اللهم إنا نعوذ بك من نار جهنم
المهم خواتي عندي مشكلة مع ولدي فديته عمره 9 شهور:eek: بس مزاجي بشكل جنه شيبه خخخخ
انا يبته خدج وفي بداية الشهور ماكنت اظهر برع البيت وايد لان جسمه مايتحمل بس عقب ماكمل
4 شهور عادي ظهرته ويضحك ويا اللي يعرفه واللي مايعرفه بس البحر مايظل هادي المهم
بدأ فجأة ينكر ويخاف ويصيح بهستيريا ولا يسكت لما يشوف حد غريب حتى جدته وعيال عمامه وخوله الصغار والكبار تخيلوا؟!
مرة كنت سايرة زيارة ويا العايلة ولما ركبت سيارة اخوي ريلي وشافها لاول مرة انهار من الصياح لدرجة
نزلت و رديت البيت بكشختي ولا سرت وياهم ،، حتى عند اهلي سرت مرة ابات عندهم اول يومين
مارقدنا من هالخوف المشكلة انه حتى وهو بهالعمر يعرف انا هالبيت مثلا مب بيتنا ولا حجرته
تعبت الصراحة وياه قمت اسير اي مكان ويبدأ يصيح وللعلم ماروم احطه عند حد دوووم يعني ابي حل لهالمشكلة حتى أحيانا في بيتنا مع الاهل يالسين مستانسين يصيح من زود حشرة وصراخ اليهال لما يلعبوا يبي الجو هادي رومانسي
وانا مادري خخخخخخخخخخخخخ:tongue:
تعبت ابيه يتعود على الناس وما ابيه يهستر لما اطلع برع البيت ياليت تساعدوني
ادري طولت عليكم والسموحة …
وان شاء الله فتره وتعدي
بس انتي حاولي لا تبينينله انك خايفه عليه لان ممكن يزيد
والله يهديه لك ان شاء الله
وثاني شي يمكن انتي دايما تخلينه عندج ماحاولتي من قبل تخلينه عند اهلج يمسكونه حتي لو كنتي موجوده معاه في نفس المكان هذا كله الصياح لانه تعلم عليج بروحج ولكن يوم يومين راح يصيح ومارده بيتعلم وانتي حاولي دايما تعطينه اهلج حتي لو صاح شوي وردي اخذيه حتي يسكت وشوي شوي بيتعلم اليهال يبي لهم طولت بال وكل ياهل غير عن الي قبله والله يساعدج ويهديه لج ودايم اقري عليه المعوذات والرقيه الشرعية
والله يهديهم ويصلحهم ويحميهم ان شاءالله .. نصيحه لج اختي المعوذات وآية الكرسي ليل ونهار إقري عليه ..
والسموحه ..
ولاتبيني خوفك بزياده يمكن الانك والدتي قبل الموعد كانتي اتخافي عليه بزياده ترى الطفل يحس ولاتقولي صغير
وان شاء الله فتره وتعدي