ولدي والاحمرار اللي في موخرة راسة 2024.

عزيزاتي ولدي عمره 6 شهور وباقي مؤخرة راسه محمره من وقت الولادة لحد الآن واحيانا يطلع فيها حبوب صغيره وقشور بيضاء
مع العلم انه اللحين صار ينقلب ويحاول يزحف وينام احيانا كثيره على بطنه يعني ما صار يجلس كثير على ظهره
اللي مجربه تكفى تساعدني بشي يخلي هالشئ يروح منه وياليت اذا في اشياء طبيعية بدون الروحه للدكتور واستخدام الكريمات

ودمتم

بصراحه ماعندي خبره بس ماحبيت اطلع من غير شي
الله يواليه العافيه ولا تحاتين ان شاء الله خير
وديه المستشفى وجيكي شقولون واذا ماقتنعتي جوفي اشياء طبيعيه
وان شاء الله ماعليه شر حبيبتي
والامهات يفيدونج بشي

و الله ما عندي خلفية
بس ولد حماتي من يوم ما جا الى الان و عمره سنة و10 شهور و باقي مؤخرة راسه حمرا

بنتي صادتها نفس الحالة وكان في مع الاحمرار قشور متكتلة ومتجمعة يعععع ، بس انا أعرف ان زيت الزيتون مفيد جدا للقشرة وسمعته أيضا من دكتور وأنا ما كدبت خبر مليت يدي بكمية كبيرة من زيت الزيتون وقمت أفرك الاحمرار بها والله يوم ثاني مافي اي أثر للقشرة ويوم ثالث الاحمرار أختفى جربي وادعيلي بصلاح أولادي . .

اختي بنتي صار فيها نفس الشي احمرار فالراس و حبوب الصغار وايد صغاار وايد فالراس

يوم وديتها المستشفى قالت لي الدكتوره من الحراره يعني هي يوم تحر يصير فيها جذي قلت لي لبسيها ملابس خفيفه

ولا تغطين راسه ابدا .. انتي شوفي اذا كنتي تغطين راسه فلا تغطينا خلي مكشوف لانه الجو حار و اذا كنتي ما تغطينا

فالله و اعلم من شو وديها المستشفى احسن

أختي سمعت ان زيت حبة البركة مفيد بس …….للأمانه ماجربته
………………………………………….. ……………………………….

انصحج بزيت الزيتون وماتشوفون شر ان شاءالله..

صراحة عيال اختي جي صار لهم من الولادة لين احين
و اعمارهم 9 و 13
و ما فيهم الا العافية

لا تخافي حبيبتي ولدج ما فيها الا العافية

ونعم في راي باقي الأخوات بس بالضبط اللي في ولدش هو اللي صار لبنتي احمرار مع قشرة وهي مساحة صغيرة في مؤخرة الراس وجربت زيت الزيتون وطلع ممممتاز وقضى على المشكلة نهائيا وبعدين زيت الزيتون ليه فوائد عديدة للشعر يعني ادا ما فاد ما بيضر وهي كلها مرة أو مرتين افركي المكان بكمية زينة من زيت الزيتون وادا ما فاد روحي المستشفى ولو ان ولدي صاده ان شعره كله قشرة ووديته للدكتور ونصحني بشامبو ممتاز للقشرة بس هو قوي اشوي يعني لازم تحاسبين ان كلش مايصيد عيونه وهدا اسمه : hairs cience for dandruff

عااااااااااااادي طيعي ان شالله