ولدي والاكل 2024.

شخباركم بنات

بنات طلبتكم ساعدوني

ولدي عمره سنة وكم يوم ولا ياكل ولا شي

هو يرضع صناعي بس ما يرضى حتى يشرب

ناس يقولون لي فطميه بس انا اقول حرام بعده

صغير
عاد انا قلت بنات عرووس ما بيقصرون وياي
اللي مرت بنفس التجربة شلون فتحت شهية ولدها للاكل
لان هو كل ما جاء ليه يضعف وانا خايفة عليه
مشكورات مقدما

انا نفس الحاله ولدي بالغصب ياكل يحب اكثر شي سرلاك والاكلات اللي فيها سكريات

ما أدري شو أقولج بنتي سنتين أكبر من ولدج وبالموووووت تاكل لأنها تبي ترضع أكثر شي بس صرت أتركها بدون رضاعة لما أطلع من البيت يعني لو رحت مكان ماآخذ الرضاعه معاي عشان جذي تحس بالجوع فلما أعطيها الأكل تاكل منه شوي
جربي معاه الكاسترد أو دانيت أو كورن فليكس بالألياف يعني شي حلو في البداية الأطفال يحبون الحلو أكثر وأعتقد في مكمل غذائي بالصيدلية بطعم الفانيلا والشكولاته نصحتني فيه أخصائية تغذية بس بصراحة ماجربته

اقتباس

المشاركة الأساسية كتبها فشونه

	انا نفس الحاله ولدي بالغصب ياكل يحب اكثر شي سرلاك والاكلات اللي فيها سكريات

الله يعينا خيتو

اقتباس

المشاركة الأساسية كتبها الملكة سـ

	ما أدري شو أقولج بنتي سنتين أكبر من ولدج وبالموووووت تاكل لأنها تبي ترضع أكثر شي بس صرت أتركها بدون رضاعة لما أطلع من البيت يعني لو رحت مكان ماآخذ الرضاعه معاي عشان جذي تحس بالجوع فلما أعطيها الأكل تاكل منه شوي جربي معاه الكاسترد أو دانيت أو كورن فليكس بالألياف يعني شي حلو في البداية الأطفال يحبون الحلو أكثر وأعتقد في مكمل غذائي بالصيدلية بطعم الفانيلا والشكولاته نصحتني فيه أخصائية تغذية بس بصراحة ماجربته

سنتين وما فطمتينها
عادي هو ما يرضع واجد بس ولا شي يرضى ياكله
كان يحب الدانيت بس الحين لا تقربين صوبه الملعقة

خواتي نسيت اقول لكم مشكورات

موضوع حلوووو وجا في وقته لأن بنتي بعد توها مكملة سنة ومسوية اضراب عن الطعام صارليها أكثر من اسبوعين على هالحال وأني عارفة أنا السبب هو التسنين بس هم خلاص ظاهرين وبشكل واضح يعني خلاص المرحلة الصعبة عدت ، ياريت أمهات الأطفال المتختخين يفيدونا اشلون يفتحون شهية أولادهم للأكل ، جاري التقييم .

نفس معاناتي
يارب باقي الامهات يفيدونا بحاجات تفتح الشهية

أختي ولدي يوم كان في عمر ولدج ماياكل شي بس يرضع معتمد على الحليب لين قريب بيوصل سنتين قالوا لي فطميه او راح ياكل فطمته اوكان عمره سنه و11 شهر او ظل فتره بعدين قام ياكل عاد ابتديت معاه بالمهروس لان ماكان يقدر ياكل اكل خشن على طول يبالع والحين الحمد الله ياكل بروحه المسأله يبغي ليها صبر

اقتباس

المشاركة الأساسية كتبها بوح الكلمات

	موضوع حلوووو وجا في وقته لأن بنتي بعد توها مكملة سنة ومسوية اضراب عن الطعام صارليها أكثر من اسبوعين على هالحال وأني عارفة أنا السبب هو التسنين بس هم خلاص ظاهرين وبشكل واضح يعني خلاص المرحلة الصعبة عدت ، ياريت أمهات الأطفال المتختخين يفيدونا اشلون يفتحون شهية أولادهم للأكل ، جاري التقييم .

يعور قلبي اشوفه جوعان ولا يرضى ياكل شي وكل ما جاء ليه يضعف زيادة