ولدي كمل سنه وباقي حالته يرثى لها ساعدوني عشان خاطره 2024.

اخواتي الغاليات ولدي الحبيب كمل سنه من عمره ربي يحفظه بس اللي يشوفه يعطيه عمر 6 اشهر
تخيلو يا بنات وزنه لسى 6 كيلو وطوله 65سم وربي يقطع القلب نحيف وقصير
راح اعطيكم وصف لحالته يمكن اقدر استفيد منكم
هو اصلا مولود صغير كان وزنه عند الولادة 2 كيلو فقط وطوله 46 سم بس صحته ولله الحمد جيده وما رضع مني الا تقريبا خمس اشهر بعدين رفض واعتمد كليا على الرضاعه الصناعية
وهو حاليا يتسخدم سيميلاك غين للي فوق السنه
طلع له من اسبوع سنتين تحت
يمشي فقط لما يكون مستند على شئ او في المشاية اما لوحده فلا يوقف ولا يمشي

اللحين ابي منكم مساعدة كيف اخلي وزنه يزيد وماهي الاكلات والوصفات اللي يمكن تساعد في زيادة وزنه
كيف اقدر اساعده على المشي لاني احس عظامه ضعيفة وبسرعه يتعب ويجلس
وش رايكم في طوله ما تشوفون مثلي انه قصير بالمره وهل فيه طريقة او علاج ممكن يساعد على زيادة طوله
هل اقدر استخدم له بياض البيض والعسل بعد ما كمل سنه لاني ما كنت استخدم الا الصفار

حبيباتي الولد هذا بكري وما عندي غيره فياليت تساعدوني عشان يتحسن وضعه ولكم مني كل الحب

حبيبتي والله ما عندي فكرة الافضل انك تتابعي معه عند الدكاترة

الله يخليلك ياه يا رب

ربي يسعدك صحته كويسه بس نحيف
المشكله غذائية وليست طبيه

مــآ أعـــرف..

ـأن ششاء الله البنات يفـدونج أكثر..

حيبيتي لاتخافي احس وظعه طبيعي يمكن لان بنتي نفس حالته كانت والى الحين بس بنتي ماشاء الله عليها طويله اذا ولدك يتقبل الاكل اكليه اشياء تمتن مثل االنشويات بطاطس مثلا مهروس او سيريلاك السيرلاك يمتن بس بنتي ماتحبه وماتحب الاكل اصلا تعبت منها انتي شوفي اعطيه روب وحطي فيه بريد واكليه سمعت انه يمتن وحطي مع حليبته سيريلاك شوي مع كل رظعه ومن الفواكه اكليه مانجا وسوي له شوربة بطاطس ظيفي الها طحين وبالنسبه الى البيظ عادي مدام كمل سنه اكليه البياظ والصفار انا سمعت بعظ الاطفال يتحسسو من البيظ انتي شوفي انا بنتي عطيتها قبل ماتكمل السنه وعادي والعسل بعد عادي في حتى سيريلاك يبيعوه في الصيدليه مع العسل واكليه كل شي حتى لحوم اهرسيها واكليه لان خلاص كمل السنه ياكل كل شي مثلنا الرز بعد سوي له لين واكليه ولاتخافي على وزنه ان شاء الله بيكبر وبيزيد وبيمشي بعد انا بنتي عمرها سنه و7شهور ووزنها 10 كيلو شوفي يعني مو فرق عن ولدك الا 4 كيلو وهي اكبر منه ب7 شهور المفروظ وزنها اكثر وان شاء الله اكون افدتك
تقبلي مروري

أنا كنت خايفة على بنتي تقريبا نفس المشكلة باقي اسبوعين وتكمل السنه واللي يشوفها يعطيها 6 أو 7 شهور.
وزنها عند الولادة كان 2.6 كيلو يعني فرق نص كيلو تقريبا عن ولدج
والحين وزنها أقل من 7 كيلو
لكن بنتي مرضت من فترة قصيرة وجاها ( البو شنيتر) اللي هو الجدري المائي
ولازمتها سخونه خلتها لإتاكل ولا تبي ترضع ولا تتحرك من مكانها
الحمدالله ربي شافاها والكل يقول لي أنها صغيره بس بتكبر وبتسمن

وبنتي بعد مأتمشي إلا في المشاية أو لما تيود شيء وتستند عليه
أنا الحين أعطيها شوربة شوفان وأبشر فيها أنواع الخضرات
وهي من النوع اللي ماتحب تآكل
حبيبتي أنا حبيت اظمنج أن في مثل حاله ولدج كثار وان شاء الله ماعليه إلا العافية
وأنا حابة استفيد من الردود معاج غسان بنتي بنفس المشكلة

الله يعين هالعيال مايبون ياكلون شي هاليومين

بنتي اعجزماتاكل شيالا قليل جدا
ووزنها نازل بس تطول والا الوزن مايزيد

بس الحمد لله على الصحة

انتي وديه لدكتور يمكن يعطيه مقويات
انا بنتي قال الدكتورماتحتاج للمقويات انتي يمكن ولدج محتاج مقوي

والله يخليه لج ويكبر ويصير معرس

F:سلام اختي انا بنتي عندها ظمور وتحزن احمدي ربك بس انا انصحك بحاجتين اولا السمسم اطحنيه واحفظيه في الثلاجه واعطيها ملعقه شاهي مع الزبادي اواي شى انا احطه لبنتي مع السيريلاك ثلاث مرات في اليوم والله ياختي زاد وزنها وطلع لها خدود ثانيا فيتامين كبد الحوت من الصيدليه بالبرتقال واله لاحظت الفرق وطلعت اسنانها ناويه استخدمه لمدة ثلاث شهور

شوفي حبيبتي اكليه من كل شي مثل البطاطس والارز واعمليله شربه عدس مع خضار اوشربه شوفان واعمليله بين الوجبه الرائسيه عصير فواكه اخلطيه في الخلاط واعطيه في رضاعه فتحتها كبيره واعطيه وحاولي تعطينه تمر مثلاٌ4حبات تمر مع 10حبات حلبه تتنقع في مويه مغليه لمدة ساعه ونصف وصفيها واعطيه وصدقيني لومشيتي على هالخطوات بتشوفي ابنك كيف يصير واهممممممممم شي تبغي يصير عظام ولدك قويه يومياُلمدة نصف ساعه تشمسينه عشان لين العظام يعني نقص فيتمين (د) والشمس ضروريه للكباروالصغار : والله يخليه لك ويحفظه