنا أمنية حياتي أترك الشغل وأقعد في البيت أجابل ريلي وعيالي بنفسي حتى بوجود الخدامة
لكني ملزومة أشتغل يد وحدة ماتصفق في هالزمن والألف دينار ماتسوي شي في موجة الغلاء اللي ذبحتنا
حالتنا المادية مب سيئة مستورة الحمد لله لكن مب لدرجة إني أترك الشغل وأقعد في البيت وأعتمد على راتب ريلي ولو إن الود ودي ماشتغل
ولا تسوى قعدتي من الصبح ومعذبة عيالي من مكان لي مكان وأدور أحد يوديهم وياخذهم
ولا تسوى إني ساعات وايد أحتاج أروح المدرسة ولا المستشفى ولا أي مشوار ومديري العزيز مايقدر الظروف ومايسمح لي
ولاتسوى أخلي ريلي يجابل الخدامة ويجوفها ويحتاجها ويطلب منها أكثر مني والبيت كله ياكل من يدها
ولاتسوى إني أرجع من الشغل تعبانة ومنتهية ومالي مزاج أجوف بيتي وعيالي وأقوم بواجباتي ناحيتهم
آآآآآآآآه يبتيها عالجرح وأنا أقول اللي تقدر تتكيف براتب ريلها أو حالتهم المادية ميسورة ومرتاحين ترى بيتها أولى بتعبها ووقتها وهذي بروحه شرف أتمنى الله يكتبه لي قولو آمين
لمين بتترك بيتها واولادها؟….اذا ما ضل احد في البيوت غير الخدم..مين اللي بربي….يا اخواتي والله ثم والله غالبية مشاكلنا الاجتماعيه هالايام بسبب خروج المرأة من بيتها…وووجود قصور في تربية الاطفال …لحد ما نشأ جيل كامل على ايدي الخدم…جيل للاسف ما يقدر القيم …وانتو شايفين كم الفساد الموجود في بلادنا…
في تقصير حقيقي…ويستحيل ثم يستحيل تكون المرآة قادرة على التوفيق بين بيتها وشغلها …الا ما يحصل تقصير وانا على يقين من ذلك…لان صاحب بالين كذاب….
والله ما خلق المرأة حتى تاخد دور الرجل في عمارة الارض…ربنا خلقها حتى تكون حضن وسكن ومودة لزوجها…
كيف بيرج الزوج اخر النهار تعبان..وهي تعبانه ومشحونة…ومين بتحمل مين فيهم؟؟…..لابد احد يحتوي الاخر…
القناعة والله كنز…ولو مافي داعي للوظيفة..الافضل ان تقر المراة في بيتها مع زوجها واولادها…
في النهاية المسألة مسألةايمان و قناعة ورضــا
|
اقتباس | |
|
| في النهاية المسألة مسألةايمان و قناعة ورضــا | ||
|
|
خلاصه رايي
للأسف صرنا بزمن الزوج و الزوجة تخلوا عن مسؤليتهم للخدم خدمة تربي في البيت و سواق يودي ويجيب
اعرف قصة وحدة هي موظفة وبنتها تقدم لها عريس بعد ما خلصت الثانوية وافقت على طول ورفظت انها تكمل دراستها الام يوم زواج بنتها جلست تنصحها انها تكمل دراستها….تعرفين البنت وش ردت عليها قالت لها انا ما أبي اضيع عيالي مثل ما ضيعتيني عشان راتب تاخذينه كل نهاية شهر……يعني ابنائنا يعانون في صمت؟!
وهذي قصة زميلة اختي هي معلمة تدرس في منطقة بعيدة طبعا ما تدخل البيت إلا على اذان العصر ويوم زوجها لمن جا من العمل راح يجيب غدا وترك ولده 4 سنوات في البيت الولد الله يهديه دخل جوت الفرن وقفل عليه و ابوه اتأخر الولد طبعا اختنق ومات وهذي صارت قريب مالها شهور لا حول ولا قوة إلا بالله
والي تفكر في الكماليات تتذكر حديث الرسول كلكم راعي وكلكم مسؤل عن رعيته