كيف حالكم يا أمهات عروس؟؟ عساكم طيبين..
بغيت ممكن تعطوني خبراتكم في تغذية الطفل اللي كمل السنة..
ولدي الله يخليه لي قريب بيخلص السنة، ممكن أعرف أي حليب أعطيه؟؟ يصير اعطيه حليبنا
العادي، مراعي ولا غيره؟؟
وإذا ببدل له الحليب، ابدله على طول ولا لازم أخلط ولا كيف؟؟
وكم مرة في اليوم أعطيه؟؟ وشلون أفطم ولدي من المرضاعة؟
وبخصوص الوجبات، تكون 3 وجبات مثلنا وياكل أكلنا عادي؟؟
أتمنى تساعدوني لأن هذا أول عيالي 
وجزاكم الله خير والله يرزقكم اللي تتمنونه
بالنسبة للحليب ممكن تعطينه الحليب العادي مراعي و غيره بس يكون مبستر و الكميه 400 مل يوميا أقل شي لي ما يوصل السن المدرسية مهم جدا للنمو .. اول شي عطيه بالتدريج يعني ربع حليب و الباقي زيديه ماي لي بعد كم يوم يصير اتحطين حليب كامل بدون ماي طبعا ممكن و احتمال قوي انه ما يتقبله لأنه متعود على الصناعي اذا كان يشربه قبل و الصناعي فيه شيره الحل ممكن اتضيفين الموز يعني تسوين له حليب موز و يشربه بالعود شوي شوي بيتعلم يمص منه انتي راويه اشلون طريقه المص و هو بيقلدج و شوي شوي بيتعود على الحليب العادي حتى بدون اضافات
بالنسبة للأكل ممكن ياكل من أكلنا و عطيه 3 وجبات و بين الوجبات حليب لاغير
اتمنى اني افدتج اختي
ولدي كمل ال3 سنين وما يشرب حليب بالمررررررررررررة
والله ان شكله ضعيف مع انه بامانة اكله جيد جدا (y) بس الحليب بالمرة ما يشربه
لما اقومه للروضة ما يرضى ياكل الا بالعافية!! 😡 !ومو وايد بعد
كيف اقدر اعطيه حليب_____________> ما يبي:confused:
ساعدوني
اني عمر ولدي 9 شهور واعطية عادي من اكلنا
اما الحليب العادي المراعي وغيرة اذا كمل سنة
عيون زوجي عطية حليب على فراولة او اي شي من الفواكة بيحبة لان اني الكبيرة قبل مااحب اشرب حليب عاادي
عطية حليب فواكة بتقبلة ان شاء الله
عن نفسي أعطي عيالي حليب عادي بعد السنه سواء سائل أو بودرة والحمد لله ما صارت لي مشاكل من هالموضوع.
بس هالسنين صاير في حليب أشكال من الي مخصوص لليهال بعد السنة أفكر أعطي بنتي الله يخليها ويخلي عيالكم منهم بس ما بخليها تعتمد عليه بشكل كامل لأنا نسافر وايد وأخاف أسافر وما ألقى من الحليب الي متعوده عليه يمكن أخليها رضعه ورضعه.
اما الحليب فانا انصحك بالحليب المخصص للأطفال ما بعد السنة مثل نيدو / بيبي لاك / انكور… لان الحليب السائل يفتقر لاشياء كثيرة يحتاجها الطفل للنمو مثل الحديد .. يعني حليب الاطفال بيكون مضاف له حديد ومعدلين نسبة البروتين العالية الي موجودة في الحليب الطبيعي اصلا … ومصافة له ايضا فيتامينات ومعادن كثيرة مفيدة لنمو طفلك في هذي المرحلة من عمره ….
 |
اقتباس |  |
 |
المشاركة الأساسية كتبها *ام وسام*  |
 |
 |
| الحليب السائل يفتقر لاشياء كثيرة يحتاجها الطفل للنمو مثل الحديد .. يعني حليب الاطفال بيكون مضاف له حديد ومعدلين نسبة البروتين العالية الي موجودة في الحليب الطبيعي اصلا … ومصافة له ايضا فيتامينات ومعادن كثيرة مفيدة لنمو طفلك في هذي المرحلة من عمره …. | ||
 |
 |
اتفق مع رأي الحبوبة ام وسام … اللي اعرفه انه اللبن المخصص للاطفال معدل بحيث يتلائم مع احتياجات طفلك ..بعكس اللبن السائل… لذا شوفي المرحلة التالتة من نفس اللبن اللي يستعمله طفلك … زي S26 … المرحلة التانية بروميل …. ولبعد السنة بروجرس
ممكن أعرف أي حليب أعطيه؟؟
حبيبتي اذا ما عنده اي حساسية تقدرين تعطين من حليب الكبار بس يكون مبستر
وإذا ببدل له الحليب، ابدله على طول ولا لازم أخلط ولا كيف؟؟
تقدرين تخلطين علبة الجديدة مع القديمة مو خسرانة شي عشان يتقبله شوي شوي
وكم مرة في اليوم أعطيه؟؟ وشلون أفطم ولدي من المرضاعة؟
يعني بحدود ال500 مل حبيبتي نصيحة لمن تغيرين الحليب ابدي اعطيه بالكوب و خلي بس بالليل يشرب بالمرضعة بعد اسبوع اسبوعين شيليها
وبخصوص الوجبات، تكون 3 وجبات مثلنا وياكل أكلنا عادي؟؟
اي طبعا انا ولدي عمره 9 شهور اوكله كل شي ما عدا العسل
هذه المعلومات اللي اعرفها ان شاء الله تكونين مستفادة
كفو ووفو