ليي ماكمل ثلاث اسابيع وهو يرضع من صدري عادي ولا يقبل الصناعي لما اعطيه ووزنه كان يزيد الحمد لله والحليب عندي ماشاء الله كافي حتى اني كنت اشفطه للمرضاعه ويمليها
من يوم العيد وهو صار ينام طول الوقت ولا يصحى للرضاعه مثل قبل كان يصحى كل ساعتين حتى المرضاعه يشرب رقم واحد وينام وهو يشربها ويتركها مع اني احسه مااكتفى لان لما احط صبعي على فمه يفتحه ولما اعطيه اكثر يرجع مثل النافوره كل اللي ببطنه يرجعه
اذا يرضع من صدري كلها خمس دقايق وينام وهو يرضع ويترك صدري ولما ارجع احط له صدري يبكي ويبعد راسه مايقبل يرضع ابدا
رضاعته حتى الصناعي قليله
مو مثل قبل
ماادري شنو السبب خذته المستشفى قال الطبيب انه بياخذ فتره وبيرجع مثل قبل يعني اسبوع عشر ايام
في حد منكم مر بالتجربه هذي يطمنني خايفه على ولد يموت من الجوع
انا كمان ولدي لما كنت بالاربعين ماكان يجلس لحتى يرضع
وكانت الدكتورة تقولي لازم تصحينه
بس كنت احاول اصحيه ومايصحى
وحتى هي حاولت معاه لما كنت بالمستشفى انها تصحيه بس خلاص الطفل في البدايه بينام كثير ومابيصحى الا قليل
ولما يصحى بيشرب صحيح مو كثير بس اكيد هو شبع
انا كنت مثلك متاذيه معاه لانه صدري كان بيتنفخ لانه مابيشرب كثيرلاوما بتحمله فاضطر اعملي كمادات مشان اخفف الالم
بس مع الايام صار يشرب زين والحمدلله
فاتطمني ولاتخافين
بس إن شاء الله فتره بسيطه وتعدي على خير
أنتي بس حاولي وياه ولا تيأسين خيوه هذي نصيحتي
أعطيه يرضع وانتي متطمنه ومرتاحه ووضعيتش لازم تكون
مريحه عشان الطفل ياخذ كفايته من الحليب
ولا اتفكرين انه ولدش مايشبع أبدا
و سمي بسم الله وذكري الله
حالتي النفسيه زفت والحمد لله ودي ارضعه طبيعي ماودي بالمراضع بس شسوي
حاله انقلب 180 درجه ها وانا اسمي عليه واقرا المعوذات خصوصا لما ارضعه قدام الناس يالله الله كريم
ومايشوف شر انشاء الله
تحياااتي
لا تتعبين نفسيتج خيوتي اهدئي وواصلي بانش توقظينة كل فترة وتحاولين ترضعينه وهذي بس فترة وبعدين جهزي نفسج الى السهر والصياح